Trending:
ਜਲੰਧਰ ਸ਼ਹਿਰ ਦਾ ਗੱਭਰੂ ਨਵੀ ਲੁਬਾਣਾ ਵੀਡੀਓ ਡਾਇਰੈਕਸ਼ਨ ਤੇ ਅਦਾਕਾਰੀ ਦੇ ਖੇਤਰ ‘ਚ ਮਾਰ ਰਿਹਾ ਹੈ ਮੱਲ੍ਹਾਂ
ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦਾ ਸੋਹਣਾ ਤੇ ਸੁਨੱਖਾ ਵੀਡੀਓ ਡਾਇਰੈਕਟਰ ਨਵੀ ਲੁਬਾਣਾ (Navi Lubana) ਜੋ ਕਿ ਆਪਣੇ ਖੇਤਰ ‘ਚ ਬਹੁਤ ਮਿਹਨਤ ਤੇ ਲਗਨ ਦੇ ਨਾਲ ਕਾਮਯਾਬੀ ਦੀ ਬੁਲੰਦੀਆਂ ਨੂੰ ਹਾਸਿਲ ਕਰ ਰਹੇ ਨੇ ।
ਜਲੰਧਰ ਸ਼ਹਿਰ ਦੇ ਨਾਲ ਸਬੰਧ ਰੱਖਣ ਵਾਲੇ ਨਵੀ ਲੁਬਾਣਾ ਨੇ ਐੱਮ. ਬੀ.ਏ ਕੀਤੀ ਹੋਈ ਹੈ । ਉਨ੍ਹਾਂ ਨੇ ਬਤੌਰ ਮਾਡਲ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ‘ਚ ਕਦਮ ਰੱਖਿਆ ਸੀ । ਉਨ੍ਹਾਂ ਨੇ ਜੱਸੀ ਗਿੱਲ, ਜੈ ਰੰਧਾਵਾ, ਅਰਮਾਨ ਬੇਦਿਲ ਤੇ ਕਈ ਹੋਰ ਨਾਮੀ ਗਾਇਕਾਂ ਦੇ ਗੀਤਾਂ ‘ਚ ਅਦਾਕਾਰੀ ਕੀਤੀ ਹੈ । ਜਿਸ ਤੋਂ ਬਾਅਦ ਉਹ ਅੱਗੇ ਚਲਕੇ ਡਾਇਰੈਕਸ਼ਨ ਦੇ ਖੇਤਰ ‘ਚ ਕਦਮ ਰੱਖਿਆ । ਬਤੌਰ ਵੀਡੀਓ ਡਾਇਰੈਕਟਰ ਪੰਜਾਬੀ ਗੀਤ ‘ਚੰਨ’ ਦੇ ਨਾਲ ਸ਼ੁਰੂਆਤ ਕੀਤੀ । ਇਸ ਵੀਡੀਓ ‘ਚ ਸ਼ਹਿਨਾਜ਼ ਗਿੱਲ ਨੇ ਅਦਾਕਾਰੀ ਕੀਤੀ ਸੀ ।
ਉਨ੍ਹਾਂ ਨੇ ਕਈ ਨਾਮੀ ਗਾਇਕ ਜਿਵੇਂ ਐਲੀ ਮਾਂਗਟ, ਅਖਿਲੇਸ਼ ਨਾਗਰਾ, ਸੁਲਤਾਨ, ਤਾਜੀ ਤੇ ਕਈ ਹੋਰ ਗਾਇਕਾਂ ਦੇ ਲਈ ਸ਼ਾਨਦਾਰ ਵੀਡੀਓਜ਼ ਬਣਾਈਆਂ ਨੇ । ਹਾਲ ਹੀ ‘ਚ ਐਲੀ ਮਾਂਗਟ ਤੇ ਅਫਸਾਨਾ ਖ਼ਾਨ ਦੇ ਡਿਊਟ ਸੌਂਗ ਗਿੱਧਾ ਦਾ ਸ਼ਾਨਦਾਰ ਵੀਡੀਓ ਵੀ ਨਵੀ ਲੁਬਾਣਾ ਨੇ ਬਣਾਇਆ ਹੈ । ਮਾਡਲਿੰਗ ਤੇ ਡਾਇਰੈਕਸ਼ਨ ਤੋਂ ਇਲਾਵਾ ਨਵੀ ਲੁਬਾਣਾ ਨੂੰ ਕੁਕਿੰਗ ਤੇ ਘੁੰਮਣ ਫਿਰਨ ਦਾ ਸ਼ੌਕ ਹੈ ।
