Trending:
ਕਿਸਾਨਾਂ ਦੇ ਸਮਰਥਨ ‘ਚ ਗਾਇਆ ਮਰਹੂਮ ਗਾਇਕ ਸਰਦੂਲ ਸਿਕੰਦਰ ਦਾ ਆਖਰੀ ਗੀਤ ਜਲਦ ਹੋਵੇਗਾ ਰਿਲੀਜ਼, ਪੁੱਤਰ ਨੇ ਪੋਸਟਰ ਕੀਤਾ ਸਾਂਝਾ
ਕਿਸਾਨਾਂ ਦੇ ਹੱਕ ‘ਚ ਕਈ ਕਲਾਕਾਰਾਂ ਨੇ ਆਪਣੀ ਆਵਾਜ਼ ਬੁਲੰਦ ਕੀਤੀ ਹੈ । ਪੰਜਾਬੀ ਇੰਡਸਟਰੀ ਦੇ ਮਹਾਨ ਫਨਕਾਰ ਸਰਦੂਲ ਸਿਕੰਦਰ (Sardool Sikander ) ਵੀ ਕਿਸਾਨਾਂ (Farmers)ਦੇ ਪ੍ਰਦਰਸ਼ਨ ‘ਚ ਕਈ ਵਾਰ ਸ਼ਾਮਿਲ ਹੋਏ ਸਨ । ਪਰ ਹੁਣ ਸਰਦੂਲ ਸਿਕੰਦਰ ਦੇ ਪੁੱਤਰ ਨੇ ਇੱਕ ਭਾਵੁਕ ਪੋਸਟ ਸਾਂਝੀ ਕੀਤੀ ਹੈ । ਇਸ ਪੋਸਟ ‘ਚ ਉਨ੍ਹਾਂ ਨੇ ਲਿਖਿਆ ਕਿ ‘ਪਾਪਾ ਹਮੇਸ਼ਾ ਹੱਕ ਸੱਚ ਦੀ ਲੜਾਈ ‘ਚ ਸਭ ਦੇ ਨਾਲ ਅੱਗੇ ਹੋ ਕੇ ਸ਼ਮੂਲੀਅਤ ਕਰਦੇ ਸੀ ।
Image From Instagram
ਹੋਰ ਪੜ੍ਹੋ : ਸਿਧਾਰਥ ਸ਼ੁਕਲਾ ਦੀ ਮੌਤ ਤੋਂ ਬਾਅਦ ਸ਼ਹਿਨਾਜ਼ ਗਿੱਲ ਦਾ ਰੋ-ਰੋ ਕੇ ਬੁਰਾ ਹਾਲ
ਜਿੱਥੇ ਕਿਤੇ ਵੀ ਕਿਸੇ ਬੇਕਸੂਰ ਦਾ ਹੱਕ ਖੋਹਿਆ ਜਾਂਦਾ ਸੀ, ਉਸ ਦੇ ਸੱਚ ਨੂੰ ਝੂਠ ਦੀ ਦੀਵਾਰ ਅੱਗੇ ਨੀਚਾ ਦਿਖਾਇਆ ਜਾਂਦਾ ਸੀ ਅਤੇ ਇਨਸਾਫ਼ ਦੀ ਮੰਗ ਕਰਦਿਆਂ ਅਵਾਜ਼ਾਂ ਨੂੰ ਧੱਕੇ ਦੇ ਨਾਲ ਦਬਾਇਆ ਜਾਂਦਾ ਸੀ, ਉੱਥੇ-ਉੱਥੇ, ਜਨਾਬ ਸਰਦੂਲ ਸਿਕੰਦਰ ਸਾਹਿਬ, ਜ਼ਾਲਮਾਂ ਦੇ ਜ਼ੁਲਮ ਦੇ ਖਿਲਾਫ਼ ਆਵਾਜ਼ ਉਠਾਉਂਦੇ ਸੀ । ਜ਼ੁਲਮ ਤੋਂ ਪੀੜਤ ਹੋਈਆਂ ਰੂਹਾਂ ਨੂੰ ਪੁਰਜ਼ੋਰ ਹੌਸਲਾ ਦੇ ਕੇ ਉਨ੍ਹਾਂ ਦਾ ਸਾਥ ਨਿਭਾਉਂਦੇ ਸੀ ਅਤੇ ਉਨ੍ਹਾਂ ਦੇ ਹੱਕ ਸੱਚ ਦੀ ਲੜਾਈ ਵਿੱਚ ਉਨ੍ਹਾਂ ਦੇ ਮੋਢੇ ਦੇ ਨਾਲ ਮੋਢਾ ਜੋੜ ਕੇ ਉਨ੍ਹਾਂ ਦਾ ਸਾਥ ਨਿਭਾਉਂਦੇ ਸੀ ਅਤੇ ਉਨ੍ਹਾਂ ਦੇ ਮੋਢੇ ਦੇ ਨਾਲ ਮੋਢਾ ਜੋੜ ਕੇ ਚੱਲਣ ਦੀ ਸੋਚ ਰੱਖਦੇ ਸੀ ।
ਅੱਜ ਦੇ ਦੌਰ ‘ਚ ਇੱਕ ਅਜਿਹਾ ਜ਼ੁਲਮ ਜੋ ਅੰਨ ਦਾਤਾ ਦੇ ਉੱਤੇ ਢਾਹਿਆ ਜਾ ਰਿਹਾ ਹੈ। ਉਸ ਦੇ ਨਾਲ ਅੱਜ ਪੂਰੀ ਦੁਨੀਆ ਵਾਕਿਫ ਹੈ । ਉਨ੍ਹਾਂ ਕਿਸਾਨਾਂ ਲਈ ਇੱਕ ਅਜਿਹਾ ਗੀਤ ਜੋ ਸਰਦੂਲ ਸਿਕੰਦਰ ਸਾਹਿਬ ਨੇ ਆਪਣੀ ਬੁਲੰਦ ਆਵਾਜ਼ ‘ਚ ਧਰਨੇ ‘ਤੇ ਬੈਠੇ ਅਤੇ ਕਦੇ ਨਾ ਹਾਰਨ ਵਾਲੇ ਕਿਸਾਨਾਂ ਦਾ ਹੌਸਲਾ ਵਧਾਉਣ ਦੇ ਲਈ ਆਪਣੇ ਆਖਰੀ ਸਮੇਂ ਰਿਕਾਰਡ ਕੀਤਾ ਸੀ ।
View this post on Instagram
ਜਸਬੀਰ ਗੁਣਾਚਾਰੀਆਂ ਜੀ ਦੀ ਸੱਚੀ ਸੋਚ ਅਤੇ ਸੁੱਚੀ ਕਲਮ ਨਾਲ ਲਿਖਿਆ ਇਹ ਗੀਤ ਹੁਣ ਅਸੀਂ ਸਕਾਈ ਬੀਟਸ ਦੇ ਰਾਹੀਂ ਤੁਹਾਡੀ ਸਭ ਦੀ ਸੇਵਾ ‘ਚ ਲੈ ਕੇ ਆ ਰਹੇ ਹਾਂ। ਉਮੀਦ ਹੈ ਕਿ ਓਨਾਂ ਹੀ ਪਿਆਰ ਦਓਗੇ ਜਿਨ੍ਹਾਂ ਜਨਾਬ ਸਰਦੂਲ ਸਿਕੰਦਰ ਸਾਹਿਬ ਦੇ ਹਰ ਗੀਤ ਨੂੰ ਤੁਸੀਂ ਹਮੇਸ਼ਾ ਦਿੱਤਾ’।
