Happy Birthday Gulzar Shahib : ਜਾਣੋ ਗੈਰਾਜ 'ਚ ਮਕੈਨਿਕ ਦਾ ਕੰਮ ਕਰਨ ਵਾਲੇ 'ਗੁਲਜ਼ਾਰ' ਕਿਵੇਂ ਬਣੇ ਮਸ਼ਹੂਰ ਕਵਿ ਤੇ ਲੇਖਕ

Happy Birthday Gulzar Shahib : ਆਪਣੀ ਸ਼ਾਨਦਾਰ ਨਜ਼ਮਾਂ ਤੇ ਲੇਖਨੀ ਨਾਲ  ਲੋਕਾਂ ਦਾ ਜੀਵਨ 'ਗੁਲਜ਼ਾਰ' ਬਣਾਉਣ ਵਾਲੇ ਗੁਲਜ਼ਾਰ ਸਾਹਬ ਦੀ ਪ੍ਰਸਿੱਧੀ ਵੀ ਦੇਸ਼ ਵਿੱਚ ਫੈਲੀ ਹੋਈ ਹੈ। ਬਾਲੀਵੁੱਡ ਦੇ ਮਸ਼ਹੂਰ ਕਵੀ, ਲੇਖਕ, ਗੀਤਕਾਰ, ਪਟਕਥਾ ਲੇਖਕ ਅਤੇ ਨਿਰਦੇਸ਼ਕ ਗੁਲਜ਼ਾਰ ਸਾਹਿਬ  (Gulzar Shahib) ਅੱਜ ਆਪਣਾ 89ਵਾਂ ਜਨਮਦਿਨ ਮਨਾ ਰਹੇ ਹਨ।ਆਓ ਜਾਣਦੇ ਹਾਂ ਉਨ੍ਹਾਂ ਦੇ 89ਵੇਂ ਜਨਮਦਿਨ ਦੇ ਮੌਕੇ 'ਤੇ ਉਨ੍ਹਾਂ ਨਾਲ ਜੁੜੀਆਂ ਖਾਸ ਗੱਲਾਂ।

ਗੁਲਜ਼ਾਰ ਸਾਹਿਬ ਦੀ ਜ਼ਿੰਦਗੀ ਦੇ ਹਰ ਪਹਿਲੂ ਨੂੰ ਆਪਣੀ ਕਲਮ ਤੋਂ ਮੋਤੀਆਂ ਵਾਂਗ ਕਵਿਤਾਵਾਂ ਵਿੱਚ ਬੁਣਨ ਦੀ ਸ਼ੈਲੀ ਵਿਲੱਖਣ ਹੈ ਅਤੇ ਇਹ ਕਹਿਣ ਲਈ ਮਜਬੂਰ ਕਰਦੀ ਹੈ ਕਿ ਉਨ੍ਹਾਂ ਵਰਗਾ ਸ਼ਾਇਦ ਹੀ ਕੋਈ ਹੋਰ ਹੋਵੇ। ਗੁਲਜ਼ਾਰ ਨੇ ਕਲਮ ਦੇ ਨਾਲ-ਨਾਲ ਨਿਰਦੇਸ਼ਨ ਰਾਹੀਂ ਸਿਨੇਮਾ ਉਦਯੋਗ ਨੂੰ ਕਾਇਲ ਕੀਤਾ ਹੈ। ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਅੱਜ ਭਾਰਤੀ ਸਿਨੇਮਾ ਦੇ ਗੌਰਵ ਵਜੋਂ ਵੇਖੇ ਜਾਣ ਵਾਲੇ ਗੁਲਜ਼ਾਰ ਸਾਹਬ ਦਾ ਪਾਕਿਸਤਾਨ ਨਾਲ ਬਹੁਤ ਡੂੰਘਾ ਸਬੰਧ ਹੈ। 

ਗੁਲਜ਼ਾਰ ਦਾ ਜਨਮ

ਗੁਲਜ਼ਾਰ ਸਾਹਿਬ ਦੀ ਨਿੱਜੀ ਜ਼ਿੰਦਗੀ ਬਾਰੇ ਗੱਲ ਕਰੀਏ ਤਾਂ ਉਨ੍ਹਾਂ ਦਾ ਜਨਮ 18 ਅਗਸਤ 1934 ਨੂੰ ਵੰਡ ਤੋਂ ਪਹਿਲਾਂ ਪੰਜਾਬ ਦੇ ਜ਼ੇਹਲਮ ਜ਼ਿਲ੍ਹੇ ਦੇ ਦੀਨਾ ਪਿੰਡ ਵਿੱਚ ਹੋਇਆ ਸੀ, ਜੋ ਅੱਜ ਪਾਕਿਸਤਾਨ ਵਿੱਚ ਹੈ। ਗੁਲਜ਼ਾਰ ਦਾ ਜਨਮ ਇੱਕ ਸਿੱਖ ਪਰਿਵਾਰ ਵਿੱਚ ਹੋਇਆ ਸੀ। ਜਨਮ ਤੋਂ ਬਾਅਦ ਉਸ ਦਾ ਨਾਂ ਸੰਪੂਰਨ ਸਿੰਘ ਕਾਲੜਾ ਰੱਖਿਆ ਗਿਆ। ਵੰਡ ਤੋਂ ਬਾਅਦ ਉਹ ਆਪਣੇ ਪਰਿਵਾਰ ਨਾਲ ਪੰਜਾਬ ਵਿਚ ਰਹਿਣ ਲੱਗ ਪਿਆ।

ਗੈਰਾਜ਼ 'ਚ ਮਕੈਨਿਕ ਵਜੋਂ ਕੰਮ ਕਰਨ ਵਾਲੇ ਗੁਲਜ਼ਾਰ ਬਣੇ ਲੇਖਕ

ਗੁਲਜ਼ਾਰ ਸ਼ੁਰੂ ਤੋਂ ਹੀ ਲੇਖਕ ਬਣਨਾ ਚਾਹੁੰਦੇ ਸਨ, ਪਰਿਵਾਰ ਦੀ ਇੱਛਾ ਦੇ ਵਿਰੁੱਧ ਉਹ ਮੁੰਬਈ ਪਹੁੰਚ ਗਏ ਅਤੇ ਇੱਥੇ ਇੱਕ ਗੈਰੇਜ ਵਿੱਚ ਮਕੈਨਿਕ ਵਜੋਂ ਕੰਮ ਕਰਨ ਲੱਗੇ। ਜਦੋਂ ਤੱਕ ਸੰਪੂਰਨ ਸਿੰਘ ਕਾਲੜਾ ਨੂੰ ਗੁਲਜ਼ਾਰ ਵਜੋਂ ਪਛਾਣਿਆ ਨਹੀਂ ਗਿਆ ਸੀ। ਉਹ ਗੈਰੇਜ ਵਿੱਚ ਕੰਮ ਕਰਦਾ ਰਿਹਾ। ਰਿਪੋਰਟਾਂ ਮੁਤਾਬਕ ਉਸ ਦਾ ਕੰਮ ਹਾਦਸਾਗ੍ਰਸਤ ਵਾਹਨਾਂ ਦੇ ਸਕ੍ਰੈਚਾਂ 'ਤੇ ਪੇਂਟ ਕਲਰ ਤਿਆਰ ਕਰਨਾ ਸੀ। ਦਰਅਸਲ, ਗੁਲਜ਼ਾਰ ਦੀ ਰੰਗਾਂ ਦੀ ਸਮਝ ਚੰਗੀ ਸੀ। ਉਹ ਇਹ ਕੰਮ ਚੰਗੀ ਤਰ੍ਹਾਂ ਕਰਦਾ ਸੀ, ਪਰ ਇਕੱਠੇ ਉਹ ਆਪਣਾ ਸ਼ੌਕ ਪਾਲ ਰਿਹਾ ਸੀ।

ਮੁੰਬਈ ਵਿੱਚ ਰਹਿੰਦਿਆਂ, ਗੁਲਜ਼ਾਰ ਨੇ ਨਿਰਦੇਸ਼ਕ ਬਿਮਲ ਰਾਏ, ਰਿਸ਼ੀਕੇਸ਼ ਮੁਖਰਜੀ ਅਤੇ ਸੰਗੀਤਕਾਰ ਹੇਮੰਤ ਕੁਮਾਰ ਨਾਲ ਸਹਾਇਕ ਵਜੋਂ ਕੰਮ ਕਰਨਾ ਸ਼ੁਰੂ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਬਿਮਲ ਰਾਏ ਦੀ ਫਿਲਮ 'ਬੰਦਿਨੀ' ਲਈ ਪਹਿਲਾ ਗੀਤ ਲਿਖਣ ਦਾ ਮੌਕਾ ਮਿਲਿਆ ਅਤੇ ਇਹ ਗੀਤ ਸੀ- 'ਮੋਰਾ ਗੋਰਾ ਅੰਗ'। ਇਸ ਗੀਤ ਨੂੰ ਕਾਫੀ ਪਸੰਦ ਕੀਤਾ ਗਿਆ ਅਤੇ ਇਸ ਨੇ ਗੁਲਜ਼ਾਰ ਸਾਹਿਬ ਦੀ ਕਿਸਮਤ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ।

ਗੁਲਜ਼ਾਰ ਨੇ ਅਦਾਕਾਰਾ ਰਾਖੀ ਨਾਲ ਕਰਵਾਇਆ ਸੀ ਵਿਆਹ

ਬਾਲੀਵੁੱਡ 'ਚ ਕੰਮ ਕਰਦੇ ਸਮੇਂ ਗੁਲਜ਼ਾਰ ਦੀ ਮੁਲਾਕਾਤ ਫਿਲਮ ਅਦਾਕਾਰਾ ਰਾਖੀ ਨਾਲ ਹੋਈ ਸੀ। ਦੋਹਾਂ ਨੇ ਇਕ-ਦੂਜੇ ਨਾਲ ਵਿਆਹ ਵੀ ਕੀਤਾ ਸੀ ਅਤੇ ਉਨ੍ਹਾਂ ਦੀ ਇਕ ਬੇਟੀ ਵੀ ਸੀ, ਜਿਸ ਦਾ ਨਾਂ ਮੇਘਨਾ ਗੁਲਜ਼ਾਰ ਹੈ ਅਤੇ ਉਹ ਇੰਡਸਟਰੀ ਦੀ ਇਕ ਮਸ਼ਹੂਰ ਨਿਰਦੇਸ਼ਕ-ਨਿਰਮਾਤਾ ਹੈ। ਹਾਲਾਂਕਿ, ਰਾਖੀ ਨਾਲ ਗੁਲਜ਼ਾਰ ਸਾਹਬ ਦਾ ਵਿਆਹ ਸਫਲ ਨਹੀਂ ਹੋਇਆ। ਵਿਆਹ ਦੇ ਇਕ ਸਾਲ ਬਾਅਦ ਹੀ ਦੋਵੇਂ ਵੱਖ ਹੋ ਗਏ। ਦੋਵੇਂ ਚਾਰ ਦਹਾਕਿਆਂ ਤੋਂ ਵੱਖ-ਵੱਖ ਰਹਿ ਰਹੇ ਹਨ। ਹਾਲਾਂਕਿ ਦੋਵਾਂ ਦਾ ਅਧਿਕਾਰਤ ਤੌਰ 'ਤੇ ਤਲਾਕ ਨਹੀਂ ਹੋਇਆ ਹੈ।

ਹੋਰ ਪੜ੍ਹੋ: AP Dhillon: 'First Of a Kind' ਐਮਾਜਾਨ ਪ੍ਰਾਈਮ 'ਤੇ ਹੋਈ ਸਟ੍ਰੀਮ, ਜਾਣੋ ਗੁਰਦਾਸਪੁਰ ਦਾ ਹੈਰੀ ਕਿਵੇਂ ਬਣਿਆ ਦੁਨੀਆਂ ਦਾ ਮਸ਼ਹੂਰ ਪੌਪ ਗਾਇਕ ਏਪੀ ਢਿੱਲੋਂ

ਗੁਲਜ਼ਾਰ ਨੂੰ ਕਿਹਾ ਜਾਂਦਾ ਹੈ ਸ਼ਬਦਾਂ ਦੇ ਜਾਦੂਗਰ

ਗੁਲਜ਼ਾਰ ਨੂੰ ਕਿਸੇ ਪਛਾਣ ਦੀ ਲੋੜ ਨਹੀਂ। ਉਹ ਸ਼ਬਦਾਂ ਦਾ ਜਾਦੂਗਰ ਹਨ। ਉਨ੍ਹਾਂ ਨੇ ਆਪਣੇ ਜਾਦੂ ਨਾਲ ਫ਼ਿਲਮ ਇੰਡਸਟਰੀ 'ਚ ਧੂਮ ਮਚਾ ਦਿੱਤੀ ਹੈ। ਗੁਲਜ਼ਾਰ ਨੇ ਇੱਕ ਤੋਂ ਵੱਧ ਗੀਤ ਅਤੇ ਸੰਵਾਦ, ਕਵਿਤਾਵਾਂ ਅਤੇ ਸਕ੍ਰੀਨਪਲੇਅ ਲਿਖੇ ਹਨ, ਜੋ ਅੱਜ ਵੀ ਦਿਲਾਂ ਨੂੰ ਟੁੰਬਦੇ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਗੁਲਜ਼ਾਰ ਸਾਹਬ ਨੇ ਸਿਰਫ਼ ਕਵਿਤਾ ਜਾਂ ਗੀਤ ਹੀ ਨਹੀਂ ਲਿਖੇ ਹਨ, ਸਗੋਂ ਫ਼ਿਲਮ ਨਿਰਦੇਸ਼ਨ ਵਿੱਚ ਵੀ ਹੱਥ ਅਜ਼ਮਾਇਆ ਹੈ। ਉਸ ਨੇ 'ਆਂਧੀ', 'ਮੌਸਮ', 'ਮਿਰਜ਼ਾ ਗਾਲਿਬ' ਵਰਗੀਆਂ ਮਸ਼ਹੂਰ ਅਤੇ ਯਾਦਗਾਰ ਫ਼ਿਲਮਾਂ ਦਾ ਨਿਰਦੇਸ਼ਨ ਕੀਤਾ ਹੈ।

- PTC PUNJABI