ਸ਼ਾਹਰੁਖ ਖ਼ਾਨ ਦੇ ਵਿਆਹ ਦੀਆਂ ਅਣਵੇਖੀਆਂ ਤਸਵੀਰਾਂ ਆਈਆਂ ਸਾਹਮਣੇ, ਜੋੜੀ ਨੇ ਕੀਤਾ ਸੀ ਖੂਬ ਡਾਂਸ

ਸ਼ਾਹਰੁਖ ਖਾਨ (Shahrukh Khan) ਅਤੇ ਗੌਰੀ ਖਾਨ ਦੀ ਜੋੜੀ ਹਰ ਇੱਕ ਦੀ ਫੇਵਰੇਟ ਜੋੜੀ ਹੈ । ਹਰ ਕਿਸੇ  ਨੂੰ ਇਹ ਵੀ ਪਤਾ ਏ ਕਿ ਸ਼ਾਹਰੁਖ ਨੂੰ ਗੋਰੀ ਨਾਲ ਵਿਆਹ ਕਰਵਾਉਣ ਲਈ ਕਈ ਪਾਪੜ ਵੇਲਣੇ ਪਏ ਸਨ । ਇਸ ਜੋੜੀ ਦਾ ਵਿਆਹ ਸਾਲ 1991  ਵਿੱਚ ਹੋਇਆ ਸੀ ਅਤੇ ਇਸ ਜੋੜੀ ਦੇ ਤਿੰਨ ਬੱਚੇ ਆਰੀਅਨ, ਸੁਹਾਨਾ ਅਤੇ ਅਬਰਾਮ ਹਨ ।  ਇੱਕ ਸ਼ਖਸ ਨੇ ਇਸ ਜੋੜੀ ਦੇ ਵਿਆਹ ਦੀਆ ਅਣਦੇਖੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਤੇ ਸਾਂਝੀਆਂ ਕੀਤੀਆਂ ਹਨ । ਫੋਟੋਆਂ ਵਿੱਚ ਨਵਵਿਆਹੀ ਜੋੜੀ ਖੂਬ ਮਸਤੀ ਕਰਦੀ ਨਜ਼ਰ ਆ ਰਹੀ ਹੈ ।

ਹੋਰ ਪੜ੍ਹੋ  : ਸੁਦੇਸ਼ ਕੁਮਾਰੀ ਨੂੰ ਹਸਪਤਾਲ ਚੋਂ ਮਿਲੀ ਛੁੱਟੀ, ਸਿਹਤ ਸਬੰਧੀ ਪ੍ਰੇਸ਼ਾਨੀਆਂ ਦੇ ਚੱਲਦੇ ਹਸਪਤਾਲ ‘ਚ ਭਰਤੀ ਸੀ ਗਾਇਕਾ

ਸ਼ਾਹਰੁਖ ਖਾਨ ਅਤੇ ਗੌਰੀ ਵਿਆਹ ਦੇ ਪ੍ਰੋਗਰਾਮ ਵਿੱਚ ਆਪਣੇ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਨਾਲ ਸ਼ਾਨਦਾਰ ਸਮਾਂ ਗੁਜ਼ਾਰਦੇ ਨਜ਼ਰ ਆ ਰਹੇ ਹਨ । ਇਸ ਤੋਂ ਇਲਾਵਾ, ਦੋਵੇਂ ਇੱਕ-ਦੂਸਰੇ ਦੇ ਨਾਲ ਡਾਂਸ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ । ਇਹਨਾਂ ਤਸਵੀਰਾਂ ਨੂੰ ਦੇਖ ਕੇ ਹਰ ਇੱਕ ਨੂੰ ਪੁਰਾਣਾ ਸਮਾਂ ਯਾਦ ਆ ਜਾਂਦਾ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਸ਼ਾਹਰੁਖ ਖਾਨ ਨਾਲ ਗੌਰੀ ਦੀ ਦੋਸਤੀ  ਕਾਲਜ ਦੇ ਦਿਨਾਂ ਵਿੱਚ ਹੋਈ ਸੀ ।

ਇਹ ਦੋਸਤੀ ਜਲਦ ਹੀ ਪਿਆਰ ਵਿੱਚ ਬਦਲ ਗਈ ਤੇ ਦੋਹਾਂ ਨੇ ਵਿਆਹ ਕਰਵਾਉਣ ਦਾ ਮਨ ਬਣਾ ਲਿਆ । ਪਰ ਗੌਰੀ ਦੇ ਮਾਤਾ-ਪਿਤਾ ਨੇ ਪਹਿਲਾਂ ਇਸ ਦਾ ਵਿਰੋਧ ਕੀਤਾ ਪਰ ਬਾਅਦ ਵਿੱਚ ਉਹ ਵਿਆਹ ਲਈ ਰਾਜ਼ੀ ਹੋ ਗਏ । ਅਖਿਰ ਇਹ ਜੋੜੀ  ਅਕਤੂਬਰ 1991 ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝ ਗਈ ।

ਕਿਹਾ ਜਾਂਦਾ ਹੈ ਕਿ ਸ਼ਾਹਰੁਖ ਗੌਰੀ ਦੇ ਪਿਆਰ ‘ਚ ਦੀਵਾਨੇ ਸਨ ਅਤੇ ਗੌਰੀ ਨੂੰ ਹਾਸਲ ਕਰਨ ਲਈ ਉਨ੍ਹਾਂ ਨੇ ਘਰਦਿਆਂ ਨੂੰ ਮਨਾਉਣ ਦੇ ਲਈ ਕਈ ਮਿੰਨਤਾ ਕਰਨੀਆਂ ਪਈਆਂ ਸਨ, ਪਰ ਸ਼ਾਹਰੁਖ ਨੇ ਹਾਰ ਨਹੀਂ ਮੰਨੀ ਅਤੇ ਗੌਰੀ ਨੂੰ ਆਪਣਾ ਜੀਵਨ ਸਾਥੀ ਬਣਾ ਕੇ ਆਪਣੇ ਪਿਆਰ ਨੂੰ ਹਾਸਲ ਕਰ ਲਿਆ ਹੈ। 

- PTC PUNJABI