Nikamma review: 'ਨਿਕੰਮਾ' ਸਾਊਥ ਦੀ ਹਿੱਟ ਫ਼ਿਲਮ ਦਾ ਖਰਾਬ ਰੀਮੇਕ, ਸ਼ਿਲਪਾ ਸ਼ੈੱਟੀ ਦਾ ਵੀ ਨਹੀਂ ਚੱਲਿਆ ਜਾਦੂ

ਸਾਊਥ ਦੀਆਂ ਫਿਲਮਾਂ ਦਾ ਦੌਰ ਚੱਲ ਰਿਹਾ ਹੈ। ਹਾਲ ਹੀ ਦੇ ਸਮੇਂ 'ਚ ਬਾਲੀਵੁੱਡ 'ਚ ਕਈ ਅਜਿਹੀਆਂ ਫਿਲਮਾਂ ਬਣੀਆਂ ਹਨ ਜੋ ਸਾਊਥ ਫਿਲਮਾਂ ਦੀਆਂ ਹਿੰਦੀ ਰੀਮੇਕ ਹਨ। ਹੁਣ ਇਹ ਜ਼ਰੂਰੀ ਨਹੀਂ ਹੈ ਕਿ ਜਦੋਂ ਉੱਥੇ ਹਿੱਟ ਹੋਣ ਵਾਲੀਆਂ ਫ਼ਿਲਮਾਂ ਬਾਲੀਵੁੱਡ ਵਿੱਚ ਬਣੀਆਂ ਹੋਣ ਤਾਂ ਦਰਸ਼ਕਾਂ ਨੂੰ ਵੀ ਓਨਾ ਹੀ ਮਨੋਰੰਜਨ ਦੇਣ।

ਫਿਲਮ 'ਨਿਕੰਮਾ' ਇਸ ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋਈ ਹੈ। 90 ਦੇ ਦਹਾਕੇ ਦੀ ਟਾਪ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਮੁੱਖ ਭੂਮਿਕਾ ਵਿੱਚ ਹੈ। ਅਭਿਮਨਿਊ ਦਾਸਾਨੀ ਉਨ੍ਹਾਂ ਦੇ ਨਾਲ ਅਦਾਕਾਰੀ ਕਰਦੇ ਹੋਏ ਨਜ਼ਰ ਆਏ। ਇਸ ਫਿਲਮ ਨਾਲ ਗਾਇਕਾ ਸ਼ਰਲੀ ਸੇਤੀਆ ਨੇ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਸਬੀਰ ਖਾਨ ਦੁਆਰਾ ਨਿਰਦੇਸ਼ਿਤ, ਇਹ ਫਿਲਮ 2017 ਦੀ ਤੇਲਗੂ ਫਿਲਮ ਮਿਡਲ ਕਲਾਸ ਅਬਾਈ ਦਾ ਰੀਮੇਕ ਹੈ।

ਹੋਰ ਪੜ੍ਹੋ : ‘ਸਿੱਧੂ ਮੂਸੇਵਾਲੇ ਦੇ ਮਾਪਿਆਂ ਦੀ ਧੀ ਬਣ ਕੇ ਰਹੂੰਗੀ’-ਮੈਂਡੀ ਤੱਖਰ

Image Source: YouTube

ਸ਼ਿਲਪਾ ਸ਼ੈੱਟੀ ਕਦੇ ਸੁਪਰਵੂਮੈਨ ਦੀ ਤਰ੍ਹਾਂ ਨਜ਼ਰ ਆਉਂਦੀ ਹੈ ਤਾਂ ਕਦੇ ਦੇਵੀ ਦੁਰਗਾ ਵਰਗੀ ਪਹਿਰਾਵੇ 'ਚ। ਇਹ ਸੀਨ ਕਿਉਂ ਰੱਖੇ ਗਏ, ਇਹ ਫਿਲਮ ਦੇ ਅੰਤ ਤੱਕ ਸਮਝ ਨਹੀਂ ਆਇਆ। ਮੇਕਰਸ ਵੀ ਰੀਮੇਕ ਨੂੰ ਸਹੀ ਢੰਗ ਨਾਲ ਨਹੀਂ ਬਣਾ ਸਕੇ ਹਨ। ਇਹ ਅਸਲ ਫਿਲਮ ਤੋਂ ਬਿਲਕੁਲ ਵੱਖਰੀ ਹੈ। ਦਰਸ਼ਕਾਂ ਵੱਲੋਂ ਇਸ ਫ਼ਿਲਮ ਨੂੰ ਕੁਝ ਵਧੀਆ ਰਿਸਪਾਂਸ ਹਾਸਿਲ ਨਹੀਂ ਹੋਇਆ।

Image Source: YouTube

ਅਭਿਮਨਿਊ ਦਸਾਨੀ ਨੇ ਇਸ ਤੋਂ ਪਹਿਲਾਂ ਆਪਣੀ ਫਿਲਮ 'ਮਰਦ ਕੋ ਦਰਦ ਨਹੀਂ ਹੋਤਾ' ਨਾਲ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ ਸੀ ਪਰ 'ਨਿਕੰਮਾ' 'ਚ ਉਹ ਹਰ ਪਾਸੇ ਓਵਰਐਕਟਿੰਗ ਕਰਦੇ ਨਜ਼ਰ ਆਏ। ਕੁਝ ਐਕਸ਼ਨ ਸੀਨ ਦਰਸ਼ਕਾਂ ਨੂੰ ਜ਼ਰੂਰ ਵਧੀਆ ਲੱਗਣਗੇ। ਹੁਣ ਜੇਕਰ ਇਹ ਬਾਲੀਵੁੱਡ ਫਿਲਮ ਹੈ ਤਾਂ ਇਸ ਵਿੱਚ ਇੱਕ ਪ੍ਰੇਮ ਕਹਾਣੀ ਹੋਵੇਗੀ ਅਤੇ ਸ਼ਰਲੀ ਨੂੰ ਇਸ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ।

Image Source: YouTube

ਸ਼ਿਲਪਾ ਸ਼ੈੱਟੀ ਹੀ ਫਿਲਮ ਦੇਖਣ ਦਾ ਕਾਰਨ ਹੋ ਸਕਦੀ ਸੀ ਪਰ ਉਸ ਨੇ ਨਿਰਾਸ਼ ਕੀਤਾ ਹੈ। ਜੇਕਰ ਨਿਰਮਾਤਾਵਾਂ ਨੇ ਇਸ ਨੂੰ ਸਿਨੇਮਾ ਹਾਲ ਦੀ ਬਜਾਏ OTT 'ਤੇ ਰਿਲੀਜ਼ ਕੀਤਾ ਹੁੰਦਾ ਤਾਂ ਸ਼ਾਇਦ ਇਸ ਨੂੰ ਜ਼ਿਆਦਾ ਦਰਸ਼ਕ ਮਿਲ ਸਕਦੇ ਸਨ। ਸ਼ੁਰੂਆਤੀ ਰੁਝਾਨਾਂ ਮੁਤਾਬਕ 'ਨਿਕੰਮਾ' ਦੇ ਸ਼ੋਅ ਖ਼ਾਲੀ ਹੋ ਗਏ ਹਨ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਵੀਕੈਂਡ ਉੱਤੇ ਇਸ ਫ਼ਿਲਮ ਨੂੰ ਕੋਈ ਚੰਗਾ ਰਿਸਪਾਂਸ ਮਿਲ ਪਾਵੇਗਾ ਜਾਂ ਨਹੀਂ ਇਹ ਤਾਂ ਆਉਣ ਵਾਲਾ ਹੀ ਸਮਾਂ ਦੱਸੇਗਾ।