ਤਲਾਕ ਤੋਂ ਬਾਅਦ ਮੁੜ ਰਾਜੀਵ ਸੇਨ ਤੇ ਚਾਰੂ ਅਸੋਪਾ ਪਹੁੰਚੇ ਕੌਫੀ ਡੇਟ 'ਤੇ, ਟ੍ਰੋਲ ਹੋਣ 'ਤੇ ਅਦਾਕਾਰਾ ਨੇ ਇੰਝ ਦਿੱਤਾ ਰਿਐਕਸ਼ਨ

Charu Asopa and Rajeev Sen enjoy coffee date: ਟੀਵੀ ਦੀ ਮਸ਼ਹੂਰ ਅਦਾਕਾਰਾ ਚਾਰੂ ਅਸੋਪਾ ਤੇ ਰਾਜੀਵ ਸੇਨ ਅਕਸਰ ਸੁਰਖੀਆਂ ਵਿੱਚ ਰਹਿੰਦੀਆਂ ਹਨ। ਬੀਤੇ ਦਿਨੀਂ ਇਹ ਜੋੜੀ ਆਪਣੇ ਤਲਾਕ ਨੂੰ ਲੈ ਕੇ ਸੁਰਖੀਆਂ 'ਚ ਛਾਈ ਰਹੀ, ਦੋਹਾਂ ਨੇ ਅਧਿਕਾਰਿਤ ਤੌਰ 'ਤੇ ਆਪਣੇ ਤਲਾਕ ਦਾ ਐਲਾਨ 8 ਜੂਨ ਨੂੰ ਤੈਕੀਤਾ ਸੀ। 

ਤਲਾਕ ਦੇ ਕੁਝ ਦਿਨਾਂ ਬਾਅਦ ਹੀ ਦੋਹਾਂ ਨੂੰ ਪੈਪਰਾਜ਼ੀਸ ਵੱਲੋਂ ਇਕੱਠੇ ਸਪਾਟ ਕੀਤਾ ਗਿਆ ਸੀ। ਉਸ ਨੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਅਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਕਾਫੀ ਟ੍ਰੋਲ ਕੀਤਾ ਗਿਆ। ਹੁਣ ਅਦਾਕਾਰਾ ਚਾਰੂ ਅਸੋਪਾ  ਨੇ ਇਸ 'ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।

ਚਾਰੂ ਅਸੋਪਾ ਨੇ ਦਿੱਤੀ ਪ੍ਰਤੀਕਿਰਿਆ 

ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਚਾਰੂ ਨੇ ਕਿਹਾ, 'ਅਸੀਂ ਆਪਣੀ ਧੀ ਜ਼ਿਆਨਾ ਦੇ ਡਾਕਟਰ ਦੀ ਅਪਾਇੰਟਮੈਂਟ ਲਈ ਗਏ ਸੀ ਅਤੇ ਰਾਹ 'ਚ ਅਸੀਂ ਕੌਫੀ ਪੀਤੀ। ਮੈਨੂੰ ਨਹੀਂ ਪਤਾ ਕਿ ਇਸ ਨੂੰ ਕੌਫੀ ਡੇਟ ਕਿਵੇਂ ਮੰਨ ਲਿਆ ਗਿਆ। '

ਦੱਸ ਦੇਈਏ ਕਿ ਚਾਰੂ ਅਤੇ ਰਾਜੀਵ 2019 ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝੇ ਸਨ। ਵਿਆਹ ਦੇ ਕੁਝ ਸਮੇਂ ਬਾਅਦ ਹੀ ਦੋਹਾਂ ਦੇ ਰਿਸ਼ਤੇ 'ਚ ਤਰੇੜ ਆ ਗਈ। ਹਾਲਾਂਕਿ, ਉਸਨੇ ਕਈ ਵਾਰ ਉਨ੍ਹਾਂ ਦੇ ਰਿਸ਼ਤੇ ਨੂੰ ਸੁਧਾਰਨ ਦੀ ਕੋਸ਼ਿਸ਼ ਕੀਤੀ। ਪਰ ਕੋਈ ਫਾਇਦਾ ਨਹੀਂ ਹੋਇਆ। ਜੂਨ 2023 ਵਿੱਚ ਉਨ੍ਹਾਂ ਦਾ ਤਲਾਕ ਹੋ ਗਿਆ। ਦੱਸ ਦੇਈਏ ਕਿ ਇਸ ਵਿਆਹ ਤੋਂ ਦੋਵਾਂ ਦੀ ਇੱਕ ਬੇਟੀ ਹੈ, ਜਿਸ ਦਾ ਨਾਮ ਜ਼ਿਆਨਾ ਹੈ। ਦੋਵੇਂ ਮਿਲ ਕੇ ਬੇਟੀ ਦੀ ਦੇਖਭਾਲ ਕਰ ਰਹੇ ਹਨ।

- PTC PUNJABI