Trending:
ਪੰਜਾਬੀ ਸੱਭਿਆਚਾਰ ਦਾ ਅਨਿੱਖੜਵਾਂ ਅੰਗ ‘ਪੰਜਾਬੀ ਜੁੱਤੀ’, ਪੰਜਾਬੀ ਗੀਤਾਂ 'ਚ ਵੀ ਆਉਂਦਾ ਹੈ ਜ਼ਿਕਰ
‘ਜੁੱਤੀ ਕਸੂਰੀ ਪੈਰੀਂ ਨਾ ਪੂਰੀ,
ਹਾਏ ਰੱਬਾ ਵੇ ਸਾਨੂੰ ਤੁਰਨਾ ਪਿਆ’
ਪੰਜਾਬੀ ਸੱਭਿਆਚਾਰ ਇੱਕ ਅਮੀਰ ਵਿਰਸਾ ਹੈ ਜਿਹੜਾ ਕਿ ਬੇਮਿਸਾਲ ਚੀਜ਼ਾਂ ਨਾਲ ਭਰਿਆ ਪਿਆ ਹੈ। ਅੱਜ ਗੱਲ ਕਰਦੇ ਹਾਂ ਪੰਜਾਬੀ ਜੁੱਤੀ ਦੀ, ਜਿਹੜੀ ਪੁਰਾਤਨ ਸਮੇਂ ਤੋਂ ਪੰਜਾਬ ਦੀ ਸ਼ਾਨ ਬਣੀ ਹੋਈ ਹੈ ਅਤੇ ਅੱਜ ਦੀ ਨੌਜਵਾਨ ਪੀੜੀ ਵੀ ਇਸ ਨੂੰ ਬੜੇ ਹੀ ਚਾਅ ਨਾਲ ਪੈਰਾਂ ‘ਚ ਪਾਉਂਦੀ ਹੈ।
ਹੋਰ ਵੇਖੋ:ਮਨਕਿਰਤ ਔਲਖ ਦਾ ਨਵਾਂ ਗੀਤ ‘ਕਾਲਜ’ ਯਾਦ ਕਰਵਾ ਰਿਹਾ ਹੈ ਸਭ ਨੂੰ ਕਾਲਜ ਦੇ ਦਿਨ, ਦੇਖੋ ਵੀਡੀਓ
ਪੰਜਾਬੀਆਂ ਨੂੰ ਪੰਜਾਬੀ ਜੁੱਤੀ ਨਾਲ ਇੰਨਾ ਲਗਾਅ ਹੈ ਜਿਸ ਦੇ ਚੱਲਦੇ ਪੁਰਾਣੇ ਸਮੇਂ ਅਤੇ ਅੱਜ ਦੇ ਕਈ ਨਾਮੀ ਗਾਇਕ ਪੰਜਾਬੀ ਜੁੱਤੀ ਨੂੰ ਲੈ ਕੇ ਗੀਤ ਗਾ ਚੁੱਕੇ ਹਨ। ਜਿਵੇਂ ਇਹ ਗੀਤ ‘ਜੁੱਤੀ ਕਸੂਰੀ ਪੈਰੀਂ ਨਾ ਪੂਰੀ’, ‘ਜੁੱਤੀ ਖੱਲ ਦੀ ਮਰੋੜਾ ਨਹੀਓਂ ਝੱਲਦੀ’, ‘ਜੁੱਤੀ ਚੂ ਚੂ ਕਰਦੀ ਆ’, ‘ਜੁੱਤੀ ਝਾੜ ਕੇ ਚੜੀ ਮੁਟਿਆਰੇ’, ‘ਜੁੱਤੀ ਪਟਿਆਲੇ ਦੀ’ ਆਦਿ ਵੱਡੀ ਗਿਣਤੀ ‘ਚ ਪੰਜਾਬੀ ਜੁੱਤੀ ਉੱਤੇ ਗਾਣੇ ਬਣ ਚੁੱਕੇ ਹਨ।
View this post on Instagram
ਜੇ ਗੱਲ ਕਰੀਏ ਤਾਂ ਪੰਜਾਬੀ ਜੁੱਤੀ ਦੀ ਤਾਂ ਪਰੰਪਰਾਗਤ ਰੂਪ ਵਿੱਚ ਚਮੜੇ ਤੇ ਅਸਲੀ ਸੋਨੇ ਅਤੇ ਚਾਂਦੀ ਦੇ ਧਾਗੇ ਨਾਲ ਕਢਾਈ ਕਰ ਕੇ ਬਣਾਈ ਜਾਂਦੀ ਸੀ। ਹਾਲਾਂਕਿ ਅੱਜ ਕੱਲ ਵੱਖ-ਵੱਖ ਤਰ੍ਹਾਂ ਦੀਆਂ ਜੁੱਤੀਆਂ ਬਾਜ਼ਾਰਾਂ ਵਿੱਚ ਆਮ ਮਿਲ ਜਾਂਦੀਆਂ ਹਨ। ਪੰਜਾਬੀ ਜੁੱਤੀ ਦੇਸ਼ ‘ਚ ਹੀ ਨਹੀਂ ਸਗੋਂ ਵਿਦੇਸ਼ 'ਚ ਵੀ ਬੜੇ ਚਾਅ ਨਾਲ ਪਾਈ ਜਾਂਦੀ ਹੈ।
