ਸੰਗੀਤ ਜਗਤ ਦਾ ਚਮਕਦਾ ਸਿਤਾਰਾ ਬਣ ਰਹੀ ਹੈ ਪੰਜਾਬ ਦੀ ਧੀ ਸਿਮਰਨ ਚੌਧਰੀ, ਅਮਿਤਾਭ ਬੱਚਨ ਤੋਂ ਲੈ ਕੇ ਸ਼ਤਰੂਘਨ ਸਿਨਹਾ ਨਾਲ ਕਰ ਚੁੱਕੀ ਹੈ ਕੰਮ

ਗਾਇਕਾ ਸਿਮਰਨ ਚੌਧਰੀ ਏਨਾਂ ਦਿਨੀਂ ਆਪਣੇ ਨਵੇਂ ਹਿੰਦੀ ਗੀਤ ‘ਜ਼ਰੂਰਤ’  ਦੇ ਵਿੱਚ ਆਪਣੀ ਆਵਾਜ਼ ਦਾ ਜਾਦੂ ਬਿਖੇਰ ਰਹੀ ਹੈ । ਗਾਣੇ ਦੀ ਵੀਡੀਓ ‘ਚ ਸੰਵਾਦ ਕਰਦੇ ਹੋਏ ਨਜ਼ਰ ਆ ਰਹੇ ਨੇ ਬਾਲੀਵੁੱਡ ਦੇ ਦਿੱਗਜ ਐਕਟਰ ਸ਼ਤਰੂਘਨ ਸਿਨਹਾ ਤੇ ਸੋਨਾਕਸ਼ੀ ਸਿਨਹਾ । ਇਸ ਗਾਣੇ ‘ਚ ਸਿਮਰਨ ਚੌਧਰੀ ਦੇ ਨਾਲ ਕੁਝ ਹੋਰ ਗਾਇਕਾਂ ਨੇ ਵੀ ਆਪਣੀ ਆਵਾਜ਼ ਦਿੱਤੀ ਹੈ। ਹੋਰ ਪੜ੍ਹੋ : ਵਾਇਸ ਆਫ਼ ਪੰਜਾਬ ਸੀਜ਼ਨ -11 ਦੇ ਆਡੀਸ਼ਨਾਂ ਲਈ ਇਸ ਤਰ੍ਹਾਂ ਭੇਜੋ ਆਪਣੀ ਐਂਟਰੀ, ਪੂਰਾ ਕਰੋ ਗਾਇਕੀ ‘ਚ ਨਾਂਅ ਚਮਕਾਉਣ ਦਾ ਸੁਫ਼ਨਾ

ਜੇ ਗੱਲ ਕਰੀਏ ਸਿਮਰਨ ਚੌਧਰੀ ਦੀ ਤਾਂ ਉਹ ਚੰਡੀਗੜ੍ਹ ਸ਼ਹਿਰ ਦੇ ਨਾਲ ਸੰਬੰਧ ਰੱਖਦੇ ਨੇ । ਉਨ੍ਹਾਂ ਦਾ ਬਚਪਨ ਤੋਂ ਹੀ ਗਾਇਕੀ ਵੱਲ ਰੁਝਾਨ ਸੀ । ਜਿਸ ਕਰਕੇ ਉਨ੍ਹਾਂ ਦੇ ਮਾਪਿਆਂ ਨੇ ਵੀ ਸਿਮਰਨ ਨੂੰ ਸੰਗੀਤ ਦੇ ਰਾਹ ਤੇ ਚੱਲਣ ਲਈ ਹੱਲਾਸ਼ੇਰੀ ਦਿੱਤੀ ।

ਉਨ੍ਹਾਂ ਦੀ ਗਾਇਕੀ ਦੇ ਸੁਫ਼ਨਿਆਂ ਨੂੰ ਖੰਭ ਮਿਲੇ ਜਦੋਂ ਉਨ੍ਹਾਂ ਨੇ ਪੀਟੀਸੀ ਪੰਜਾਬੀ ਦੇ ਰਿਆਲਟੀ ਸ਼ੋਅ ‘ਵਾਇਸ ਆਫ਼ ਪੰਜਾਬ ਸੀਜ਼ਨ 6’ ‘ਚ ਭਾਗ ਲਿਆ । ਇਸ ਸ਼ੋਅ ਤੋਂ ਉਨ੍ਹਾਂ ਨੇ ਬਹੁਤ ਕੁਝ ਸਿੱਖਿਆ । ਇਸ ਤੋਂ ਇਲਾਵਾ ਉਹ ਟੀਵੀ ਦੇ ਇੱਕ ਹੋਰ ਰਿਆਲਟੀ ਸ਼ੋਅ ‘ਦਾ ਵਾਇਸ ਇੰਡੀਆ’ ‘ਚ ਭਾਗ ਲਿਆ ਸੀ, ਜਿੱਥੇ ਉਹ 2nd runners up ਰਹੇ ਸਨ ।

ਬਾਲੀਵੁੱਡ ਸਿੰਗਰ ਦਰਸ਼ਨ ਰਾਵਲ ਦੇ ਗੀਤ ‘ਬੂਹੇ ਬਾਰੀਆਂ’ ‘ਚ ਫੀਮੇਲ ਵੋਕਲ ਸਿਮਰਨ ਨੇ ਹੀ ਦਿੱਤੀ ਸੀ । ਵਰੁਣ ਪ੍ਰਭੂਦਿਆਲ ਗੁਪਤ ਦੇ ਵੱਲੋਂ ਉਨ੍ਹਾਂ ਨੂੰ ਅਮਿਤਾਭ ਬੱਚਨ ਦੀ ਨਰੇਸ਼ਨ ਵਾਲੇ ਗੀਤ Guzar Jayega ‘ਚ ਗਾਉਂਣ ਦਾ ਮੌਕਾ ਮਿਲਿਆ ਸੀ । ਇਸ ਗੀਤ ‘ਚ ਇੰਡੀਆ ਦੇ 115 ਕਲਾਕਾਰਾਂ ਨੇ ਕੰਮ ਕੀਤਾ ਸੀ । ਇਹ ਗੀਤ ਲਾਕਡਾਊਨ ਦੇ ਦੌਰਾਨ ਦਰਸ਼ਕਾਂ ਦੇ ਸਨਮੁੱਖ ਹੋਇਆ ਸੀ ।

ਇਸ ਤੋਂ ਇਲਾਵਾ ਉਹ ਪੰਜਾਬੀ ਗੀਤ ਬਸ ਤੇਰੀ, ਕਾਲਾ ਸ਼ਾਹ ਕਾਲ ਵਰਗੇ ਗੀਤਾਂ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰ ਚੁੱਕੇ ਹਨ । ਬਹੁਤ ਜਲਦ ਉਹ ਦਰਸ਼ਕਾਂ ਦੇ ਲਈ ਨਵੇਂ ਸਿੰਗਲ ਟਰੈਕਸ ਲੈ ਕੇ ਆ ਰਹੇ ਹਨ ।