ਮਿਲਖਾ ਸਿੰਘ ਦੀ ਪਤਨੀ ਨਿਰਮਲ ਕੌਰ ਦਾ ਕੋਰੋਨਾ ਕਾਰਨ ਦਿਹਾਂਤ

ਮਿਲਖਾ ਸਿੰਘ ਦੀ ਪਤਨੀ ਦਾ ਕੋਰੋਨਾ ਕਾਰਨ ਦਿਹਾਂਤ ਹੋ ਗਿਆ ਹੈ । ਬੀਤੇ ਦਿਨ ਸ਼ਾਮ ਚਾਰ ਵਜੇ ਮਿਲਖਾ ਸਿੰਘ ਦੀ ਪਤਨੀ ਨੇ ਆਖਰੀ ਸਾਹ ਲਏ । ਉਨ੍ਹਾਂ ਦੀ ਰਿਪੋਰਟ ਪਾਜ਼ੀਟਿਵ ਆਉਣ ਤੋਂ ਬਾਅਦ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ ਜਿੱਥੇ ਇੱਕ ਨਿੱਜੀ ਹਸਪਤਾਲ ‘ਚ ਉਨ੍ਹਾਂ ਦੀ ਮੌਤ ਹੋ ਗਈ । ਦੱਸ ਦਈਏ ਕਿ ਮਿਲਖਾ ਸਿੰਘ ਵੀ ਕੋਰੋਨਾ ਵਾਇਰਸ ਸੰਕ੍ਰਮਣ ਨਾਲ ਪੀੜਤ ਪਾਏ ਗਏ ਸਨ ।

Image From Instagram

ਹੋਰ ਪੜ੍ਹੋ : ਗਾਇਕ ਸਰਬਜੀਤ ਚੀਮਾ ਨੇ ਜਨਮ ਦਿਨ ’ਤੇ ਆਪਣੇ ਪ੍ਰਸ਼ੰਸਕਾਂ ਲਈ ਸਾਂਝੀ ਕੀਤੀ ਖ਼ਾਸ ਪੋਸਟ

Image From Instagram

ਜਿਸ ਤੋਂ ਬਾਅਦ ਉਹ ਹਸਪਤਾਲ ਦੇ ਆਈਸੀਯੂ ‘ਚ ਹਨ । ਭਾਰਤੀ ਵਾਲੀਬਾਲ ਟੀਮ ਦੀ ਸਾਬਕਾ ਕਪਤਾਨ ਨਿਰਮਲ ਕੌਰ 82 ਸਾਲ ਦੀ ਸੀ। ਰੋਮ ਓਲਿੰਪਕ ਤੋਂ ਬਾਅਦ ਉਨ੍ਹਾਂ ਦਾ ਵਿਆਹ ਮਿਲਖਾ ਸਿੰਘ ਦੇ ਨਾਲ ਹੋਇਆ ਸੀ ।ਮਿਲਖਾ ਸਿੰਘ ਦੇ ਸੰਕ੍ਰਮਿਤ ਹੋਣ ਤੋਂ ਬਾਅਦ ਉਨ੍ਹਾਂ ਦੀ ਰਿਪੋਰਟ ਵੀ ਪਾਜ਼ੀਟਿਵ ਆਈ ਸੀ ।

Image From Instagram

ਬੀਤੇ ਤਿੰਨ ਹਫਤਿਆਂ ਤੋਂ ਉਸ ਦਾ ਇਲਾਜ ਚੰਡੀਗੜ੍ਹ ‘ਚ ਚੱਲ ਰਿਹਾ ਸੀ । ਮਾਤਾ ਪਿਤਾ ਦੀ ਦੇਖਭਾਲ ਦੇ ਲਈ ਮਸ਼ਹੂਰ ਗੋਲਫਰ ਜੀਵ 22 ਮਈ ਨੂੰ ਹੀ ਦੁਬਈ ਤੋਂ ਚੰਡੀਗੜ੍ਹ ਆ ਚੁੱਕੇ ਹਨ । ਜਦੋਂਕਿ ਅਮਰੀਕਾ ‘ਚ ਰਹਿਣ ਵਾਲੀ ਉਨ੍ਹਾਂ ਦੀ ਡਾਕਟਰ ਧੀ ਮੋਨਾ ਮਿਲਖਾ ਸਿੰਘ ਵੀ ਇੱਥੇ ਹੀ ਹੈ ।