Death Anniversary : ਜਾਣੋ ਲੀਲਾ ਮਿਸ਼ਰਾ ਨੇ ਫ਼ਿਲਮਾਂ 'ਚ ਮਹਿਜ਼ ਮਾਂ ਤੇ ਨਾਨੀ ਦੇ ਹੀ ਰੋਲ ਕਿਉਂ ਕੀਤੇ

ਫ਼ਿਲਮ ਜਗਤ ਦੇ ਕਈ ਸਿਤਾਰੇ ਅਜਿਹੇ ਵੀ ਸਨ, ਜਿਨ੍ਹਾਂ ਨੇ ਮਹਿਜ਼ ਨਿੱਕੇ-ਨਿੱਕੇ ਕਿਰਦਾਰਾਂ ਜਾ ਸਹਿ ਕਲਾਕਾਰਾਂ ਵਜੋਂ ਆਪਣੀ ਪੁਖ਼ਤਾ ਪਛਾਣ ਬਣਾਈ ਹੈ। ਇਹ ਕਲਾਕਾਰ ਫ਼ਿਲਮ ਦੇ ਲੀਡ ਰੋਲ ਵਿੱਚ ਤਾਂ ਨਹੀਂ ਵਿਖਾਈ ਦਿੰਦੇ ਸਨ, ਪਰ ਫ਼ਿਲਮਾਂ 'ਚ ਇਨ੍ਹਾਂ ਦੀ ਪਛਾਣ ਵੱਖਰੀ ਹੁੰਦੀ ਹੈ। ਅਜਿਹੀ ਇੱਕ ਕਲਾਕਾਰ ਸੀ ਲੀਲਾ ਮਿਸ਼ਰਾ, ਜਿਨ੍ਹਾਂ ਨੇ ਹਰ ਫ਼ਿਲਮ ਵਿੱਚ ਮਹਿਜ਼ ਮਾਂ, ਸੱਸ ਜਾਂ ਫੇਰ ਨਾਨੀ-ਦਾਦੀ ਦਾ ਕਿਰਦਾਰ ਹੀ ਨਿਭਾਇਆ। ਅੱਜ ਉਨ੍ਹਾਂ ਦੀ ਬਰਸੀ ਮੌਕੇ ਆਓ ਜਾਣਦੇ ਹਾਂ ਕਿ ਆਖ਼ਿਰ ਲੀਲਾ ਮਿਸ਼ਰਾ ਨੇ ਫ਼ਿਲਮਾਂ 'ਚ ਮਹਿਜ਼ ਮਾਂ ਤੇ ਨਾਨੀ ਦੇ ਹੀ ਰੋਲ ਕਿਉਂ ਕੀਤੇ।

ਆਪਣੇ ਸਮੇਂ ਦੀ ਮਸ਼ਹੂਰ ਅਦਾਕਾਰਾ ਲੀਲਾ ਮਿਸ਼ਰਾ ਦਾ ਜਨਮ 1908 ਵਿੱਚ ਉੱਤਰ ਪ੍ਰਦੇਸ਼ ਦੇ ਰਾਏਬਰੇਲੀ ਦੇ ਇੱਕ ਪਿੰਡ ਵਿੱਚ ਹੋਇਆ ਸੀ। ਲੀਲਾ ਮਿਸ਼ਰਾ ਦੀ ਮੌਤ 17 ਜਨਵਰੀ 1988 ਨੂੰ 80 ਸਾਲ ਦੀ ਉਮਰ ਵਿੱਚ ਹੋਈ ਸੀ। ਅੱਜ ਲੀਲਾ ਮਿਸ਼ਰਾ ਦੀ ਬਰਸੀ ਹੈ। ਫ਼ਿਲਮ ਸ਼ੋਲੇ ਨੇ ਲੀਲਾ ਨੂੰ ਮੌਸੀ ਦੇ ਨਾਂ ਨਾਲ ਘਰ-ਘਰ ਵਿੱਚ ਮਸ਼ਹੂਰ ਕਰ ਦਿੱਤਾ ਸੀ।

image from google

ਹੋਰ ਪੜ੍ਹੋ : ਕਥਕ ਗੁਰੂ ਪੰਡਿਤ ਬਿਰਜੂ ਮਹਾਰਾਜ ਦਾ ਹੋਇਆ ਦੇਹਾਂਤ, ਪੀਐਮ ਮੋਦੀ ਨੇ ਸਣੇ ਕਈ ਸੈਲੇਬਸ ਨੇ ਪ੍ਰਗਟਾਇਆ ਸੋਗ

ਜਦੋਂ ਲੀਲਾ ਮਿਸ਼ਰਾ 12 ਸਾਲਾਂ ਦੀ ਹੋਈ ਤਾਂ ਉਸ ਦਾ ਵਿਆਹ ਰਾਮ ਪ੍ਰਸਾਦ ਮਿਸ਼ਰਾ ਨਾਲ ਹੋ ਗਿਆ। ਉਹ ਮੂਕ ਫਿਲਮਾਂ (silent movie) ਵਿੱਚ ਇੱਕ ਚਰਿੱਤਰ ਕਲਾਕਾਰ (character artist) ਸਨ। ਰਾਮ ਪ੍ਰਸਾਦ ਜਦੋਂ ਮੁੰਬਈ ਆਏ ਤਾਂ ਲੀਲਾ ਨੂੰ ਵੀ ਨਾਲ ਲੈ ਆਏ। ਆਪਣੇ ਕਰੀਅਰ ਵਿੱਚ 200 ਤੋਂ ਵੱਧ ਫਿਲਮਾਂ ਕਰਨ ਵਾਲੀ ਲੀਲਾ ਮਿਸ਼ਰਾ ਨੇ 40 ਦੇ ਦਹਾਕੇ ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਨੂੰ ਪਹਿਲੀ ਫ਼ਿਲਮ ਲਈ 500 ਰੁਪਏ ਮਿਲੇ ਸਨ।

image from google

ਲੀਲਾ ਮਿਸ਼ਰਾ ਬਹੁਤ ਹੀ ਖੂਬਸੂਰਤ ਅਭਿਨੇਤਰੀ ਸੀ ਪਰ ਉਨ੍ਹਾਂ ਨੇ ਕਦੇ ਕੋਈ ਮੁੱਖ ਭੂਮਿਕਾ ਨਹੀਂ ਨਿਭਾਈ। ਅਜਿਹਾ ਨਹੀਂ ਸੀ ਕਿ ਉਸ ਨੂੰ ਮੁੱਖ ਭੂਮਿਕਾ ਦੀ ਪੇਸ਼ਕਸ਼ ਨਹੀਂ ਕੀਤੀ ਗਈ ਸੀ, ਪਰ ਉਸ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਸ ਦੇ ਪਿੱਛੇ ਕਾਰਨ ਦੱਸਿਆ ਜਾਂਦਾ ਹੈ ਕਿ ਲੀਲਾ ਮਿਸ਼ਰਾ ਨੂੰ ਪਰਾਏ ਪੁਰਸ਼ਾਂ ਦਾ ਛੋਹ ਬਿਲਕੁਲ ਵੀ ਪਸੰਦ ਨਹੀਂ ਸੀ। ਇਹੀ ਕਾਰਨ ਸੀ ਕਿ ਉਹ ਹਮੇਸ਼ਾ ਮਾਂ, ਮਾਸੀ, ਦਾਦੀ ਅਤੇ ਮਾਸੀ ਦੀਆਂ ਭੂਮਿਕਾਵਾਂ ਵਿੱਚ ਨਜ਼ਰ ਆਉਂਦੀ ਸੀ

image from google

ਹੋਰ ਪੜ੍ਹੋ : ਅਦਾਕਾਰ ਰਣਵਿਜੇ ਸਿੰਘਾ ਨੇ ਆਪਣੀ ਧੀ ਦੇ ਜਨਮ ਦਿਨ ‘ਤੇ ਵੀਡੀਓ ਸਾਂਝਾ ਕਰਕੇ ਦਿੱਤੀ ਜਨਮ ਦਿਨ ਦੀ ਵਧਾਈ

ਪਰਦੇ 'ਤੇ ਹਮੇਸ਼ਾ ਮਾਂ ਅਤੇ ਮਾਸੀ ਦਾ ਕਿਰਦਾਰ ਨਿਭਾਉਣ ਵਾਲੀ ਲੀਲਾ ਮਿਸ਼ਰਾ 17 ਸਾਲ ਦੀ ਉਮਰ 'ਚ ਅਸਲ ਜ਼ਿੰਦਗੀ 'ਚ ਮਾਂ ਬਣ ਗਈ ਸੀ। 18 ਸਾਲ ਦੀ ਛੋਟੀ ਉਮਰ ਤੋਂ, ਉਸ ਨੇ ਸਕ੍ਰੀਨ 'ਤੇ ਮਾਂ ਦੀ ਭੂਮਿਕਾ ਨਿਭਾਉਣੀ ਸ਼ੁਰੂ ਕਰ ਦਿੱਤੀ। ਲੀਲਾ ਮਿਸ਼ਰਾ ਨੂੰ ਅੱਜ ਵੀ ਚਸ਼ਮੇ ਬਦੂਰ, ਪ੍ਰੇਮ ਰੋਗ, ਸ਼ੋਲੇ, ਆਵਾਰਾ, ਪਿਆਸਾ, ਨਦੀਆ ਕੇ ਪਾਰ, ਪਰਿਚੈ, ਸੌਦਾਗਰ, ਮਾਂ ਕਾ ਆਂਚਲ, ਜੈ ਸੰਤੋਸ਼ੀ ਮਾਂ, ਬੈਰਾਗ ਵਰਗੀਆਂ ਕਈ ਫਿਲਮਾਂ 'ਚ ਬੇਹਤਰੀਨ ਅਦਾਕਾਰੀ ਕਰਨ ਲਈ ਜਾਣਿਆ ਜਾਂਦਾ ਹੈ।