ਅਦਾਕਾਰਾ ਯਾਮੀ ਗੌਤਮ ਨੇ ਦਿੱਤਾ ਪੁੱਤਰ ਨੂੰ ਜਨਮ, ਮਿਲ ਰਹੀਆਂ ਵਧਾਈਆਂ

 ਯਾਮੀ ਗੌਤਮ (Yami Gautam) ‘ਤੇ ਅਦਿਤਿਆ ਧਰ (Aditiya Dhar)  ਦੇ ਘਰ ਪੁੱਤਰ (Baby Boy)ਨੇ ਜਨਮ ਲਿਆ ਹੈ। ਇਸ ਖ਼ਬਰ ਦੇ ਆਉਣ ਤੋਂ ਬਾਅਦ ਹਰ ਕੋਈ ਇਸ ਜੋੜੀ ਨੂੰ ਵਧਾਈ ਦੇ ਰਿਹਾ ਹੈ।ਯਾਮੀ ਗੌਤਮ ਨੇ ਇਸ ਬਾਰੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਜਾਣਕਾਰੀ ਸਾਂਝੀ ਕੀਤੀ  ਹੈ। ਇਸ ਦੇ ਨਾਲ ਹੀ ਆਪਣੇ ਬੇਟੇ ਦੇ ਨਾਮ ਦਾ ਵੀ ਖੁਲਾਸਾ ਕੀਤਾ ਹੈ। 

ਹੋਰ ਪੜ੍ਹੋ : ਅਨਿਲ ਕਪੂਰ ਨੇ ਵੈਡਿੰਗ ਐਨੀਵਰਸਰੀ ‘ਤੇ ਸਾਂਝੀ ਕੀਤੀ ਪਤਨੀ ਦੇ ਲਈ ਪੋਸਟ,ਜਾਣੋ ਕਿਵੇਂ ਅਦਾਕਾਰ ਨੇ ਵਿਆਹ ਤੋਂ ਪਹਿਲਾਂ ਕਈ ਸਾਲ ਤੱਕ ਕੀਤਾ ਸੀ ਪਤਨੀ ਨੂੰ ਡੇਟ

ਯਾਮੀ ਗੌਤਮ ਨੇ ਸਾਂਝੀ ਕੀਤੀ ਪੋਸਟ 

ਯਾਮੀ ਗੌਤਮ ਦੇ ਵੱਲੋਂ ਬੇਟੇ ਦੇ ਜਨਮ ਤੋਂ ਬਾਅਦ ਇੱਕ ਪੋਸਟ ਸਾਂਝੀ ਕੀਤੀ ਗਈ ਹੈ। ਜਿਸ ‘ਚ ਉਸ ਨੇ ਲਿਖਿਆ ‘ਅਸੀਂ ਸੂਰਿਆ ਹਸਪਤਾਲ ਦੇ ਵਿਸ਼ੇਸ਼ ਤੌਰ ‘ਤੇ ਸਮਰਪਿਤ ਤੇ ਸ਼ਾਨਦਾਰ ਮੈਡੀਕਲ ਸੇਵਾਵਾਂ ਦੇਣ ਵਾਲੇ ਡਾਕਟਰ ਭੁਪਿੰਦਰ ਅਵਸਥੀ ਤੇ ਡਾਕਟਰ ਰੰਜਨਾ ਧਨੂ ਦਾ ਦਿਲੋਂ ਧੰਨਵਾਦ ਕਰਨਾ ਚਾਹੁੰਦੇ ਹਾਂ।

ਜਿਨ੍ਹਾਂ ਦੀ ਅਣਥੱਕ ਮਿਹਨਤ ਨੇ ਇਸ ਖੁਸ਼ੀ ਦੇ ਮੌਕੇ ਨੂੰ ਸੰਭਵ ਬਣਾਇਆ ਹੈ।ਜਦੋਂ ਅਸੀਂ ਮਾਤਾ ਪਿਤਾ ਦੀ ਇਸ ਸੁੰਦਰ ਯਾਤਰਾ ਦੀ ਸ਼ੁਰੂਆਤ ਕਰਦੇ ਹਾਂ ਤਾਂ ਅਸੀਂ ਉਤਸੁਕਤਾ ਦੇ ਨਾਲ ਉਸ ਦੇ ਸੁਨਹਿਰੇ ਭਵਿੱਖ ਦੀ ਉਮੀਦ ਕਰਦੇ ਹਾਂ । ਜੋ ਸਾਡੇ ਬੇਟੇ ਦੀ ਉਡੀਕ ਕਰ ਰਿਹਾ ਹੈ।ਉਸ ਵੱਲੋਂ ਹਾਸਲ ਕੀਤੇ ਹਰ ਮੀਲ ਪੱਥਰ ਦੇ ਨਾਲ ਅਸੀਂ ਇਸ ਉਮੀਦ ਤੇ ਵਿਸ਼ਵਾਸ਼ ਦੇ ਨਾਲ ਭਰੇ ਹੋਏ ਹਾਂ ਕਿ ਉਹ ਸਾਡੇ ਪੂਰੇ ਪਰਿਵਾਰ ਦੇ ਨਾਲ-ਨਾਲ ਸਾਡੇ ਪਿਆਰੇ ਦੇਸ਼ ਲਈ ਮਾਣ ਦੀ ਰੋਸ਼ਨੀ ਬਣ ਜਾਏਗਾ’। ਜਿਉਂ ਹੀ ਯਾਮੀ ਗੌਤਮ ਨੇ ਇਸ ਖਬਰ ਨੂੰ ਸਾਂਝਾ ਕੀਤਾ ਤਾਂ ਉਨ੍ਹਾਂ ਨੂੰ ਵਧਾਈਆਂ ਦੇਣ  ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ।   

View this post on Instagram

A post shared by Aditya Dhar (@adityadharfilms)

- PTC PUNJABI