ਡੀਜੇ ਵਾਲੇ ‘ਤੇ ਭੜਕੀ ਗਾਇਕਾ ਜੈਸਮੀਨ ਸੈਂਡਲਾਸ, ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਵੀਡੀਓ

 ਸੋਸ਼ਲ ਮੀਡੀਆ ‘ਤੇ ਜੈਸਮੀਨ ਸੈਂਡਲਾਸ (Jasmine Sandlas)ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ।ਜਿਸ ‘ਚ ਗਾਇਕਾ ਆਪਣੇ ਡੀਜੇ ਵਾਲੇ ਨੂੰ ਖਰੀਆਂ ਖਰੀਆਂ ਸੁਣਾਉਂਦੀ ਹੋਈ ਨਜ਼ਰ ਆ ਰਹੀ ਹੈ । ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਗਾਇਕਾ ਕਿਤੇ ਲਾਈਵ ਪਰਫਾਰਮ ਕਰ ਰਹੀ ਹੈ । ਜਿਸ ਤੋਂ ਬਾਅਦ ਉਹ ਸਰੋਤਿਆਂ ਦੇ ਵੱਲ ਮਾਈਕ ਕਰਕੇ ਪੁੱਛਦੀ ਹੈ ਕਿ ਉਹ ਕਿਹੜਾ ਗਾਣਾ ਸੁਣਨਾ ਪਸੰਦ ਕਰਨਗੇ ਤਾਂ ਸਰੋਤਿਆਂ ਵੱਲੋਂ ਜਵਾਬ ਆਉਂਦਾ ਹੈ ਕਿ ‘ਈਲੀਗਲ ਵੈਪਨ’ ।

ਹੋਰ ਪੜ੍ਹੋ :  ਫ਼ਿਲਮ ‘ਮਸਤਾਨੇ’ ਦੀ ਸਟਾਰ ਕਾਸਟ ਗੁਰਦੁਆਰਾ ਜੋਤੀ ਸਰੂਪ ਸਾਹਿਬ ‘ਚ ਹੋਈ ਨਤਮਸਤਕ, ਤਸਵੀਰਾਂ ਹੋ ਰਹੀਆਂ ਵਾਇਰਲ

ਜੈਸਮੀਨ ਉੱਥੋਂ ਹੀ ਮਾਈਕ ਦੇ ਨਾਲ ਡੀਜੇ ਵਾਲੇ ਨੂੰ ਗੀਤ ਵਜਾਉਣ ਦੇ ਲਈ ਕਹਿੰਦੀ ਹੈ, ਪਰ ਡੀਜੇ ਵਾਲਾ ‘ਸਿੱਪ ਸਿੱਪ’ ਗੀਤ ਚਲਾ ਦਿੰਦਾ ਹੈ । ਜਿਸ ਨੂੰ ਲੈ ਕੇ ਗਾਇਕਾ ਖਿਝ ਜਾਂਦੀ ਹੈ ਅਤੇ ਉਸ ਨੂੰ ਕਹਿੰਦੀ ਹੈ ਕਿ ਜਦੋਂ ਤੈਨੂੰ ਕਿਹਾ ਕਿ ‘ਈਲੀਗਲ ਵੈਪਨ’ ਚਲਾ ਤਾਂ ਫਿਰ ਇਹ ਗੀਤ ਕਿਉਂ ਵਜਾਇਆ ।

ਇਸ ਦੇ ਨਾਲ ਹੀ ਗਾਇਕਾ ਕਹਿੰਦੀ ਹੈ ਕਿ ਲਾਈਵ ਤੋਂ ਪਹਿਲਾਂ ਇਸੇ ਲਈ ਰਿਹਰਸਲ ਕੀਤਾ ਜਾਂਦਾ ਹੈ ਤਾਂ ਕਿ ਕੋਈ ਗਲਤੀ ਨਾ ਹੋਵੇ । ਜਿਸ ਤੋਂ ਬਾਅਦ ਡੀਜੇ ਵਾਲਾ ਉਹੀ ਗੀਤ ਵਜਾ ਦਿੰਦਾ ਹੈ । ਸੋਸ਼ਲ ਮੀਡੀਆ ‘ਤੇ ਜੈਸਮੀਨ ਸੈਂਡਲਾਸ ਦਾ ਇਹ ਵੀਡੀਓ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਿਹਾ ਹੈ । ਜੈਸਮੀਨ ਸੈਂਡਲਾਸ ਦੇ ਇਸ ਵੀਡੀਓ ‘ਤੇ ਫੈਨਸ ਦੇ ਵੱਲੋਂ ਵੀ ਰਿਐਕਸ਼ਨ ਦਿੱਤੇ ਜਾ ਰਹੇ ਹਨ ।  

- PTC PUNJABI