Alia Bhatt's daughter name: ਐਤਵਾਰ ਦਾ ਦਿਨ ਬਾਲੀਵੁੱਡ ਜਗਤ ਤੋਂ ਗੁੱਡ ਨਿਊਜ਼ ਲੈ ਕੇ ਆਇਆ। ਮਸ਼ਹੂਰ ਅਦਾਕਾਰਾ ਅਤੇ ਰਣਬੀਰ ਕਪੂਰ ਦੀ ਪਤਨੀ ਆਲੀਆ ਭੱਟ ਨੇ ਧੀ ਨੂੰ ਜਨਮ ਦਿੱਤਾ ਹੈ।  ਬੇਟੀ ਦੇ ਜਨਮ ਤੋਂ ਬਾਅਦ ਕਪੂਰ  ਅਤੇ ਭੱਟ ਪਰਿਵਾਰ 'ਚ ਜਸ਼ਨ ਦਾ ਮਾਹੌਲ ਹੈ। ਇਸ ਦੌਰਾਨ ਆਲੀਆ ਭੱਟ ਦੀ ਬੇਟੀ ਦੇ ਨਾਂ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਚਰਚਾ ਸ਼ੁਰੂ ਹੋ ਗਈ ਹੈ। ਦਰਅਸਲ, ਆਲੀਆ ਭੱਟ ਨੇ ਜਨਮ ਤੋਂ ਪਹਿਲਾਂ ਹੀ ਬੱਚੇ ਦੇ ਨਾਮ ਬਾਰੇ ਸੰਕੇਤ ਦੇ ਦਿੱਤੇ ਸਨ।

ਹੋਰ ਪੜ੍ਹੋ : ਹਰਭਜਨ ਮਾਨ ਪ੍ਰਸ਼ੰਸਕਾਂ ਨੂੰ ਦੇਣ ਜਾ ਰਹੇ ਸਪੈਸ਼ਲ ਸਰਪ੍ਰਾਈਜ਼, ਸੋਸ਼ਲ ਮੀਡੀਆ ‘ਤੇ ਪੋਸਟ ਪਾ ਕੇ ਦਿੱਤੀ ਜਾਣਕਾਰੀ

image source: instagram

ਇਸ ਬੱਚੇ ਦਾ ਨਾਂ ਕਾਫੀ ਅਨੋਖਾ ਹੈ ਅਤੇ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਦੇ ਨਾਂ ਨਾਲ ਜੁੜਿਆ ਹੋਇਆ ਹੈ। ਆਲੀਆ ਭੱਟ ਨੇ ਖੁਦ ਪ੍ਰੈਗਨੈਂਸੀ ਦੌਰਾਨ ਇਸ ਨਾਂ ਬਾਰੇ ਗੱਲ ਕੀਤੀ ਸੀ। ਆਓ ਜਾਣਦੇ ਹਾਂ ਆਲੀਆ ਭੱਟ ਦੀ ਬੇਟੀ ਦਾ ਕੀ ਨਾਂ ਹੋ ਸਕਦਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਅਦਾਕਾਰਾ ਆਲੀਆ ਭੱਟ ਦਾ ਇੱਕ ਪੁਰਾਣਾ ਇੰਟਰਵਿਊ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਹ ਵੀਡੀਓ ਉਸ ਸਮੇਂ ਦਾ ਹੈ ਜਦੋਂ ਆਲੀਆ ਭੱਟ ਆਪਣੀ ਫਿਲਮ ਗੰਗੂਬਾਈ ਕਾਠੀਆਵਾੜੀ ਦਾ ਪ੍ਰਮੋਸ਼ਨ ਕਰ ਰਹੀ ਸੀ। ਇੰਟਰਵਿਊ 'ਚ ਆਲੀਆ ਭੱਟ ਤੋਂ ਪੁੱਛਿਆ ਗਿਆ ਸੀ ਕਿ ਜੇਕਰ ਆਲੀਆ ਦੀ ਬਜਾਏ ਉਸ ਦਾ ਨਾਂ ਕੁਝ ਹੋਰ ਹੁੰਦਾ ਤਾਂ ਉਹ ਕਿਹੜਾ ਨਾਂ ਚੁਣੇਗੀ। ਇਸ ਦੇ ਜਵਾਬ 'ਚ ਆਲੀਆ ਭੱਟ ਨੇ ਆਪਣਾ ਪਸੰਦੀਦਾ ਨਾਂ ਦੱਸਿਆ। ਆਲੀਆ ਭੱਟ ਨੂੰ ਇਹ ਖਾਸ ਨਾਂ ਬਹੁਤ ਪਸੰਦ ਹੈ। ਇਹ ਆਲੀਆ ਭੱਟ ਦੇ ਪਤੀ ਰਣਬੀਰ ਦੇ ਨਾਂ ਨਾਲ ਵੀ ਜੁੜਿਆ ਹੋਇਆ ਹੈ।

ਧਿਆਨ ਯੋਗ ਹੈ ਕਿ ਆਲੀਆ ਭੱਟ ਨੇ ਆਪਣਾ ਪਸੰਦੀਦਾ ਨਾਮ ਆਇਰਾ ਦੱਸਿਆ ਸੀ। ਆਇਰਾ ਨਾਂ ਦੀ ਖਾਸੀਅਤ ਇਹ ਹੈ ਕਿ ਆਲੀਆ ਦੇ ਨਾਂ ਦਾ ਪਹਿਲਾ ਅੱਖਰ ਇਸ ਦੇ ਸ਼ੁਰੂ 'ਚ 'ਆ' ਹੈ ਅਤੇ ਰਣਬੀਰ ਦੇ ਨਾਂ ਦਾ ਪਹਿਲਾ ਅੱਖਰ ਅੰਤ 'ਚ 'ਰਾ' ਹੈ। ਉਦੋਂ ਕਿਆਸ ਲਗਾਏ ਗਏ ਸਨ ਕਿ ਆਲੀਆ ਆਪਣੀ ਬੇਟੀ ਦਾ ਨਾਂ ਆਇਰਾ ਰੱਖ ਸਕਦੀ ਹੈ।

ਜਾਣੋ ਕਿ ਆਲੀਆ ਭੱਟ ਦੇ ਪਸੰਦੀਦਾ ਨਾਂ 'ਆਇਰਾ' ਦਾ ਮਤਲਬ ਵੀ ਕਾਫੀ ਖੂਬਸੂਰਤ ਹੈ। ਆਇਰਾ ਦਾ ਅਰਥ ਹੈ ਉਹ ਜਿਸ ਦਾ ਸਤਿਕਾਰ ਕੀਤਾ ਜਾਂਦਾ ਹੈ, ਜਿਸ ਤੋਂ ਲੋਕ ਪ੍ਰੇਰਿਤ ਹੁੰਦੇ ਹਨ। ਆਇਰਾ ਨਾਮ ਵਿੱਦਿਆ ਦੀ ਦੇਵੀ ਸਰਸਵਤੀ ਦਾ ਨਾਮ ਹੈ।

ਦੱਸ ਦਈਏ ਆਲੀਆ ਭੱਟ ਅਤੇ ਨੀਤੂ ਕਪੂਰ ਨੇ ਆਪੋ ਆਪਣੇ ਸੋਸ਼ਲ ਮੀਡੀਆ ਉੱਤੇ ਪੋਸਟ ਪਾ ਕੇ ਫੈਨਜ਼ ਦੇ ਨਾਲ ਇਹ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਕਲਾਕਾਰ ਅਤੇ ਪ੍ਰਸ਼ੰਸਕ ਆਲੀਆ ਅਤੇ ਰਣਬੀਰ ਨੂੰ ਮਾਪੇ ਬਣਨ ਲਈ ਵਧਾਈਆਂ ਦੇ ਰਹੇ ਹਨ।