ਜੁਗਰਾਜ ਗਿੱਲ ਦਾ ਗੀਤ 'ਹਕੀਕਤ' ਦੱਸ ਰਿਹਾ ਹੈ ਅੱਜ ਦਾ ਸੱਚ,ਦੇਖੋ ਵੀਡੀਓ

ਪੀਟੀਸੀ ਰਿਕਾਰਡਸ ਹਰ ਹਫ਼ਤੇ ਚੰਗੇ ਅਤੇ ਪਰਿਵਾਰਕ ਗੀਤ ਦਰਸ਼ਕਾਂ ਦੇ ਲਈ ਲੈ ਕੇ ਆਉਂਦਾ ਹੈ ਜਿਸ 'ਚ ਅੱਜ ਦੇ ਸਮੇਂ ਦੇ ਹਾਲਾਤ ਤੇ ਨੌਜਵਾਨਾਂ ਦੀ ਅਵਸਥਾ ਦੇਖਣ ਨੂੰ ਮਿਲਦੀ ਹੈ। ਅਜਿਹਾ ਹੀ ਗੀਤ ਗਾਇਕ ਜੁਗਰਾਜ ਗਿੱਲ ਦੀ ਅਵਾਜ਼ 'ਚ ਰਿਲੀਜ਼ ਹੋ ਚੁੱਕਿਆ ਹੈ ਜਿਸ ਦਾ ਨਾਮ ਹੈ 'ਹਕੀਕਤ'। ਗਾਣਾ ਆਪਣੇ ਨਾਮ ਦੀ ਹੀ ਤਰ੍ਹਾਂ ਅੱਜ ਦੇ ਯੂਥ ਦਾ ਹਾਲ ਅਤੇ ਕਿਸਾਨਾਂ ਦੀ ਹਾਲਤ ਬਿਆਨ ਕਰ ਰਿਹਾ ਹੈ।

ਹੋਰ ਵੇਖੋ : ਹਾਰਵੀ ਸੰਧੂ ਨੇ ਦੱਸੀ ਪੰਜਾਬੀਆਂ ਦੀ ਅਸਲ ਪਹਿਚਾਣ ਤੇ ਚੜ੍ਹਤ, ਦੇਖੋ ਵੀਡੀਓ

ਗਾਣੇ ਦੀ ਵੀਡੀਓ 'ਚ ਦਿਖਾਇਆ ਗਿਆ ਹੈ ਕਿ ਕਿੰਝ ਇੱਕ ਗਰੀਬ ਕਿਸਾਨ ਆਪਣੇ ਪੁੱਤ ਨੂੰ ਔਖਾ ਸੌਖਾ ਹੋ ਪੜ੍ਹਾਉਂਦਾ ਹੈ ਅਤੇ ਪਰਿਵਾਰ ਨੂੰ ਪਾਲਦਾ ਹੈ ਪਰ ਉਸ ਪੁੱਤ ਨੂੰ ਆਪਣੇ ਪਿਤਾ ਦਾ ਬਿਲਕੁਲ ਵੀ ਖਿਆਲ ਨਹੀਂ ਹੈ। ਇਹ ਵੀਡੀਓ ਅੱਜ ਦੇ ਸਮਾਜ ਦੀ ਹਕੀਕਤ ਬਿਆਨ ਕਰ ਰਹੀ ਹੈ ਜਿਸ ਦਾ ਨਿਰਦੇਸ਼ਨ ਹੈਪੀ ਸਿੰਘ ਨੇ ਕੀਤਾ ਹੈ। ਗਾਣੇ ਦੇ ਬੋਲ ਕੰਵਰ ਵੜੈਚ ਨੇ ਲਿਖੇ ਹਨ ਅਤੇ ਗੁਰਮੋਹ ਵੱਲੋਂ ਸੰਗੀਤ ਤਿਆਰ ਕੀਤਾ ਗਿਆ ਹੈ। ਜੁਗਰਾਜ ਗਿੱਲ ਦਾ ਇਹ ਗੀਤ ਦਰਸ਼ਕਾਂ ਵੱਲੋਂ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ। ਯੂ ਟਿਊਬ ਤੋਂ ਗੀਤ ਨੂੰ ਪੀਟੀਸੀ ਨੈੱਟਵਰਕ ਦੇ ਚੈਨਲਾਂ 'ਤੇ ਵੀ ਦੇਖਿਆ ਜਾ ਰਿਹਾ ਹੈ।