Trending:
ਕਪਿਲ ਸ਼ਰਮਾ ਨੇ ਕੀਤੀ ਨਵੀਂ ਸ਼ੁਰੂਆਤ, ਕਿਹਾ ‘ਹੁਣ ਖਰਚੇ ਨਹੀਂ ਹੁੰਦੇ ਪੂਰੇ’
ਕਪਿਲ ਸ਼ਰਮਾ (Kapil Sharma) ਇੱਕ ਬਿਹਤਰੀਨ ਕਾਮੇਡੀਅਨ ਹੋਣ ਦੇ ਨਾਲ-ਨਾਲ ਇੱਕ ਵਧੀਆ ਗਾਇਕ ਵੀ ਹਨ । ਬੀਤੇ ਦਿਨੀਂ ਉਨ੍ਹਾਂ ਦਾ ਇੱਕ ਵੀਡੀਓ ਵਾਇਰਲ ਹੋਇਆ ਸੀ । ਜਿਸ ‘ਚ ਆਮਿਰ ਖ਼ਾਨ, ਗਿੱਪੀ ਗਰੇਵਾਲ, ਸੋਨਮ ਬਾਜਵਾ ਸਣੇ ਆਪਣੀ ਵਧੀਆ ਗਾਇਕੀ ਦਾ ਮੁਜ਼ਾਹਰਾ ਕੀਤਾ ਸੀ । ਜਿਸ ਤੋਂ ਬਾਅਦ ਹੁਣ ਕਪਿਲ ਸ਼ਰਮਾ ਨੇ ਆਪਣਾ ਵਲੌਗ ਸ਼ੁਰੂ ਕਰ ਦਿੱਤਾ ਹੈ ।
_16f45550991086621319769d4c7c38be_1280X720.webp)
ਉਨ੍ਹਾਂ ਨੇ ਆਪਣਾ ਪਹਿਲਾ ਵਲੌਗ ਸਾਂਝਾ ਕਰਦੇ ਹੋਏ ਆਪਣੀ ਟੀਮ ਦੇ ਮੈਂਬਰਾਂ ਦੇ ਬਾਰੇ ਜਾਣਕਾਰੀ ਦਿੱਤੀ ਹੈ । ਇਸ ਦੇ ਨਾਲ ਹੀ ਫ਼ਿਲਮ ਸਿਟੀ ਦੇ ਬਾਰੇ ਵੀ ਦਿਖਾਇਆ ਹੈ ।
ਵਲੌਗ ‘ਚ ਵਿੱਕੀ ਕੌਸ਼ਲ ਵੀ ਆਏ ਨਜ਼ਰ
ਕਪਿਲ ਸ਼ਰਮਾ ਦੇ ਵੱਲੋਂ ਸਾਂਝੇ ਕੀਤੇ ਗਏ ਇਸ ਵੀਡੀਓ ‘ਚ ਵਿੱਕੀ ਕੌਸ਼ਲ ਵੀ ਨਜ਼ਰ ਆ ਰਹੇ ਹਨ । ਵੀਡੀਓ ‘ਚ ਵਿੱਕੀ ਮਸਤੀ ਕਰਦੇ ਹੋਏ ਵੇਖੇ ਜਾ ਸਕਦੇ ਹਨ । ਇਸ ਤੋਂ ਇਲਾਵਾ ਕਪਿਲ ਸ਼ਰਮਾ ਨੇ ਰਾਹ ਚੱਲਦੇ ਇੱਕ ਟਰੱਕ ਨੂੰ ਵੀ ਦਿਖਾਇਆ ਜਿਸ ‘ਤੇ ਪੰਜ ਬੱਚਿਆਂ ਦੇ ਨਾਮ ਲਿਖੇ ਸਨ । ਇਸ ਨੂੰ ਵੇਖ ਕੇ ਕਪਿਲ ਸ਼ਰਮਾ ਕਹਿੰਦੇ ਹਨ ਕਿ ਇਹ ਵਿਅਕਤੀ ਮਹਾਨ ਹੈ ।ਇਸ ਤੋਂ ਇਲਾਵਾ ਕਪਿਲ ਨੇ ਆਪਣੀ ਟੀਮ ਦੇ ਕੁਝ ਮੈਂਬਰਾਂ ਦੇ ਨਾਲ ਵੀ ਮੁਲਾਕਾਤ ਕਰਵਾਈ ਹੈ । ਇਸ ਵੀਡੀਓ ਦੀ ਸ਼ੁਰੂਆਤ ‘ਚ ਉਹ ਕਹਿ ਰਹੇ ਹਨ ਕਿ ਹੁਣ ਖਰਚੇ ਪੂਰੇ ਨਹੀਂ ਹੁੰਦੇ… ਇਹ ਖਾਂਦਾ ਬਹੁਤ ਹੈ।
ਕਪਿਲ ਸ਼ਰਮਾ ਦਾ ਵਰਕ ਫਰੰਟ
ਕਪਿਲ ਸ਼ਰਮਾ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਲਾਫਟਰ ਚੈਲੇਂਜ ਦੇ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ । ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਕਦੇ ਵੀ ਪਿੱਛੇ ਮੁੜ ਕੇ ਨਹੀਂ ਵੇਖਿਆ ਅਤੇ ਕਾਮਯਾਬੀ ਦੀ ਨਵੀਂ ਇਬਾਰਤ ਲਿਖੀ ਅਤੇ ਕਪਿਲ ਸ਼ਰਮਾ ਸ਼ੋਅ ਸ਼ੁਰੂ ਕੀਤਾ । ਇਸ ਤੋਂ ਇਲਾਵਾ ਕਪਿਲ ਕਈ ਫ਼ਿਲਮਾਂ ‘ਚ ਵੀ ਨਜ਼ਰ ਆ ਚੁੱਕੇ ਹਨ ।
- PTC PUNJABI
