Trending:
ਹੁਣ ਨੇਹਾ ਕੱਕੜ ਦਾ ਇਸ ਪੰਜਾਬੀ ਗਾਇਕ ’ਤੇ ਆਇਆ ਦਿਲ, ਛੇਤੀ ਕਰਨ ਜਾ ਰਹੇ ਹਨ ਵਿਆਹ
ਗਾਇਕਾ ਨੇਹਾ ਕੱਕੜ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹਨ ਕਿਉਂਕਿ ਉਹਨਾਂ ਦਾ ਇੱਕ ਹੋਰ ਗਾਇਕ ਨਾਲ ਨਾਂਅ ਜੁੜਨ ਲੱਗਾ ਹੈ । ਇਸ ਤੋਂ ਪਹਿਲਾਂ ਉਹਨਾਂ ਦਾ ਨਾਂਅ ਅਦਾਕਾਰ ਹਿਮਾਂਸ਼ ਕੋਹਲੀ, ਅਦਿਤਿਆ ਨਰਾਇਣ ਨਾਲ ਜੁੜ ਚੁੱਕਿਆ ਹੈ । ਪਰ ਹੁਣ ਨੇਹਾ ਦਾ ਦਿਲ ਕਿਸੇ ਅਦਾਕਾਰ ਤੇ ਨਹੀਂ ਬਲਕਿ ਪੰਜਾਬੀ ਗੱਭਰੂ ਤੇ ਆਇਆ ਹੈ ।
ਹੋਰ ਪੜ੍ਹੋ :
ਕਿਹਾ ਜਾ ਰਿਹਾ ਹੈ ਕਿ ਨੇਹਾ ਪੰਜਾਬੀ ਗਾਇਕ ਰੋਹਨਪ੍ਰੀਤ ਸਿੰਘ ਨਾਲ ਵਿਆਹ ਕਰਨ ਜਾ ਰਹੀ ਹੈ । ਖ਼ਬਰਾਂ ਦੀ ਮੰਨੀਏ ਤਾਂ ਦੋਹਾਂ ਦਾ ਵਿਆਹ 24 ਅਕਤੂਬਰ ਦਾ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਰੋਹਨਪ੍ਰੀਤ ਪੰਜਾਬੀ ਗਾਇਕ ਤੇ ਅਦਾਕਾਰ ਹਨ । ਹਾਲ ਹੀ ਵਿੱਚ ਰੋਹਨ ਤੇ ਨੇਹਾ ਦਾ ਗਾਣਾ ‘ਆ ਵਿਆਹ ਕਰਵਾਈਏ ਲਾਕਡਾਊਨ ਵਿੱਚ ਘੱਟ ਹੋਣਗੇ ਖਰਚੇ’ ਰਿਲੀਜ਼ ਹੋਇਆ ਸੀ ।
ਦੋਹਾਂ ਦੀ ਜੋੜੀ ਤੇ ਇਸ ਗਾਣੇ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ । ਕਿਹਾ ਜਾ ਰਿਹਾ ਹੈ ਕਿ ਇਸ ਗਾਣੇ ਦੌਰਾਨ ਹੀ ਨੇਹਾ ਤੇ ਰੋਹਨ ਇੱਕ ਦੂਜੇ ਦੇ ਨੇੜੇ ਆਏ ਤੇ ਗੱਲ ਵਿਆਹ ਤੱਕ ਪਹੁੰਚ ਗਈ ।
ਇਸ ਤੋਂ ਪਹਿਲਾਂ ਨੇਹਾ ਕੱਕੜ ਤੇ ਅਦਿਤਿਆ ਨਰਾਇਣ ਦੇ ਵਿਆਹ ਦੀ ਖ਼ਬਰ ਸਾਹਮਣੇ ਆਈ ਸੀ । ਇਹ ਖ਼ਬਰ ਬਾਅਦ ਵਿੱਚ ਅਫਵਾਹ ਸਾਬਿਤ ਹੋਈ ਸੀ । ਪਰ ਹੁਣ ਇਹ ਖ਼ਬਰ ਸੱਚੀ ਹੁੰਦੀ ਹੈ ਜਾਂ ਨਹੀਂ ਇਹ ਤਾਂ ਸਮਾਂ ਹੀ ਦੱਸੇਗਾ ।
