ਸੋਨੂੰ ਸੂਦ ਪੱਠੇ ਕੁਤਰਦੇ ਹੋਏ ਆਏ ਨਜ਼ਰ, ਬਿੰਨੂ ਢਿੱਲੋਂ ਨੇ ਸਿਖਾਇਆ ਰੁੱਗ ਲਗਾਉਣਾ

 ਸੋਨੂੰ ਸੂਦ (Sonu Sood)  ਇਨ੍ਹੀਂ ਦਿਨੀਂ ਪੰਜਾਬ ਗਏ ਹੋਏ ਹਨ । ਜਿੱਥੇ ਉਨ੍ਹਾਂ ਦਾ ਇੱਕ ਵੀਡੀਓ ਵਾਇਰਲ ਹੋਇਆ ਹੈ । ਜਿਸ ‘ਚ ਉਹ ਪਸ਼ੂਆਂ ਦੇ ਲਈ ਪੱਠੇ ਕੁਤਰਦੇ ਹੋਏ ਨਜ਼ਰ ਆ ਰਹੇ ਹਨ । ਉਨ੍ਹਾਂ ਦੇ ਨਾਲ ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਸਿਤਾਰੇ ਬਿੰਨੂ ਢਿੱਲੋਂ ਵੀ ਨਜ਼ਰ ਆ ਰਹੇ ਹਨ । ਦੋਵੇਂ ਸਿਤਾਰੇ ਪੱਠੇ ਕੁਤਰ ਰਹੇ ਹਨ ਅਤੇ ਸ਼ਟਾਲੇ ਦਾ ਰੁੱਗ ਬਿੰਨੂ ਢਿੱਲੋਂ ਲਗਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ ਅਤੇ ਸੋਨੂੰ ਸੂਦ ਨੂੰ ਵੀ ਦੱਸਦੇ ਹਨ ਕਿ ਇਸ ਨੂੰ ਰੁੱਗ ਲਗਾਉਣਾ ਕਿਹਾ ਜਾਂਦਾ ਹੈ ।

ਹੋਰ ਪੜ੍ਹੋ : ‘ਗਦਰ-2’ ਦੀ ਰਿਲੀਜ਼ ਤੋਂ ਪਹਿਲਾਂ ਅਮੀਸ਼ਾ ਪਟੇਲ ਮੰਦਰ ਦੇ ਬਾਹਰ ਜ਼ਰੂਰਤਮੰਦਾਂ ਨੂੰ ਵੰਡੀ ਮਠਿਆਈ

ਬਿੰਨੂ ਢਿੱਲੋਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਲਿਖਿਆ ‘ਸ਼ੂਟਿੰਗ ਟਾਈਮ’ । ਜਿਸ ਤੋਂ ਲੱਗਦਾ ਹੈ ਕਿ ਇਹ ਕਿਸੇ ਫ਼ਿਲਮ ਦਾ ਸੀਨ ਇੱਥੇ ਸ਼ੂਟ ਕੀਤਾ ਗਿਆ ਹੋਣਾ ਹੈ । ਕਿਉਂਕਿ ਸੋਨੂੰ ਸੂਦ ਇਨ੍ਹੀਂ ਦਿਨੀਂ ਆਪਣੀ ਫ਼ਿਲਮ ‘ਫਤਿਹ’ ਦੀ ਸ਼ੂਟਿੰਗ ‘ਚ ਰੁੱਝੇ ਹੋਏ ਹਨ ਅਤੇ ਇਸ ਫ਼ਿਲਮ ‘ਚ ਉਨ੍ਹਾਂ ਦੇ ਨਾਲ ਜੈਕਲੀਨ ਫਰਨਾਡੇਜ਼ ਨਜ਼ਰ ਆਏਗੀ । 

ਸੋਨੂੰ ਸੂਦ ਰੀਲ ਦੇ ਨਾਲ ਰੀਅਲ ਲਾਈਫ ‘ਚ ਵੀ ਹਨ ਹੀਰੋ 

ਸੋਨੂੰ ਸੂਦ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਅਨੇਕਾਂ ਹੀ ਹਿੱਟ ਫ਼ਿਲਮਾਂ ਬਾਲੀਵੁੱਡ ਨੂੰ ਦਿੱਤੀਆਂ ਹਨ । ਇਸ ਤੋਂ ਇਲਾਵਾ ਉਹ ਸਾਊਥ ਇੰਡਸਟਰੀ ‘ਚ ਵੀ ਸਰਗਰਮ ਹਨ । ਪਰ ਫ਼ਿਲਮਾਂ ਦੇ ਨਾਲ ਨਾਲ ਉਹ ਜ਼ਿਆਦਾ ਉਹ ਰੀਅਲ ਲਾਈਫ ‘ਚ ਵੀ ਹੀਰੋ ਹਨ ।

ਕਿਉਂਕਿ ਸਮਾਜ ਭਲਾਈ ਦੇ ਲਗਾਤਾਰ ਕੰਮ ਕਰ ਰਹੇ ਹਨ । ਲਾਕਡਾਊਨ ਦੇ ਦੌਰਾਨ ਵੱਖ-ਵੱਖ ਸੂਬਿਆਂ ‘ਚ ਫਸੇ ਲੋਕਾਂ ਨੂੰ ਉਨ੍ਹਾਂ ਦੇ ਘਰਾਂ ਤੱਕ ਪਹੁੰਚਾਉਣ ਦਾ ਕੰਮ ਉਨ੍ਹਾਂ ਦੇ ਵੱਲੋਂ ਕੀਤਾ ਗਿਆ ਸੀ ਅਤੇ ਸਮਾਜ ਦੀ ਭਲਾਈ ਦੇ ਕਾਰਜ ਉਨ੍ਹਾਂ ਦੇ ਵੱਲੋਂ ਲਗਾਤਾਰ ਜਾਰੀ ਹਨ । 

View this post on Instagram

A post shared by Binnu Dhillon (@binnudhillons)

- PTC PUNJABI