Trending:
ਅੱਜ ਹੈ ਬਾਲੀਵੁੱਡ ਅਦਾਕਾਰਾ ਰਿਚਾ ਚੱਡਾ ਦਾ ਜਨਮ ਦਿਨ, ਮੈਗਜ਼ੀਨ ਲਈ ਕੰਮ ਕਰਦੀ ਸੀ ਰਿਚਾ ਚੱਡਾ
ਰਿਚਾ ਚੱਡਾ ਅੱਜ ਆਪਣਾ 34ਵਾਂ ਜਨਮ ਦਿਨ ਮਨਾ ਰਹੀ ਹੈ । ਉਹਨਾਂ ਦਾ ਜਨਮ 18 ਦਸੰਬਰ 1986 ਨੂੰ ਅੰਮ੍ਰਿਤਸਰ ਵਿੱਚ ਹੋਇਆ ਸੀ । ਸੋਸ਼ਲ ਮੀਡੀਆ ਤੇ ਰਿਚਾ ਨੂੰ ਉਸ ਦੇ ਪ੍ਰਸ਼ੰਸਕ ਜਨਮ ਦਿਨ ਦੀਆਂ ਵਧਾਈਆਂ ਦੇ ਰਹੇ ਹਨ । ਬਾਲੀਵੁੱਡ ਵਿੱਚ ਕਦਮ ਰੱਖਣ ਤੋਂ ਪਹਿਲਾ ਰਿਚਾ ਇੱਕ ਮੈਗਜੀਨ ਵਿੱਚ ਇੰਟਰਨ ਸੀ ।
ਹੋਰ ਪੜ੍ਹੋ :
ਅੱਜ ਉਹਨਾਂ ਦੀ ਪਹਿਚਾਣ ਬਾਲੀਵੁੱਡ ਦੀਆਂ ਵੱਡੀਆਂ ਅਦਾਕਾਰਾਂ ਵਿੱਚ ਹੁੰਦੀ ਹੈ । ਰਿਚਾ ਚੱਡਾ ਨੇ ਬਾਲੀਵੁੱਡ ਫ਼ਿਲਮ ਓਏ ਲੱਕੀ ਲੱਕੀ ਲੱਕੀ ਓਏ ਨਾਲ ਫ਼ਿਲਮੀ ਦੁਨੀਆ ਵਿੱਚ ਕਦਮ ਰੱਖਿਆ ਸੀ । ਰਿਚਾ ਮੈਗਜੀਨ ਲਈ ਅਭੈ ਦਿਓਲ ਦੀ ਇੰਟਰਵਿਊ ਲੈਣ ਲਈ ਉਸ ਕੋਲ ਪਹੁੰਚੀ ਸੀ ਪਰ ਅਭੈ ਨੇ ਇੰਟਰਵਿਊ ਦੇਣ ਤੋਂ ਨਾਂਹ ਕਰ ਦਿੱਤੀ ਸੀ ।
ਪਰ ਇਸ ਨੂੰ ਸੰਜੋਗ ਹੀ ਕਹਾਂਗੇ ਕਿ ਰਿਚਾ ਨੇ ਅਭੈ ਦੇ ਨਾਲ ਹੀ ਆਪਣੀ ਪਹਿਲੀ ਫ਼ਿਲਮ ਕੀਤੀ । ਰਿਚਾ ਨੂੰ ਅਸਲ ਪਹਿਚਾਣ ਫੁਕਰੇ ਫ਼ਿਲਮ ਨਾਲ ਮਿਲੀ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਰਿਚਾ ਅਲੀ ਫਜਲ ਨਾਲ ਛੇਤੀ ਹੀ ਸੱਤ ਫੇਰੇ ਲੈਣ ਵਾਲੀ ਹੈ, ਕੋਰੋਨਾ ਕਰਕੇ ਉਹ ਵਿਆਹ ਨਹੀਂ ਕਰ ਸਕੇ ।
