ਦੁਬਈ ‘ਚ ਹਰਭਜਨ ਸਿੰਘ ਪਤਨੀ ਗੀਤਾ ਬਸਰਾ ਸਣੇ ਖਤਰਨਾਕ ਸ਼ੇਰਾਂ ਅਤੇ ਸੱਪਾਂ ਦੇ ਨਾਲ ਮਸਤੀ ਕਰਦੇ ਆਏ ਨਜ਼ਰ, ਵੇਖੋ ਵੀਡੀਓ

ਹਰਭਜਨ ਸਿੰਘ (Harbhajan Singh) ਤੇ ਗੀਤਾ ਬਸਰਾ ਬੀਤੇ ਦਿਨ ਦੁਬਈ ‘ਚ ਨਵਾਂ ਸਾਲ ਮਨਾ ਕੇ ਮੁੰਬਈ ਪਰਤ ਚੁੱਕੇ ਹਨ ।ਜਿਸ ਤੋਂ ਬਾਅਦ ਇਸ ਜੋੜੀ ਵੱਲੋਂ ਦੁਬਈ ‘ਚ ਬਿਤਾਏ ਪਲਾਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਗਈਆਂ ਹਨ । ਇਨ੍ਹਾਂ ਤਸਵੀਰਾਂ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਹਰਭਜਨ ਸਿੰਘ ਸ਼ੇਰ ਦੇ ਨਾਲ ਮਸਤੀ ਕਰਦੇ ਹੋਏ ਨਜ਼ਰ ਆ ਰਹੇ ਹਨ । ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਫੈਨਸ ਵੀ ਇਸ ‘ਤੇ ਲਗਾਤਾਰ ਰਿਐਕਸ਼ਨ ਦੇ ਰਹੇ ਹਨ । 

ਹੋਰ ਪੜ੍ਹੋ : ਜਲਦ ਮਾਂ ਬਣਨਾ ਚਾਹੁੰਦੀ ਹੈ ਅਦਾਕਾਰਾ ਦੀਪਿਕਾ ਪਾਦੂਕੋਣ, ਰਣਵੀਰ ਸਿੰਘ ਦੇ ਨਾਲ ਕਰ ਰਹੀ ਫੈਮਿਲੀ ਪਲਾਨਿੰਗ

ਗੀਤਾ ਬਸਰਾ ਵੀ ਖਤਰਨਾਕ ਸੱਪ ਨਾਲ ਆਈ ਨਜ਼ਰ  

 ਹਰਭਜਨ ਸਿੰਘ ਜਿੱਥੇ ਸ਼ੇਰ ਦੇ ਨਾਲ ਦਿਖਾਈ ਦਿੱਤੇ । ਉੱਥੇ ਹੀ ਗੀਤਾ ਬਸਰਾ ਵੀ ਖਤਰਨਾਕ ਸੱਪ ਨੂੰ ਗਲ ‘ਚ ਪਾਈ ਹੋਈ ਦਿਖਾਈ ਦਿੱਤੀ । ਹਾਲਾਂਕਿ ਗੀਤਾ ਬਸਰਾ ਡਰਦੀ ਹੋਈ ਦਿਖਾਈ ਦਿੱਤੀ ।ਇਸ ਤੋਂ ਪਹਿਲਾਂ ਇਸ ਜੋੜੀ ਨੇ ਰਾਹਤ ਫਤਿਹ ਅਲੀ ਖ਼ਾਨ ਦੇ ਗੀਤਾਂ ਦਾ ਅਨੰਦ ਉਠਾਉਂਦੀ ਹੋਈ ਨਜ਼ਰ ਆਈ ਸੀ ।ਜਿੱਥੇ ਇਸ ਜੋੜੀ ਨੇ ਗਾਇਕ ਸੁਖਸ਼ਿੰਦਰ ਸ਼ਿੰਦਾ ਦੇ ਨਾਲ ਵੀ ਮੁਲਾਕਾਤ ਕੀਤੀ ਸੀ ।ਗੀਤਾ ਬਸਰਾ ਇੰਡਸਟਰੀ ਦੀਆਂ ਮਸ਼ਹੂਰ ਅਭਿਨੇਤਰੀਆਂ ਚੋਂ ਆਉਂਦੀ ਹੈ। ਪਰ ਉਸ ਨੇ ਹਰਭਜਨ ਸਿੰਘ ਦੇ ਨਾਲ ਵਿਆਹ ਤੋਂ ਬਾਅਦ ਅਦਾਕਾਰਾ ਨੇ ਮਨੋਰੰਜਨ ਜਗਤ ਤੋਂ ਦੂਰੀ ਬਣਾ ਲਈ ਸੀ ।ਉਹ ਆਪਣੇ ਘਰ ਪਰਿਵਾਰ ਅਤੇ ਬੱਚਿਆਂ ਦੀ ਦੇਖਭਾਲ ‘ਚ ਜੁਟੀ ਰਹੀ ।  

  ਦੁਬਈ ਦੇ ਸ਼ੇਖ ਹੁਮੈਦ ਅਬਦੁੱਲਾ ਨੇ ਪਾਲੇ ਹਨ ਸ਼ੇਰ 

ਦੱਸ ਦਈਏ ਕਿ ਹਰਭਜਨ ਸਿੰਘ ਦੁਬਈ ਦੇ ਸ਼ੇਖ ਹੁਮੈਦ ਅਬਦੁੱਲਾ ਦੇ ਘਰ ਪਹੁੰਚੇ ਸਨ । ਜਿੱਥੇ ਉਨ੍ਹਾਂ ਨੇ ਸ਼ੇਖ ਦੇ ਪਾਲਤੂ ਸ਼ੇਰਾਂ ਦੇ ਨਾਲ ਤਸਵੀਰਾਂ ਖਿਚਵਾਈਆਂ । ਹੁਮੈਦ ਅਬਦੁੱਲਾ ਨੇ ਹੋਰ ਕਈ ਖਤਰਨਾਕ ਪਸ਼ੂ ਪੰਛੀ ਪਾਲੇ ਹੋਏ ਹਨ । ਜਿਨ੍ਹਾਂ ‘ਚ ਸੱਪ, ਚਿੱਟਾ ਸ਼ੇਰ, ਬੱਬਰ ਸ਼ੇਰ, ਜਿਰਾਫ, ਹਿਰਨ, ਅਜਗਰ ਸਣੇ ਕਈ ਘਾਤਕ ਜਾਨਵਰ ਹਨ ।ਪਰ ਹੁਮੈਦ ਇਨ੍ਹਾਂ ਜਾਨਵਰਾਂ ਦੇ ਨਾਲ ਇਸ ਤਰ੍ਹਾਂ ਰਹਿੰਦੇ ਹਨ ਜਿਵੇਂ ਕੋਈ ਪਾਲਤੂ ਕੁੱਤੇ ਦੇ ਨਾਲ ਰਹਿੰਦਾ ਹੈ । ਇਸ ਸ਼ਖਸ ਨੇ ਆਪਣੇ ਘਰ ਹੀ ਛੋਟਾ ਜਿਹਾ ਚਿੜ੍ਹੀਆ ਘਰ ਬਣਾਇਆ ਹੋਇਆ ਹੈ।ਹਰਭਜਨ ਸਿੰਘ ਤੋਂ ਪਹਿਲਾਂ ਹੋਰ ਵੀ ਕਈ ਸੈਲੀਬ੍ਰੇਟੀਜ਼ ਇਸ ਸ਼ਖਸ ਦੇ ਘਰ ਆਏ ਹਨ ਅਤੇ ਇਨ੍ਹਾਂ ਜਾਨਵਰਾਂ ਦੇ ਨਾਲ ਖੂਬ ਮਸਤੀ ਕੀਤੀ ।  

View this post on Instagram

A post shared by Harbhajan Turbanator Singh (@harbhajan3)

-