Dunki: ਲਓ ਜੀ 18 ਦਿਨਾਂ ਦੀ ਸ਼ੂਟਿੰਗ ਤੋਂ ਬਾਅਦ ਇਸ ਖ਼ਾਸ ਸਖ਼ਸ਼ ਨੇ ਛੱਡੀ ਰਾਜਕੁਮਾਰ ਹਿਰਾਨੀ ਦੀ ਫ਼ਿਲਮ

Shah Rukh Khan-Rajkumar Hirani's film Dunki runs into trouble: ਸੁਪਰਸਟਾਰ ਸ਼ਾਹਰੁਖ ਖ਼ਾਨ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕੀਤਾ ਹੈ। ਸ਼ਾਹਰੁਖ ਖ਼ਾਨ ਸਾਲ 2018 'ਚ ਫਿਲਮ 'ਜ਼ੀਰੋ' ਤੋਂ ਬਾਅਦ ਸਿਲਵਰ ਸਕ੍ਰੀਨ ਤੋਂ ਗਾਇਬ ਹੋ ਗਏ ਸਨ ਅਤੇ ਹੁਣ ਉਹ 'ਪਠਾਨ' ਰਾਹੀਂ ਪੂਰੇ 5 ਸਾਲ ਬਾਅਦ ਪਰਦੇ 'ਤੇ ਵਾਪਸੀ ਕਰਨਗੇ। ਇਸ ਤੋਂ ਇਲਾਵਾ ਸ਼ਾਹਰੁਖ ਖ਼ਾਨ ਨੇ ਆਪਣੀ ਮਲਟੀਸਟਾਰਰ ਫਿਲਮ 'ਡੰਕੀ' ਸਮੇਤ ਕਈ ਫਿਲਮਾਂ ਦਾ ਐਲਾਨ ਵੀ ਕੀਤਾ ਹੈ। ਪਰ ਅਜਿਹਾ ਲੱਗਦਾ ਹੈ ਕਿ ਫਿਲਮ ਦੀ ਟੀਮ 'ਚ ਅੰਦਰੂਨੀ ਕਲੇਸ਼ ਪੈ ਗਿਆ ਹੈ।

ਹੋਰ ਪੜ੍ਹੋ : ਸਾਊਥ ਦੇ ਇਸ ਅਦਾਕਾਰ ਨੂੰ ਡੇਟ ਕਰਨਾ ਚਾਹੁੰਦੀ ਹੈ ਸਾਰਾ ਅਲੀ ਖ਼ਾਨ? ਨਾਮ ਸੁਣ ਕੇ ਹਰ ਕੋਈ ਹੋ ਰਿਹਾ ਹੈ ਹੈਰਾਨ

ਫਿਲਮ ਦੇ ਪਹਿਲੇ ਸ਼ੈਡਿਊਲ ਦੀ ਸ਼ੂਟਿੰਗ ਹੋ ਚੁੱਕੀ ਹੈ ਪਰ ਦੱਸਿਆ ਜਾ ਰਿਹਾ ਹੈ ਕਿ ਰਾਜਕੁਮਾਰ ਹਿਰਾਨੀ ਦੇ ਨਿਰਦੇਸ਼ਨ 'ਚ ਬਣ ਰਹੀ ਇਸ ਫਿਲਮ ਨੂੰ ਲੈ ਕੇ ਸਭ ਕੁਝ ਠੀਕ ਨਹੀਂ ਹੈ। ਮੀਡੀਆ ਰਿਪੋਰਟ ਦੇ ਅਨੁਸਾਰ, ਜਿਵੇਂ ਹੀ ਪਹਿਲਾ ਸ਼ੂਟਿੰਗ ਸ਼ੈਡਿਊਲ ਪੂਰਾ ਹੋਇਆ, ਫਿਲਮ ਦੇ DOP ਯਾਨੀ ਫੋਟੋਗ੍ਰਾਫੀ ਦੇ ਨਿਰਦੇਸ਼ਕ ਨੇ ਟੀਮ ਨੂੰ ਟਾਟਾ ਕਹਿ ਦਿੱਤਾ ਹੈ।

'ਲਵ ਆਜਕਲ 2', 'ਸਰਕਾਰ' ਅਤੇ 'ਸਰਕਾਰ ਰਾਜ' ਵਰਗੀਆਂ ਫਿਲਮਾਂ ਦਾ ਹਿੱਸਾ ਰਹਿ ਚੁੱਕੇ ਅਮਿਤ ਰਾਏ ਸ਼ਾਹਰੁਖ ਖਾਨ ਅਤੇ ਤਾਪਸੀ ਪੰਨੂ ਦੀ ਆਉਣ ਵਾਲੀ ਫਿਲਮ 'ਡੰਕੀ' 'ਚ ਡੀਓਪੀ ਦੇ ਤੌਰ 'ਤੇ ਕੰਮ ਕਰ ਰਹੇ ਸਨ। ਰਿਪੋਰਟ ਮੁਤਾਬਕ ਅਮਿਤ ਰਾਏ ਨੇ ਕਿਹਾ, 'ਹਾਂ, ਮੈਂ ਹੁਣ 'ਡੰਕੀ' ਨਹੀਂ ਕਰ ਰਿਹਾ ਹਾਂ। ਮੈਂ 18-19 ਦਿਨ ਦਾ ਸ਼ੂਟ ਕੀਤਾ ਅਤੇ ਫਿਰ ਫ਼ਿਲਮ ਛੱਡ ਦਿੱਤੀ।

ਅਮਿਤ ਰਾਏ ਨੇ ਕਿਹਾ, 'ਰਾਜਕੁਮਾਰ ਹਿਰਾਨੀ ਅਤੇ ਮੇਰੇ ਵਿਚਕਾਰ ਰਚਨਾਤਮਕ ਮਤਭੇਦ ਆ ਰਹੇ ਸਨ। ਅਸੀਂ ਦੋਵੇਂ ਇੱਕੋ ਕੋਣ ਤੋਂ ਇੱਕੋ ਫਰੇਮ ਨੂੰ ਵੇਖਣ ਦੇ ਯੋਗ ਨਹੀਂ ਸੀ। ਭਾਵੇਂ ਸਾਡਾ ਵਿਛੋੜਾ ਬਹੁਤ ਸੁਖਾਵਾਂ ਰਿਹਾ ਹੈ। ਮੈਂ ਨਹੀਂ ਚਾਹੁੰਦਾ ਸੀ ਕਿ ਕੋਈ ਸਮੱਸਿਆ ਪੈਦਾ ਹੋਵੇ। ਇਸ ਲਈ ਅਸੀਂ ਇਕੱਠੇ ਬੈਠ ਕੇ ਗੱਲ ਕੀਤੀ ਅਤੇ ਫਿਰ ਮੈਂ ਟੀਮ ਤੋਂ ਵੱਖ ਹੋਣ ਦਾ ਫੈਸਲਾ ਕੀਤਾ।