ਅਮਰ ਸਿੰਘ ਚਮਕੀਲਾ ਨੇ ਠੁਕਰਾ ਦਿੱਤਾ ਸੀ ਅਦਾਕਾਰਾ ਸ਼੍ਰੀ ਦੇਵੀ ਦਾ ਆਫਰ, ਜਾਣੋ ਪੂਰੀ ਕਹਾਣੀ

‘ਅਮਰ ਸਿੰਘ ਚਮਕੀਲਾ’ (Amar Singh Chamkila) ਦੀ ਜ਼ਿੰਦਗੀ ਦੇ ਨਾਲ ਸਬੰਧਤ ਬੀਤੇ ਦਿਨੀਂ ਫ਼ਿਲਮ ਰਿਲੀਜ਼ ਹੋਈ ਹੈ । ਜਿਸ ਤੋਂ ਬਾਅਦ ਗਾਇਕ ਦੀ ਜ਼ਿੰਦਗੀ ਦੇ ਨਾਲ ਸਬੰਧਤ ਕਈ ਕਿੱਸੇ ਵੀ ਸਾਹਮਣੇ ਆ ਰਹੇ ਹਨ । ਹੁਣ ਮਰਹੂਮ ਗਾਇਕ ਦੇ ਇੱਕ ਦੋਸਤ ਸਵਰਨ ਸਿੰਘ ਸੀਵੀਆ ਦੇ ਇੱਕ ਪੁਰਾਣੇ ਇੰਟਰਵਿਊ ਦਾ ਕਿੱਸਾ ਸਾਹਮਣੇ ਆਇਆ ਹੈ । ਜਿਸ ‘ਚ ਉਨ੍ਹਾਂ ਨੇ ਦੱਸਿਆ ਸੀ ਕਿ ਅਦਾਕਾਰਾ ਸ਼੍ਰੀਦੇਵੀ ਚਮਕੀਲੇ ਦੇ ਨਾਲ ਕੰਮ ਕਰਨਾ ਚਾਹੁੰਦੀ ਸੀ । ਪਰ ਚਮਕੀਲੇ ਨੇ ਇਹ ਆਫਰ ਠੁਕਰਾ ਦਿੱਤਾ ਸੀ । 

ਹੋਰ ਪੜ੍ਹੋ : ਗਾਇਕ ਸਿੱਪੀ ਗਿੱਲ ਦਾ ਅੱਜ ਹੈ ਜਨਮ ਦਿਨ, ਜਨਮਦਿਨ ‘ਤੇ ਜਾਣੋ ਕਿਵੇਂ ਇੱਕ ਹਾਦਸੇ ‘ਚ ਵਾਲ-ਵਾਲ ਬਚਿਆ ਸੀ ਗਾਇਕ

‘ਚਮਕੀਲੇ’ ਨੇ ਕਿਹਾ ਉਸ ਨੂੰ ਹਿੰਦੀ ਨਹੀਂ ਆਉਂਦੀ ਬੋਲਣੀ 

ਸਵਰਨ ਸਿੰਘ ਸੀਵੀਆ ਮੁਤਾਬਕ ਸ਼੍ਰੀਦੇਵੀ ਵੀ ਚਮਕੀਲੇ ਦੀ ਵੱਡੀ ਫੈਨ ਸੀ ਅਤੇ ਉਸ ਨੇ ਕੰਮ ਕਰਨ ਦੀ ਪੇਸ਼ਕਸ਼ ਚਮਕੀਲੇ ਨੂੰ ਕੀਤੀ ਸੀ। ਪਰ ਚਮਕੀਲੇ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਕਿਹਾ ਕਿ ਉਸ ਨੂੰ ਹਿੰਦੀ ਬੋਲਣੀ ਨਹੀਂ ਆਉਂਦੀ ਅਤੇ ਇਸ ਤੋਂ ਬਾਅਦ ਸ਼੍ਰੀਦੇਵੀ ਨੇ ਚਮਕੀਲੇ ਨੂੰ ਇੱਕ ਮਹੀਨੇ ਦੀ ਟ੍ਰੇਨਿੰਗ ਦੇਣ ਦੀ ਪੇਸ਼ਕਸ਼ ਕੀਤੀ ।

ਚਮਕੀਲੇ ਨੇ ਕਿਹਾ ਕਿ ਉਸ ਦਾ ਇੱਕ ਮਹੀਨੇ ‘ਚ ਦਸ ਲੱਖ ਦਾ ਨੁਕਸਾਨ ਹੋਵੇਗਾ । ਸ਼੍ਰੀਦੇਵੀ ਉਸ ਦੇ ਨਾਲ ਪੰਜਾਬੀ ਫ਼ਿਲਮ ‘ਚ ਕੰਮ ਕਰਨ ਲਈ ਰਾਜ਼ੀ ਹੋ ਗਈ ਸੀ। ਪਰ ਇਹ ਫ਼ਿਲਮ ਕਦੇ ਵੀ ਬਣ ਨਾ ਸਕੀ ਅਤੇ ਸ਼੍ਰੀਦੇਵੀ ਦਾ ਚਮਕੀਲੇ ਦੇ ਨਾਲ ਕੰਮ ਕਰਨ ਦਾ ਸੁਫ਼ਨਾ ਵੀ ਅਧੂਰਾ ਰਹਿ ਗਿਆ ।

ਦੱਸ ਦਈਏ ਕਿ ਅੱਸੀ ਦੇ ਦਹਾਕੇ ‘ਚ ਅਮਰ ਸਿੰਘ ਚਮਕੀਲਾ ਦੀ ਤੂਤੀ ਬੋਲਦੀ ਸੀ ਅਤੇ ਉਸ ਦੇ ਸ਼ੋਅ ਸਾਰੇ ਸਾਲ ਲਈ ਬੁੱਕ ਹੁੰਦੇ ਸਨ । ਸਾਲ ‘ਚ ਤਿੰਨ ਸੌ ਪੈਂਹਠ ਦਿਨ ਹੁੰਦੇ ਹਨ ਅਤੇ ਚਮਕੀਲੇ ਦੇ ੩੬੬ ਦਿਨ ਬੁੱਕ ਹੁੰਦੇ ਸਨ । 

- PTC PUNJABI