ਵਿਸ਼ਾਲ ਜੇਠਵਾ ਨੇ ਤਸਵੀਰਾਂ ਸ਼ੇਅਰ ਕਰ ਦੋਸਤ ਤੁਨੀਸ਼ਾ ਸ਼ਰਮਾ ਨੂੰ ਕੀਤਾ ਯਾਦ, ਕਿਹਾ- ਅਫਸੋਸ ਹੈ ਕਿ ਦੋਸਤ ਦੀ ਮਦਦ ਨਾਂ ਕਰ ਸਕਿਆ

Vishal Jethwa remember Tunisha Sharma: ਮਸ਼ਹੂਰ ਟੀਵੀ ਅਦਾਕਾਰਾ ਤੁਨੀਸ਼ਾ ਸ਼ਰਮਾ ਦੇ ਦਿਹਾਂਤ ਨਾਲ ਟੀਵੀ ਜਗਤ ਵਿੱਚ ਸੋਗ ਦੀ ਲਹਿਰ ਹੈ। ਤੁਨੀਸ਼ਾ ਦੀ ਮੌਤ ਤੋਂ ਬਾਅਦ ਉਸ ਦੇ ਪਰਿਵਾਰਕ ਮੈਂਬਰ ਤੇ ਦੋਸਤ ਅਜੇ ਤੱਕ ਸਦਮੇ ਵਿੱਚ ਹਨ। ਹਾਲ ਹੀ ਵਿੱਚ ਮਸ਼ਹੂਰ ਟੀਵੀ ਅਦਾਕਾਰ ਵਿਸ਼ਾਲ ਜੇਠਵਾ ਆਪਣੀ ਦੋਸਤ ਤੁਨੀਸ਼ਾ ਸ਼ਰਮਾ ਨੂੰ ਯਾਦ ਕੀਤਾ।

Image Source:Instagram

ਹਾਲ ਹੀ 'ਚ 'ਸਲਾਮ ਵੈਂਕੀ' ਫੇਮ ਅਭਿਨੇਤਾ ਵਿਸ਼ਾਲ ਜੇਠਵਾ ਨੇ ਤੁਨੀਸ਼ਾ ਦੀ ਯਾਦ 'ਚ ਇੱਕ ਪੋਸਟ ਸ਼ੇਅਰ ਕੀਤੀ ਹੈ। ਵਿਸ਼ਾਲ ਜੇਠਵਾ ਨੇ ਆਪਣੇ ਅਧਿਕਾਰਿਤ ਇੰਸਟਾਗ੍ਰਾਮ ਅਕਾਊਂਟ ਉੱਤੇ ਤੁਨੀਸ਼ਾ ਦੇ ਨਾਲ ਆਪਣੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।

ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਵਿਸ਼ਾਲ ਨੇ ਤੁਨੀਸ਼ਾ ਦੇ ਟੈਟੂ ਦਾ ਜ਼ਿਕਰ ਕੀਤਾ। ਵਿਸ਼ਾਲ ਨੇ ਇਹ ਵੀ ਦੱਸਿਆ ਕਿ ਉਹ ਆਪਣੀ ਦੋਸਤ ਨੂੰ ਇੱਕ ਸਲਾਹ ਦੇਣ ਤੋਂ ਖੁੰਝ ਗਏ, ਜਿਸ ਦਾ ਉਨ੍ਹਾਂ ਨੂੰ ਬਹੁਤ ਪਛਤਾਵਾ ਹੋ ਰਿਹਾ ਹੈ ਤੇ ਉਹ ਬੇਬਸ ਮਹਿਸੂਸ ਕਰ ਰਹੇ ਹਨ।

ਵਿਸ਼ਾਲ ਨੇ ਆਪਣੇ ਇੰਸਟਾਗ੍ਰਾਮ ਪੇਜ ਤੋਂ ਤੁਨੀਸ਼ਾ ਨਾਲ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਜਿਸ ਦੇ ਨਾਲ ਉਨ੍ਹਾਂ ਨੇ ਲਿਖਿਆ, "ਮੈਂ ਚੁੱਪਚਾਪ ਕਿਉਂ ਉਮੀਦ ਕਰ ਰਿਹਾ ਹਾਂ ਕਿ ਤੁਸੀਂ ਵਾਪਸ ਆਵੋਗੇ? ਮੈਂ ਤੁਹਾਨੂੰ ਦੱਸਦਾ ਹਾਂ ਕਿ ਇਹ ਸਿਰਫ ਮੈਂ ਨਹੀਂ, ਤੁਹਾਡੇ ਆਲੇ ਦੁਆਲੇ ਹਰ ਕੋਈ, ਤੁਹਾਡੇ ਪਰਿਵਾਰ ਤੋਂ ਲੈ ਕੇ ਤੁਹਾਡੇ ਸਾਰੇ ਪ੍ਰਸ਼ੰਸਕ ਅਤੇ ਸ਼ੁਭਚਿੰਤਕ ਵੀ ਅਜਿਹਾ ਹੀ ਮਹਿਸੂਸ ਕਰਦੇ ਹਨ। ਬਹੁਤ ਦੁਖਦਾਈ ਅਤੇ ਅਸਹਿ ਜਾਪਦਾ ਹੈ ਕਿ ਤੁਸੀਂ ਆਪਣੇ ਸਾਰੇ ਪਿਆਰਿਆਂ ਨੂੰ ਇੰਨਾ ਦਰਦ, ਗਮ, ਸਦਮਾ ਦਿੱਤਾ ਹੈ ਪਰ ਅਫ਼ਸੋਸ ਨਾਲ ਸਾਨੂੰ ਇਹ ਸੱਚ ਸਵੀਕਾਰ ਕਰਨਾ ਪੈਂਦਾ ਹੈ ਕਿ ਤੁਸੀਂ ਚਲੇ ਗਏ ਹੋ ਅਤੇ ਅਸੀਂ ਤੁਹਾਨੂੰ ਦੁਬਾਰਾ ਨਹੀਂ ਦੇਖ ਸਕਾਂਗੇ।"

Image Source:Instagram

ਵਿਸ਼ਾਲ ਨੇ ਤੁਨੀਸ਼ਾ ਲਈ ਅੱਗੇ ਲਿਖਿਆ, " ਮੈਂ ਮਾਫ਼ ਨਹੀਂ ਕਰਨ ਵਾਲਾ ਲੱਗ ਸਕਦਾ ਹਾਂ, ਪਰ ਕੀ ਮੈਂ ਕਹਿ ਸਕਦਾ ਹਾਂ ਕਿ ਮੈਂ ਨਾ ਸਿਰਫ਼ ਉਦਾਸ ਹਾਂ, ਸਗੋਂ ਗੁੱਸੇ ਵਿੱਚ ਵੀ ਹਾਂ ਅਤੇ ਮੇਰੇ ਤੁਹਾਡੇ ਨਾਲ ਬਹੁਤ ਸਾਰੀਆਂ ਸ਼ਿਕਾਇਤਾਂ ਅਤੇ ਸਵਾਲ ਹਨ? ਜਿੰਨੇ ਹੋਰ ਲੋਕਾਂ ਕੋਲ ਹਨ। ਤੁਹਾਡੇ ਨਾਲ ਰਾਧਾ-ਕ੍ਰਿਸ਼ਨ ਦਾ ਕਿਰਦਾਰ ਨਿਭਾਉਣ ਦੀ ਮੇਰੀ ਇੱਛਾ ਅਧੂਰੀ ਰਹਿ ਗਈ। ਤੁਹਾਡੇ ਲਈ ਮੇਰੇ ਪਿਆਰ ਨੂੰ ਮੈਂ ਹਮੇਸ਼ਾ ਯਾਦ ਰੱਖਾਂਗਾ, ਤੁਹਾਡੇ ਨਾਲ ਮੈਡਨਸ ਭਰੀ ਡਰਾਈਵ, ਲੰਬੀਆਂ ਚੈਟਾਂ, ਪਾਗਲਪੰਤੀ, ਪਰਿਵਾਰਕ ਸਮਿਆਂ ਨਾਲ ਜੁੜੀਆਂ ਯਾਦ ਰੱਖਾਂਗਾ.. ਮੈਨੂੰ ਨਹੀਂ ਪਤਾ ਸੀ ਕਿ ਅਸੀਂ 4 ਦਿਨ ਪਹਿਲਾਂ ਜਦੋਂ ਮਿਲੇ ਸੀ, ਇਹ ਆਖ਼ਰੀ ਵਾਰ ਸੀ ਜਦੋਂ ਮੈਂ ਤੁਹਾਨੂੰ ਦੇਖਿਆ ਸੀ!"

ਤੁਨੀਸ਼ਾ ਦੇ ਨਾਲ ਵਿਸ਼ਾਲ ਨੇ ਆਪਣੇ ਫੈਨਜ਼ ਲਈ ਵੀ ਇੱਕ ਸੰਦੇਸ਼ ਲਿਖਿਆ ਹੈ। ਵਿਸ਼ਾਲ ਨੇ ਅੱਗੇ ਲਿਖਿਆ ਕਿ ਇਸ ਪੋਸਟ ਨੂੰ ਪੜ੍ਹ ਰਹੇ ਸਾਰੇ ਲੋਕਾਂ ਨੂੰ, ਮੈਂ ਖ਼ਾਸ ਤੌਰ 'ਤੇ ਇਹ ਕਹਿਣਾ ਚਾਹਾਂਗਾ - ਕਦੇ ਵੀ ਕਿਸੇ ਵਿਅਕਤੀ, ਸਥਿਤੀ, ਭੌਤਿਕ ਚੀਜ਼ਾਂ, ਸੁਪਨਿਆਂ ਜਾਂ ਇੱਥੋਂ ਤੱਕ ਕਿ ਆਪਣੇ ਵਿਚਾਰ ਨੂੰ ਆਪਣੀ ਜ਼ਿੰਦਗੀ ਤੋਂ ਉੱਪਰ ਨਾ ਰੱਖੋ। ਕਦੇ ਵੀ ਕਿਸੇ ਚੀਜ਼ ਨੂੰ ਤੁਹਾਡੇ 'ਤੇ ਇੰਨਾ ਹਾਵੀ ਨਾ ਹੋਣ ਦਿਓ ਕਿ ਉਹ ਤੁਹਾਡੀ ਜ਼ਿੰਦਗੀ ਨੂੰ ਇੰਨਾ ਬੇਚੈਨ ਕਰ ਦੇਵੇ ਕਿ ਤੁਸੀਂ ਅਜਿਹਾ ਕਦਮ ਚੁੱਕਣ ਦੀ ਲੋੜ ਮਹਿਸੂਸ ਕਰੋ। ਜਦੋਂ ਕਿ ਸਾਡੇ ਕੋਲ ਜਨਮ ਦੇ ਉਲਟ ਮੌਤ ਦੇ ਬਹੁਤ ਸਾਰੇ ਤਰੀਕੇ ਹਨ, ਪਰ ਕਾਸ਼ ਕੋਈ ਇਹ ਨਾ ਚੁਣੇ..।

ਵਿਸ਼ਾਲ ਨੇ ਕਿਹਾ ਕਿ ਕੁਝ ਦਿਨ ਪਹਿਲਾਂ ਜਦੋਂ ਮੈਂ ਤੁਨੀਸ਼ਾ ਨੂੰ ਮਿਲਿਆ ਤਾਂ ਮੈਂ ਉਸ ਦੇ ਹੱਥ 'ਤੇ ਇੱਕ ਟੈਟੂ ਦੇਖਿਆ ਜਿਸ 'ਤੇ ਲਿਖਿਆ ਸੀ- ਸਭ ਤੋਂ ਵੱਧ ਪਿਆਰ! ਉਦੋਂ ਮੈਂ ਉਸ ਨੂੰ ਦੱਸਣਾ ਚਾਹੁੰਦਾ ਸੀ ਕਿ ਤੁਸੀਂ ਇਸ ਨੂੰ ਸਭ ਤੋਂ ਵੱਧ ਸਵੈ-ਪ੍ਰੇਮ ਵਿੱਚ ਕਿਉਂ ਨਹੀਂ ਬਦਲ ਦਿੰਦੇ?! ਮੈਨੂੰ ਬੁਰਾ ਲੱਗਦਾ ਹੈ ਕਿ ਮੈਂ ਉਸ ਸਮੇਂ ਇਹ ਨਹੀਂ ਕਿਹਾ। ਤੁਨੀਸ਼ਾ ਤੁਸੀਂ ਹਮੇਸ਼ਾ ਸਾਰਿਆਂ ਦੇ ਦਿਲਾਂ ਵਿੱਚ ਰਹੋਗੇ। ਸੱਚਮੁੱਚ ਬਹੁਤ ਤੁਸੀਂ ਬਹੁਤ ਜਲਦੀ ਚਲੇ ਗਏ।"

Image Source:Instagram

ਹੋਰ ਪੜ੍ਹੋ: ਭਾਰਤੀ ਕ੍ਰਿਕਟਰ ਰਿਸ਼ਭ ਪੰਤ ਸੜਕ ਹਾਦਸੇ 'ਚ ਹੋਏ ਗੰਭੀਰ ਜ਼ਖਮੀ, ਫੈਨਜ਼ ਕਰ ਰਹੇ ਨੇ ਜਲਦ ਠੀਕ ਹੋਣ ਦੀ ਦੁਆ

ਫੈਨਜ਼ ਵਿਸ਼ਾਲ ਦੇ ਇਸ ਪੋਸਟ ਨੂੰ ਬਹੁਤ ਪਸੰਦ ਕਰ ਰਹੇ ਹਨ ਤੇ ਉਸ ਨੂੰ ਦਿਲਾਸਾ ਦੇ ਰਹੇ ਹਨ। ਕੁਝ ਯੂਜ਼ਰਸ ਉਸ ਦੀ ਇਸ ਪੋਸਟ ਦੀ ਸ਼ਲਾਘਾ ਵੀ ਕਰ ਰਹੇ ਹਨ ਕਿ ਵਿਸ਼ਾਲ ਹੋਰਨਾਂ ਲੋਕਾਂ ਨੂੰ ਜਾਗਰੂਕ ਕਰ ਰਹੇ ਹਨ।

 

View this post on Instagram

 

A post shared by Vishal N. Jethwa (@vishaljethwa06)