ਸ਼ਿਲਪਾ ਸ਼ੈੱਟੀ ਤੇ ਵਿਰਾਟ ਕੋਹਲੀ ਦੀ ਬਚਪਨ ਦੀਆਂ ਤਸਵੀਰਾਂ ਹੋਈਆਂ ਵਾਇਰਲ, ਨੈਟੀਜ਼ਨਸ ਨੇ ਇੰਝ ਦਿੱਤੀ ਪ੍ਰਤੀਕਿਰਿਆ

Shilpa Shetty and Virat Kohli Childhood pics viral: ਲੋਕ ਅਕਸਰ ਹੀ ਆਪਣੇ ਮਨਪਸੰਦ ਸੈਲੇਬਸ ਦੀਆਂ ਪੁਰਾਣੀਆਂ, ਅਣਦੇਖੀਆਂ ਤੇ ਬਚਪਨ ਦੀਆਂ ਤਸਵੀਰਾਂ ਨੂੰ ਦੇਖਣਾ ਪਸੰਦ ਕਰਦੇ ਹਨ ਤੇ ਉਨ੍ਹਾਂ ਨੂੰ ਆਨਲਾਈਨ ਪੋਸਟ ਕਰਦੇ ਹਨ। ਹਾਲ ਹੀ 'ਚ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ  (Shilpa Shetty) ਦੀ ਬਚਪਨ ਦੀ ਇੱਕ ਤਸਵੀਰ ਤੇ ਕ੍ਰਿਕਟਰ ਵਿਰਾਟ ਕੋਹਲੀ (Virat Kohli) ਦੀ ਬਚਪਨ ਦੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਹੈ। ਇਹ ਤਸਵੀਰਾਂ ਮਾਈਕ੍ਰੋਬਲਾਗਿੰਗ ਸਾਈਟ ਰੈਡਿਟ 'ਤੇ ਸ਼ੇਅਰ ਕੀਤਾ ਗਿਆ ਹੈ। 

View this post on Instagram

A post shared by Shilpa Shetty Kundra (@theshilpashetty)

ਸ਼ੇਅਰ ਕੀਤੀਆਂ ਗਈਆਂ ਇਨ੍ਹਾਂ ਤਸਵੀਰਾਂ ਚੋਂ ਇੱਕ ਤਸਵੀਰ ਸ਼ਿਲਪਾ ਸ਼ੈੱਟੀ ਦੀ ਟੀਨਏਜ਼ ਸਮੇਂ ਦੀ ਹੈ। ਜਿਸ 'ਚ ਅਦਾਕਾਰਾ ਨੂੰ ਚਿਹਰੇ 'ਤੇ ਹੱਥ ਰੱਖ ਕੇ ਕੈਮਰੇ ਵੱਲ ਮੁਸਕਰਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਜਦੋਂ ਫੋਟੋ ਕਲਿੱਕ ਕੀਤੀ ਗਈ ਤਾਂ ਉਸ ਨੇ ਬਿੰਦੀ ਵੀ ਲਗਾਈ ਹੋਈ ਸੀ। ਜਿੱਥੋਂ ਤੱਕ ਵਿਰਾਟ ਦੀ ਫੋਟੋ ਦਾ ਸਵਾਲ ਹੈ ਤਾਂ ਕ੍ਰਿਕਟਰ ਗੰਭੀਰ ਨਜ਼ਰ ਆ ਰਹੇ ਸਨ। ਵਿਰਾਟ ਗੁੱਸੇ ਨਾਲ ਕੈਮਰੇ ਵੱਲ ਦੇਖਦੇ ਹੋਏ ਨਜ਼ਰ ਆ ਰਹੇ ਹਨ। 

ਜਿਵੇਂ ਹੀ ਇਹ ਤਸਵੀਰਾਂ ਆਨਲਾਈਨ ਸਾਹਮਣੇ ਆਈਆਂ, ਸੋਸ਼ਲ ਮੀਡੀਆ ਯੂਜ਼ਰਸ  ਨੇ ਕਮੈਂਟ ਕਰਨੇ ਸ਼ੁਰੂ ਕਰ ਦਿੱਤੇ। ਇੱਕ ਵਿਅਕਤੀ ਨੇ ਲਿਖਿਆ, ''ਛੋਟੀ ਸ਼ਿਲਪਾ ਸ਼ੈੱਟੀ ਸੰਨੀ ਦਿਓਲ ਵਰਗੀ ਲੱਗ ਰਹੀ ਹੈ।'' ਇੱਕ ਹੋਰ ਨੇ ਕਿਹਾ, ''ਵਿਰਾਟ ਦੀ ਇਹ ਤਸਵੀਰ ਕਿੰਨੀ ਪਿਆਰੀ ਹੈ, ਇਹ ਮੈਨੂੰ ਹਮੇਸ਼ਾ ਖੁਸ਼ ਕਰ ਦਿੰਦੀ ਹੈ। ਇੱਕ ਵਿਅਕਤੀ ਨੇ ਲਿਖਿਆ, "ਵਿਰਾਟ ਉਦੋਂ ਵੀ ਚੰਗੇ ਲੱਗਦੇ ਸੀ ਤੇ ਹੁਣ ਵੀ ਚੰਗੇ ਲੱਗਦੇ ਹਨ। "

ਜੇਕਰ ਸ਼ਿਲਪਾ ਸ਼ੈੱਟੀ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਆਖਰੀ ਵਾਰ ਫਿਲਮ ਸੁਖੀ 'ਚ ਨਜ਼ਰ ਆਈ ਸੀ। ਇਸ ਫਿਲਮ ਨਾਲ ਸ਼ਿਲਪਾ ਨੇ ਵੱਡੇ ਪਰਦੇ 'ਤੇ ਵਾਪਸੀ ਕੀਤੀ। ਫ਼ਿਲਮ ਦੇ ਟ੍ਰੇਲਰ ਲਾਂਚ ਮੌਕੇ ਉਸ ਨੇ ਦੱਸਿਆ ਕਿ ਕਿਵੇਂ ਉਸ ਦੇ ਪਤੀ ਰਾਜ ਕੁੰਦਰਾ ਨੇ ਉਸ ਨੂੰ ਇਹ ਫ਼ਿਲਮ ਕਰਨ ਲਈ ਮਨਾ ਲਿਆ ਸੀ। ਉਸਨੇ ਕਿਹਾ, "ਰਾਜ ਨੇ ਸਕ੍ਰਿਪਟ ਪੜ੍ਹੀ ਜਦੋਂ ਮੈਂ ਘਰ ਨਹੀਂ ਸੀ। ਮੈਂ ਉਸ ਨੂੰ ਕਿਹਾ ਕਿ ਇਹ ਇਕ ਖੂਬਸੂਰਤ ਫਿਲਮ ਹੈ, ਪਰ ਮੈਂ ਇਸ ਲਈ ਤਿਆਰ ਨਹੀਂ ਸੀ। ਜਦੋਂ ਮੈਂ ਵਾਪਸ ਆਇਆ ਤਾਂ ਉਨ੍ਹਾਂ ਨੇ ਮੈਨੂੰ ਕਿਹਾ, 'ਕੀ ਤੁਸੀਂ ਪਾਗਲ ਹੋ?' ਤੁਹਾਨੂੰ ਇਹ ਫਿਲਮ ਕਰਨੀ ਪਵੇਗੀ! ਉਨ੍ਹਾਂ ਨੇ ਮੈਨੂੰ ਫਿਲਮ ਕਰਨ ਲਈ ਮਨਾ ਲਿਆ। ਉਨ੍ਹਾਂ ਨੇ ਨੇ ਮੈਨੂੰ ਅਜਿਹਾ ਕਰਨ ਲਈ ਹਿਮੰਤ ਦਿੱਤੀ ਅਤੇ ਮੈਨੂੰ ਦੱਸਿਆ ਕਿ ਸਾਡੇ ਸਾਰਿਆਂ ਵਿੱਚ ਇੱਕ 'ਸੁਖੀ' ਹੈ। ਜੇਕਰ ਕੋਈ ਮਰਦ ਔਰਤ-ਮੁਖੀ ਫਿਲਮ ਲਈ ਅਜਿਹਾ ਸੋਚ ਸਕਦਾ ਹੈ...''

View this post on Instagram

A post shared by Virat Kohli (@virat.kohli)

ਹੋਰ ਪੜ੍ਹੋ: Diljit Dosanjh: ਦਿਲਜੀਤ ਦੋਸਾਂਝ ਨੇ ਕੀਤੀ ਅਸ਼ਟਮੀ ਪੂਜਾ, ਗਾਇਕ ਨੇ ਮਾਂ ਦੁਰਗਾ ਤੋਂ ਇੰਝ ਲਿਆ ਆਸ਼ੀਰਵਾਦ

ਵਿਰਾਟ ਦੀ ਗੱਲ ਕਰੀਏ ਤਾਂ ਇਹ ਕ੍ਰਿਕਟਰ ਕਥਿਤ ਤੌਰ 'ਤੇ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨਾਲ ਆਪਣੇ ਦੂਜੇ ਬੱਚੇ ਦੀ ਉਮੀਦ ਕਰ ਰਹੇ ਹਨ। ਇੱਕ ਸੂਤਰ ਨੇ ਦੱਸਿਆ ਕਿ ਅਨੁਸ਼ਕਾ ਗਰਭਵਤੀ ਹੈ ਪਰ ਜਲਦੀ ਹੀ ਗਰਭ ਅਵਸਥਾ ਦਾ ਐਲਾਨ ਨਹੀਂ ਕਰੇਗੀ। ਇਨ੍ਹਾਂ ਖਬਰਾਂ 'ਤੇ ਅਨੁਸ਼ਕਾ ਅਤੇ ਵਿਰਾਟ ਨੇ ਅਜੇ ਤੱਕ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।

- PTC PUNJABI