Trending:
ਪ੍ਰੀਤ ਹਰਪਾਲ ਨੇ ਸਰਬੱਤ ਦੇ ਭਲੇ ਲਈ ਕੀਤੀ ਅਰਦਾਸ, ਕਿਹਾ ‘ਬਾਬਾ ਜੀ ਇਸ ਵਾਰ ਮੈਂ ਸਰਬੱਤ ਦੇ ਭਲੇ ਲਈ 6 ਦਿਨ ਸੇਵਾ ਕਰਾਂਗਾ, ਮੇਰਾ ਹੱਸਦਾ ਵੱਸਦਾ ਰਹੇ ਪੰਜਾਬ’
ਪੰਜਾਬ ਇਨ੍ਹੀਂ ਦਿਨੀਂ ਹੜ੍ਹਾਂ (Punjab Flood)ਦੀ ਲਪੇਟ ‘ਚ ਹੈ ਅਤੇ ਹੁਣ ਮੁੜ ਤੋਂ ਪੰਜਾਬ ਦੇ ਕਈ ਸ਼ਹਿਰਾਂ ‘ਚ ਬਰਸਾਤ ਸ਼ੁਰੂ ਹੋ ਗਈ ਹੈ । ਜਿਸ ਕਾਰਨ ਲੋਕਾਂ ਦੀਆਂ ਮੁਸ਼ਕਿਲਾਂ ਵਧ ਗਈਆਂ ਹਨ । ਲੋਕਾਂ ਦੇ ਘਰਾਂ ‘ਚ ਹੜਾਂ ਦਾ ਪਾਣੀ ਵੜਿਆ ਹੋਇਆ ਹੈ ਅਤੇ ਸਰਹੱਦੀ ਇਲਾਕਿਆਂ ‘ਚ ਤਾਂ ਹਾਲਾਤ ਹੋਰ ਵੀ ਬਦਤਰ ਬਣੇ ਹੋਏ ਹਨ । ਜਿਸ ਤੋਂ ਬਾਅਦ ਹਰ ਕੋਈ ਪੰਜਾਬ ਦੇ ਭਲੇ ਅਤੇ ਸੁੱਖ ਸ਼ਾਂਤੀ ਦੇ ਲਈ ਅਰਦਾਸ ਕਰ ਰਿਹਾ ਹੈ । ਗਾਇਕ ਪ੍ਰੀਤ ਹਰਪਾਲ (Preet Harpal) ਨੇ ਵੀ ਆਪਣਾ ਇੱਕ ਵੀਡੀਓ ਸਾਂਝਾ ਕੀਤਾ ਹੈ ।
_ba40fd8cfc4d121c819a9767425f3a22_1280X720.webp)
ਹੋਰ ਪੜ੍ਹੋ : ਜਾਣੋ ਉਨ੍ਹਾਂ ਫ਼ਿਲਮੀ ਸਿਤਾਰਿਆਂ ਦੇ ਬਾਰੇ ਜੋ ਆਪਣੇ ਭੈਣ ਭਰਾਵਾਂ ਦੀ ਲੱਗਦੇ ਹਨ ਕਾਰਬਨ ਕਾਪੀ
ਜਿਸ ‘ਚ ਗਾਇਕ ਗੁਰੁ ਘਰ ‘ਚ ਸੇਵਾ ਕਰਦਾ ਹੋਇਆ ਨਜ਼ਰ ਆ ਰਿਹਾ ਹੈ । ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਗਾਇਕ ਨੇ ਲਿਖਿਆ ਕਿ ਬਾਬਾ ਜੀ ਇਸ ਵਾਰ ਮੈਂ ਸਰਬੱਤ ਦੇ ਭਲੇ ਦੇ ਲਈ ਤੁਹਾਡੇ ਦਰ ‘ਤੇ ਛੇ ਦਿਨ ਸੇਵਾ ਕਰਾਂਗਾ। ਵਾਹਿਗੁਰੂ ਜੀ ਸਭ ਦਾ ਭਲਾ ਕਰ। ਮੇਰਾ ਪੰਜਾਬ ਹਮੇਸ਼ਾ ਹੱਸਦਾ ਵੱਸਦਾ ਰਹੇ’।
-(1280-×-720px)-(5)_ce65ea2b2eddbccd318185684296bdde_1280X720.webp)
ਪ੍ਰੀਤ ਹਰਪਾਲ ਦੇ ਜਜ਼ਬੇ ਨੂੰ ਹਰ ਕੋਈ ਕਰ ਰਿਹਾ ਸਲਾਮ
ਪ੍ਰੀਤ ਹਰਪਾਲ ਵੱਲੋਂ ਸਾਂਝੇ ਕੀਤੇ ਗਏ ਇਸ ਵੀਡੀਓ ਨੂੰ ਫੈਨਸ ਦੇ ਵੱਲੋਂ ਪਸੰਦ ਕੀਤਾ ਜਾ ਰਿਹਾ ਹੈ ਅਤੇ ਫੈਨਸ ਵੀ ਗਾਇਕ ਦੇ ਸੇਵਾ ਦੇ ਇਸ ਜਜ਼ਬੇ ਨੂੰ ਸਲਾਮ ਕਰ ਰਹੇ ਹਨ ।
ਦੱਸ ਦਈਏ ਕਿ ਪ੍ਰੀਤ ਹਰਪਾਲ ਨੇ ਕਿਸਾਨ ਅੰਦੋਲਨ ਦੇ ਦੌਰਾਨ ਵੀ ਕਿਸਾਨਾਂ ਦੀ ਜਿੱਤ ਦੇ ਲਈ ਅਰਦਾਸ ਕੀਤੀ ਸੀ । ਜਿਸ ਤੋਂ ਬਾਅਦ ਉਹ ਆਪਣੇ ਪੁੱਤਰ ਦੇ ਨਾਲ ਪੈਦਲ ਹਰਿਮੰਦਰ ਸਾਹਿਬ ਤੱਕ ਪਹੁੰਚੇ ਸਨ ਅਤੇ ਉੱਥੇ ਮੱਥਾ ਟੇਕ ਕੇ ਪ੍ਰਮਾਤਮਾ ਦਾ ਸ਼ੁਕਰਾਨਾ ਕੀਤਾ ਸੀ ।
- PTC PUNJABI
