Michael Jackson Death Anniversary: ਜਾਣੋ 150 ਸਾਲ ਜਿਊਣ ਦੀ ਚਾਹਤ ਰੱਖਣ ਵਾਲੇ ਪੌਪ ਕਿੰਗ ਮਾਈਕਲ ਜੈਕਸਨ ਦੀ ਕਿੰਝ ਹੋਈ ਦਰਦਨਾਕ ਮੌਤ

Michael Jackson Death Anniversary: ਦੁਨੀਆ 'ਚ ਕਈ ਪੌਪ ਸਟਾਰ ਹੋਏ ਹਨ ਪਰ ਪੌਪ ਦਾ ਬਾਦਸ਼ਾਹ ਮਾਈਕਲ ਜੈਕਸਨ ਹੈ ਜਿਸ ਨੇ ਆਪਣੀ ਗਾਇਕੀ ਅਤੇ ਡਾਂਸ ਨਾਲ ਪੂਰੀ ਦੁਨੀਆ 'ਚ ਵੱਖਰੀ ਛਾਪ ਛੱਡੀ ਹੈ। ਉਹ ਇੱਕ ਅਜਿਹਾ ਸਿਤਾਰਾ ਸੀ, ਜਿਸ ਨੂੰ ਲੋਕ ਅੱਜ ਵੀ ਦੁਨੀਆ ਦੇ ਹਰ ਕੋਨੇ ਵਿੱਚ ਜਾਣਦੇ ਹਨ। 25 ਜੂਨ 2009 ਨੂੰ ਲਾਸ ਏਂਜਲਸ ਵਿੱਚ ਉਹ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਿਆ। ਜਾਣੋ 150 ਸਾਲ ਜਿਊਣ ਦੀ ਚਾਹਤ ਰੱਖਣ ਵਾਲੇ ਪੌਪ ਕਿੰਗ ਮਾਈਕਲ ਜੈਕਸਨ ਦੀ ਕਿੰਝ ਹੋਈ ਦਰਦਨਾਕ ਮੌਤ।   

ਲਾਸ ਏਂਜਲਸ ਵਿੱਚ 25 ਜੂਨ 2009 ਨੂੰ ਉਹ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਿਆ। ਸਿਰਫ਼ 50 ਸਾਲ ਦੀ ਉਮਰ ਵਿੱਚ ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਉਸ ਦੀ ਮੌਤ ਦੀ ਖ਼ਬਰ ਸੁਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਅੱਜ ਉਨ੍ਹਾਂ ਦੀ ਬਰਸੀ ਦੇ ਮੌਕੇ 'ਤੇ ਅਸੀਂ ਤੁਹਾਨੂੰ ਉਨ੍ਹਾਂ ਦੇ ਜੀਵਨ ਨਾਲ ਜੁੜੀਆਂ ਕੁਝ ਗੱਲਾਂ ਦੱਸਣ ਜਾ ਰਹੇ ਹਾਂ।

ਮਾਈਕਲ ਜੈਕਸਨ ਦਾ ਜਨਮ ਤੇ ਕਰੀਅਰ 

ਮਾਈਕਲ ਜੈਕਸਨ ਦਾ ਜਨਮ 29 ਅਗਸਤ ਨੂੰ ਅਮਰੀਕਾ ਦੇ ਇੰਡੀਆਨਾ ਸੂਬੇ ਦੇ ਸ਼ਹਿਰ ਗੈਰੀ ਵਿੱਚ ਹੋਇਆ ਸੀ। ਬਚਪਨ ਤੋਂ ਹੀ ਸੰਗੀਤ ਵਿੱਚ ਦਿਲਚਸਪੀ ਰੱਖਣ ਵਾਲਾ ਮਾਈਕਲ 1964 ਵਿੱਚ ਆਪਣੇ ਭਰਾ ਦੇ ਪੌਪ ਗਰੁੱਪ ਵਿੱਚ ਸ਼ਾਮਲ ਹੋ ਗਿਆ। ਹਾਲਾਂਕਿ, ਉਨ੍ਹਾਂ ਨੂੰ ਵਿਸ਼ਵ ਭਰ ਵਿੱਚ ਪਛਾਣ ਮਿਲੀ ਜਦੋਂ ਉਸ ਨੇ ਸਾਲ 1982 ਵਿੱਚ ਆਪਣੀ ਐਲਬਮ 'ਥ੍ਰਿਲਰ' ਰਿਲੀਜ਼ ਕੀਤੀ। ਇਸ ਐਲਬਮ ਤੋਂ ਬਾਅਦ ਉਸ ਦੀ ਪ੍ਰਸਿੱਧੀ ਵਧੀ ਅਤੇ ਲੋਕ ਉਸ ਦੇ ਸਟਾਈਲ ਅਤੇ ਗੀਤਾਂ ਦੇ ਦੀਵਾਨੇ ਹੋ ਗਏ। ਇਹ ਦੁਨੀਆ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੀ ਐਲਬਮ ਹੈ।

150 ਸਾਲਾਂ ਤੱਕ ਜਿਉਣਾ ਚਾਹੁੰਦੇ ਸੀ ਮਾਈਕਲ ਜੈਕਸਨ

ਮਾਈਕਲ ਜੈਕਸਨ ਦੀ 50 ਸਾਲ ਦੀ ਉਮਰ 'ਚ ਮੌਤ ਹੋ ਗਈ ਸੀ ਪਰ ਕੀ ਤੁਸੀਂ ਜਾਣਦੇ ਹੋ, ਉਹ 150 ਸਾਲ ਤੱਕ ਜੀਣਾ ਚਾਹੁੰਦੇ ਸਨ। ਇਸ ਦੇ ਲਈ ਉਸ ਨੇ 12 ਡਾਕਟਰਾਂ ਦੀ ਟੀਮ ਰੱਖੀ ਹੋਈ ਸੀ, ਜੋ ਹਮੇਸ਼ਾ ਉਸ ਦੇ ਨਾਲ ਰਹਿੰਦੀ ਸੀ। ਇਹ ਟੀਮ ਲਗਾਤਾਰ ਇਨ੍ਹਾਂ ਦੀ ਜਾਂਚ ਕਰਦੀ ਸੀ। ਇੰਨਾ ਹੀ ਨਹੀਂ, ਉਹ ਆਕਸੀਜਨ ਬੈੱਡ 'ਤੇ ਸੌਂਦਾ ਸੀ ਅਤੇ ਕਿਸੇ ਨੂੰ ਮਿਲਣ ਤੋਂ ਪਹਿਲਾਂ ਮਾਸਕ ਅਤੇ ਦਸਤਾਨੇ ਪਾਉਣਾ ਨਹੀਂ ਭੁੱਲਦਾ ਸੀ।

ਮਾਈਕਲ ਜੈਕਸਨ ਨੇ ਯੋਗਾ ਕਰਨ ਲਈ ਆਪਣੇ ਨਾਲ 15 ਲੋਕਾਂ ਦੀ ਟੀਮ ਵੀ ਰੱਖੀ ਹੋਈ ਸੀ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਮਾਈਕਲ ਜੈਕਸਨ ਦੀ ਮੌਤ ਨਸ਼ੇ ਦੀ ਓਵਰਡੋਜ਼ ਕਾਰਨ ਹੋਈ ਸੀ। ਮਾਈਕਲ ਨੇ ਖੁਦ ਨੂੰ ਵਧੀਆ ਦਿਖਣ ਲਈ ਆਪਣੀਆਂ ਕਈ ਸਰਜਰੀਆਂ ਵੀ ਕਰਵਾਈਆਂ ਸਨ, ਕਿਤੇ ਨਾ ਕਿਤੇ ਉਨ੍ਹਾਂ ਸਰਜਰੀਆਂ ਨੂੰ ਵੀ ਉਸ ਦੀ ਮੌਤ ਦਾ ਕਾਰਨ ਮੰਨਿਆ ਜਾਂਦਾ ਹੈ।

ਹੋਰ ਪੜ੍ਹੋ: Himanshi Khurana: ਕੇਦਾਰਨਾਥ ਯਾਤਰਾ ਦੌਰਾਨ ਬੇਹੋਸ਼ ਘੋੜੇ ਨੂੰ ਪਾਣੀ ਪਿਲਾਉਂਦੇ ਹੋਏ ਰੋ ਪਈ ਹਿਮਾਂਸ਼ੀ ਖੁਰਾਨਾ, ਵੀਡੀਓ ਵੇਖ ਤੁਸੀਂ ਵੀ ਹੋ ਜਾਓਗੇ ਭਾਵੁਕ

ਦੁਨੀਆਂ ਦੇ ਸਭ ਤੋਂ ਵੱਧ ਰਿਕਾਰਡ ਹਾਸਲ ਕਰਨ ਵਾਲਾ ਕਲਾਕਾਰ

ਮਾਈਕਲ ਜੈਕਸਨ ਦੁਨੀਆ ਦਾ ਸਭ ਤੋਂ ਵੱਧ ਪੁਰਸਕਾਰ ਜਿੱਤਣ ਵਾਲਾ ਕਲਾਕਾਰ ਹੈ। ਉਨ੍ਹਾਂ ਦੇ ਨਾਂ 23 ਗਿਨੀਜ਼ ਵਰਲਡ ਰਿਕਾਰਡ ਹਨ। ਇਸ ਦੇ ਨਾਲ ਹੀ ਮਾਈਕਲ ਜੈਕਸਨ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 1994 'ਚ ਲੀਜ਼ਾ ਮੈਰੀ ਪ੍ਰਿਸਲੇ ਨਾਲ ਵਿਆਹ ਕੀਤਾ ਸੀ ਪਰ 19 ਮਹੀਨਿਆਂ ਬਾਅਦ ਦੋਹਾਂ ਦਾ ਤਲਾਕ ਹੋ ਗਿਆ। 1997 ਵਿੱਚ, ਉਸ ਨੇ ਨਰਸ ਡੇਬੀ ਰੋਅ ਨਾਲ ਦੂਜੀ ਵਾਰ ਵਿਆਹ ਕੀਤਾ। ਇਸ ਤੋਂ ਉਨ੍ਹਾਂ ਦੇ ਦੋ ਬੱਚੇ ਹੋਏ, ਪ੍ਰਿੰਸ ਮਾਈਕਲ ਅਤੇ ਪੈਰਿਸ ਮਾਈਕਲ ਕੈਥਰੀਨ। ਪਰ ਮਾਈਕਲ ਦਾ ਇਹ ਵਿਆਹ ਵੀ 1999 ਵਿੱਚ ਟੁੱਟ ਗਿਆ।

- PTC PUNJABI