ਛੱਤੀਸਗੜ੍ਹ ਦੇ ਇਸ 70 ਸਾਲਾ ਮੰਤਰੀ ਨੇ ਆਸਟ੍ਰੇਲੀਆ 'ਚ ਕੀਤੀ ਸਕਾਈਡਾਈਵਿੰਗ, ਵੇਖੋ ਵਾਇਰਲ ਹੋ ਰਹੀ ਵੀਡੀਓ

TS Singhdeo Skydiving Viral Video: ਛੱਤੀਸਗੜ੍ਹ ਦੇ ਸਿਹਤ ਮੰਤਰੀ ਟੀਐਸ ਸਿੰਘਦਿਓ ਦੀ ਸੋਸ਼ਲ ਮੀਡੀਆ 'ਤੇ ਹਾਲ ਹੀ ਵਿੱਚ ਸ਼ੇਅਰ ਕੀਤੀ ਇੱਕ ਵੀਡੀਓ ਕਾਰਨ ਕਾਫੀ ਤਾਰੀਫ ਹੋ ਰਹੀ ਹੈ। ਵੀਡੀਓ 'ਚ 70 ਸਾਲਾ ਕਾਂਗਰਸੀ ਨੇਤਾ ਆਸਟ੍ਰੇਲੀਆ 'ਚ ਸਕਾਈਡਾਈਵਿੰਗ ਕਰਦੇ ਨਜ਼ਰ ਆ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੇ ਫਾਲੋਅਰਸ ਨੇ ਇਸ 'ਤੇ ਕਾਫੀ ਖੁਸ਼ੀ ਅਤੇ ਹੈਰਾਨੀ ਜਤਾਈ ਹੈ। ਦੇਵ, ਜਿਸ ਨੂੰ ਸਰਗੁਜਾ ਦਾ ਮਹਾਰਾਜਾ ਕਿਹਾ ਜਾਂਦਾ ਹੈ, ਇੱਕ ਤਜਰਬੇਕਾਰ ਟ੍ਰੇਨਰ ਨਾਲ ਸਕਾਈਡਾਈਵਿੰਗ ਕਰਦੇ ਹੋਏ ਮੁਸਕਰਾਉਂਦੇ ਹੋਏ ਦਿਖਾਈ ਦਿੰਦੇ ਹਨ।

ਮੰਤਰੀ ਦੁਆਰਾ ਸ਼ੇਅਰ ਕੀਤੀ ਗਈ ਕਲਿੱਪ ਵਿੱਚ ਉਹ ਅਸਮਾਨੀ ਗੋਤਾਖੋਰੀ ਲਈ ਢੁਕਵਾਂ ਇੱਕ ਵਿਸ਼ੇਸ਼ ਸੂਟ ਪਹਿਨੇ ਨਜ਼ਰ ਆ ਰਹੇ ਹਨ। ਕਲਿੱਪ ਵਿੱਚ ਸਕਾਈਡਾਈਵਿੰਗ ਤੋਂ ਠੀਕ ਪਹਿਲਾਂ ਦਾ ਦ੍ਰਿਸ਼, ਜਿਸ ਵਿੱਚ ਟੀਐਸ ਸਿੰਘ ਦਿਓ ਆਪਣੇ ਟ੍ਰੇਨਰ ਦੇ ਕੋਲ ਖੜ੍ਹੇ ਹਨ ਅਤੇ ਪਿੱਛੇ ਇੱਕ ਪੈਰਾਸ਼ੂਟ ਦਿਖਾਈ ਦੇ ਰਿਹਾ ਹੈ। ਮੰਤਰੀ ਸਕਾਈਡਾਈਵਿੰਗ ਤੋਂ ਪਹਿਲਾਂ ਮੁਸਕਰਾਉਂਦੇ ਨੇ ਅਤੇ ਕੈਮਰੇ ਵੱਲ ਥੰਬਸ-ਅਪ ਚਿੰਨ੍ਹ ਦਿਖਾਉਂਦੇ ਹਨ। ਸੁਰੱਖਿਅਤ ਉਤਰਨ ਤੋਂ ਬਾਅਦ ਦੇਵ, ਟ੍ਰੇਨਰ ਦਾ ਧੰਨਵਾਦ ਕਰਦੇ ਨੇ ਅਤੇ ਕਹਿੰਦੇ ਨੇ ਕਿ ਉਹ ਇਸ ਲਈ ਪਹਿਲਾਂ ਤੋਂ ਹੀ ਤਿਆਰ ਸੀ।

There were no bounds to the sky's reach. Never!I had the incredible opportunity to go skydiving in Australia, and it was truly an extraordinary adventure. It was an exhilarating and immensely enjoyable experience. pic.twitter.com/2OZJUCnStG

— T S Singhdeo (@TS_SinghDeo) May 20, 2023

ਕਲਿੱਪ ਨੂੰ ਸਾਂਝਾ ਕਰਦੇ ਹੋਏ, ਟੀਐਸ ਸਿੰਘਦਿਓ ਨੇ ਲਿਖਿਆ, "ਆਸਮਾਨ ਵਿੱਚ ਪਹੁੰਚਣ ਦੀ ਕੋਈ ਸੀਮਾ ਨਹੀਂ ਹੈ। ਮੇਰੇ ਕੋਲ ਆਸਟ੍ਰੇਲੀਆ ਵਿੱਚ ਸਕਾਈਡਾਈਵਿੰਗ ਕਰਨ ਦਾ ਸ਼ਾਨਦਾਰ ਮੌਕਾ ਸੀ ਅਤੇ ਇਹ ਸੱਚਮੁੱਚ ਇੱਕ ਅਸਾਧਾਰਨ ਸਾਹਸ ਸੀ। ਇਹ ਇੱਕ ਪ੍ਰਸੰਨ ਅਤੇ ਬਹੁਤ ਹੀ ਮਜ਼ੇਦਾਰ ਅਨੁਭਵ ਸੀ।"

ਵੀਡੀਓ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਨੇ ਟਵੀਟ 'ਚ ਕਿਹਾ, ''ਵਾਹ ਮਹਾਰਾਜ ਸਾਹਬ! ਤੁਸੀਂ ਅਦਭੁਤ ਕੀਤਾ! ਆਪਣੇ ਹੌਂਸਲੇ ਨੂੰ ਉੱਚਾ ਰੱਖੋ। ਸ਼ੁਭ ਕਾਮਨਾਵਾਂ.''

 ਹੋਰ  ਪੜ੍ਹੋ : Shaheddi diwas: ਸ੍ਰੀ ਗੁਰੂ ਅਰਜਨ ਦੇਵ ਜੀ ਦਾ ਸ਼ਹੀਦੀ ਦਿਹਾੜਾ ਅੱਜ, ਗੁਰੂ ਘਰ ਨਤਮਸਤਕ ਹੋ ਰਹੀਆਂ ਨੇ ਸੰਗਤਾਂ

ਕਈ ਟਵਿੱਟਰ ਉਪਭੋਗਤਾਵਾਂ ਨੇ ਇਹ ਸਾਬਤ ਕਰਨ ਲਈ ਮੰਤਰੀ ਦੀ ਤਾਰੀਫ ਵੀ ਕੀਤੀ ਕਿ ਉਮਰ ਮਹਿਜ਼ ਇੱਕ ਨੰਬਰ ਹੈ। ਟੀਐਸ ਸਿੰਘ ਦਿਓ ਅੰਬਿਕਾਪੁਰ ਵਿਧਾਨ ਸਭਾ ਹਲਕੇ ਤੋਂ ਵਿਧਾਇਕ ਹਨ। ਉਹ 2008 ਤੋਂ ਤਿੰਨ ਵਾਰ ਇਸ ਸੀਟ ਤੋਂ ਜਿੱਤ ਚੁੱਕੇ ਹਨ।

- PTC PUNJABI