Trending:
ਭੈਣ ਦੇ ਸੰਗੀਤ ‘ਚ ਕ੍ਰਿਸ਼ਨਾ ਅਭਿਸ਼ੇਕ ਨੇ ਪਤਨੀ ਦੇ ਨਾਲ ਕੀਤਾ ਡਾਂਸ, ਵੇਖੋ ਵੀਡੀਓ
ਗੋਵਿੰਦਾ ਦੀ ਭਾਣਜੀ (Govinda Niece) ਦੇ ਵਿਆਹ ਦੀਆਂ ਰਸਮਾਂ ਚੱਲ ਰਹੀਆਂ ਹਨ । ਬੀਤੇ ਦਿਨ ਆਰਤੀ ਦਾ ਸੰਗੀਤ ਫੰਕਸ਼ਨ ਸੀ । ਜਿਸ ‘ਚ ਕ੍ਰਿਸ਼ਨਾ ਅਭਿਸ਼ੇਕ ਨੇ ਪਤਨੀ ਕਸ਼ਮੀਰਾ ਸ਼ਾਹ ਦੇ ਨਾਲ ਡਾਂਸ ਕੀਤਾ । ਜਿਸ ਦੇ ਕਈ ਵੀਡੀਓ ਆਰਤੀ ਸਿੰਘ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝੇ ਕੀਤੇ ਹਨ ।ਇਨ੍ਹਾਂ ਵੀਡੀਓਜ਼ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਦੋਵਾਂ ਨੇ ‘ਕਜਰਾਰੇ ਕਜਰਾਰੇ ਤੇਰੇ ਨੈਣਾਂ’ ਅਤੇ ‘ਚੁੰਮਾ ਚੁੰਮਾ’ ਗੀਤਾਂ ਤੇ ਡਾਂਸ ਕੀਤਾ ।
ਕ੍ਰਿਸ਼ਨਾ ਅਭਿਸ਼ੇਕ ਆਪਣੀ ਪਤਨੀ ਤੋਂ ਨੋਟ ਵਾਰਦੇ ਹੋਏ ਨਜ਼ਰ ਆਏ । ਇਸ ਤੋਂ ਇਲਾਵਾ ਲਾੜੀ ਆਰਤੀ ਸਿੰਘ ਵੀ ਡਾਂਸ ਕਰਦੀ ਹੋਈ ਦਿਖਾਈ ਦਿੱਤੀ ।ਉਸ ਨੇ ਹੋਣ ਵਾਲੇ ਪਤੀ ਦੇ ਨਾਲ ਖਲਨਾਇਕ ਫ਼ਿਲਮ ਦੇ ਗੀਤ ‘ਕੋਈ ਰੋਕ ਸਕੇ ਤੋ ਰੋਕ ਲੈ’ ਤੇ ਡਾਂਸ ਕੀਤਾ । ਇਸ ਤੋਂ ਇਲਾਵਾ ਹੋਰ ਕਈ ਗੀਤਾਂ ‘ਤੇ ਵੀ ਦੋਨਾਂ ਜਣਿਆਂ ਨੇ ਪਰਫਾਰਮ ਕੀਤਾ ।
_c2399b01c0483325cbc68e7b8d624109_1280X720.webp)
ਇਸ ਤੋਂ ਇਲਾਵਾ ਆਰਤੀ ਨੇ ‘ਤੇਰਾ ਯਹਾਂ ਕੋਈ ਨਹੀਂ’ ਗੀਤ ‘ਤੇ ਭਾਵੁਕ ਪੇਸ਼ਕਾਰੀ ਕੀਤੀ ।ਆਰਤੀ ਦੀ ਪਰਫਾਰਮੈਂਸ ਵੇਖ ਸੰਗੀਤ ਸੈਰੇਮਨੀ ‘ਚ ਸ਼ਾਮਿਲ ਹੋਏ ਮਹਿਮਾਨ ਵੀ ਭਾਵੁਕ ਹੋ ਗਏ ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਆਰਤੀ ਸਿੰਘ ਨੇ ਬੈਚਲਰ ਪਾਰਟੀ ਵੀ ਰੱਖੀ ਸੀ । ਜਿਸ ‘ਚ ਉਸ ਦੇ ਕਈ ਦੋਸਤ ਵੀ ਸ਼ਾਮਿਲ ਹੋਏ ਸਨ।ਪਿਛਲੇ ਕਈ ਦਿਨਾਂ ਤੋਂ ਆਰਤੀ ਦੇ ਵਿਆਹ ਦੀਆਂ ਖ਼ਬਰਾਂ ਚੱਲ ਰਹੀਆਂ ਸਨ । ਪਰ ਹੁਣ ਆਖਿਰਕਾਰ ਆਰਤੀ ਵਿਆਹ ਦੇ ਬੰਧਨ ‘ਚ ਬੱਝਣ ਜਾ ਰਹੀ ਹੈ।
- PTC PUNJABI
ਹੋਰ ਪੜ੍ਹੋ : 
