Nitin Desai: ਨਿਤਿਨ ਦੇਸਾਈ ਦੀ ਸੁਸਾਈਡ ਮਿਸਟਰੀ ਆਈ ਸਾਹਮਣੇ, ਜਾਣੋ ਕਿਉਂ ਆਰਟ ਡਾਇਰੈਕਟਰ ਨੇ ਕੀਤੀ ਖ਼ੁਦਕੁਸ਼ੀ ?

Nitin Desai suicide inside story: ਫ਼ਿਲਮ ਇੰਡਸਟਰੀ ਨੂੰ ਉਦੋਂ ਸਦਮਾ ਲੱਗਾ ਜਦੋਂ ਮਸ਼ਹੂਰ ਆਰਟ ਡਾਇਰੈਕਟਰ ਨਿਤਿਨ ਦੇਸਾਈ ਆਪਣੇ ਐਨਡੀ ਸਟੂਡੀਓ ਵਿੱਚ ਮ੍ਰਿਤਕ ਪਾਏ ਗਏ। ਨਿਤਿਨ ਦੇਸਾਈ ਦੀ ਸੁਸਾਈਡ ਮਿਸਟਰੀ ਨੂੰ ਲੈ ਕੇ ਇੱਕ ਤੋਂ ਬਾਅਦ ਇੱਕ ਵੱਡੇ ਖੁਲਾਸੇ ਹੋ ਰਹੇ ਹਨ। ਪੋਸਟ ਮਾਰਟਮ ਰਿਪੋਰਟ 'ਚ ਡਾਕਟਰਾਂ ਨੇ ਸਪੱਸ਼ਟ ਕੀਤਾ ਹੈ ਕਿ ਨਿਤਿਨ ਦੇਸਾਈ ਦੀ ਮੌਤ ਫਾਹਾ ਲਾਉਣ ਕਾਰਨ ਹੋਈ ਹੈ। ਹੁਣ ਉਨ੍ਹਾਂ ਦੀ ਮੌਤ ਨਾਲ ਜੁੜਿਆ ਇੱਕ ਹੋਰ ਅਪਡੇਟ ਸਾਹਮਣੇ ਆਇਆ ਹੈ ਕਿ ਆਖਿਰ ਉਨ੍ਹਾਂ ਨੇ ਖ਼ੁਦਕੁਸ਼ੀ ਕਿਉਂ ਕੀਤੀ।

ਪੋਸਟਮਾਰਟਮ ਰਿਪੋਰਟ ਦੇ ਮੁਤਾਬਕ ਨਿਤਿਨ ਦੇਸਾਈ ਨੇ 2 ਅਗਸਤ ਦੀ ਸਵੇਰ ਨੂੰ ਮੁੰਬਈ ਦੇ ਐਨਡੀ ਸਟੂਡੀਓ ਵਿੱਚ ਖੁਦਕੁਸ਼ੀ ਕਰ ਲਈ ਸੀ। ਜਾਣਕਾਰੀ ਅਨੁਸਾਰ ਉਸ ਨੇ ਤੜਕੇ ਕਰੀਬ 3.30 ਵਜੇ ਮੌਤ ਨੂੰ ਗਲੇ ਲਗਾ ਲਿਆ। ਹੁਣ ਇਸ ਖਬਰ ਨੇ ਬਾਲੀਵੁੱਡ ਜਗਤ ਨੂੰ ਵੱਡਾ ਝਟਕਾ ਦਿੱਤਾ ਹੈ।

ਰਾਏਗੜ੍ਹ ਪੁਲਿਸ ਨੇ  ਬਰਾਮਦ ਕੀਤੇ 11 ਆਡੀਓ ਕਲਿੱਪ 

ਰਾਏਗੜ੍ਹ ਜ਼ਿਲ੍ਹਾ ਪੁਲਿਸ ਦੇ ਇੱਕ ਸੂਤਰ ਨੇ ਇੱਕ ਮੀਡੀਆ ਹਾਊਸ  ਨੂੰ ਆਡੀਓ ਕਲਿੱਪ ਮਿਲਣ ਦੀ ਪੁਸ਼ਟੀ ਕੀਤੀ ਹੈ। ਉਸ ਨੇ ਦੱਸਿਆ- “ਸਾਨੂੰ 11 ਆਡੀਓ ਕਲਿੱਪ ਬਰਾਮਦ ਹੋਏ ਹਨ, ਜਿਸ ਵਿੱਚ ਉਸ (ਨਿਤਿਨ ਦੇਸਾਈ) ਨੇ ਕੁਝ ਲੋਕਾਂ ਦਾ ਨਾਂ ਲਿਆ ਹੈ। ਕਲਿੱਪ ਦੀ ਸ਼ੁਰੂਆਤ ਵਿੱਚ, ਉਸਨੇ ਕਿਹਾ ਸੀ- 'ਲਾਲਬਾਗ ਦੇ ਰਾਜੇ ਨੂੰ ਮੇਰਾ ਆਖਰੀ ਸਲਾਮ'। ਅਸੀਂ ਕਲਿੱਪ ਨੂੰ ਫੋਰੈਂਸਿਕ ਲਈ ਭੇਜ ਦਿੱਤਾ ਹੈ।"

ਹੁਣ ਪੁਲਿਸ ਉਨ੍ਹਾਂ ਸਾਰਿਆਂ ਤੋਂ ਪੁੱਛਗਿੱਛ ਕਰਨ ਜਾ ਰਹੀ ਹੈ ਜਿਨ੍ਹਾਂ ਦੇ ਨਾਮ ਆਡੀਓ ਕਲਿੱਪ ਵਿੱਚ ਲਏ ਗਏ ਹਨ। ਸੂਤਰ ਨੇ ਖੁਦ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਦੀ ਕੰਪਨੀ 'ਤੇ ਕਰੋੜਾਂ ਦਾ ਕਰਜ਼ਾ ਸੀ ਜਿਸ ਨੂੰ ਉਹ ਮੋੜਨ 'ਚ ਅਸਫਲ ਰਿਹਾ। ਦੇਸਾਈ ਦੀ ਕੰਪਨੀ ਐਨਡੀਜ਼ ਆਰਟ ਵਰਲਡ ਪ੍ਰਾਈਵੇਟ ਲਿਮਟਿਡ 'ਤੇ 252 ਕਰੋੜ ਰੁਪਏ ਦਾ ਕਰਜ਼ਾ ਸੀ, ਜਿਸ ਨੂੰ ਲੈ ਕੇ ਪਿਛਲੇ ਹਫ਼ਤੇ ਉਨ੍ਹਾਂ ਦੇ ਖਿਲਾਫ ਅਦਾਲਤ 'ਚ ਪਟੀਸ਼ਨ ਵੀ ਦਾਇਰ ਕੀਤੀ ਗਈ ਸੀ।

ਪੁਲਿਸ ਨੇ ਸਟੂਡੀਓ ਵਿੱਚ 9 ਘੰਟੇ ਤੱਕ ਜਾਂਚ ਕੀਤੀ

ਰਾਏਗੜ੍ਹ ਪੁਲਿਸ ਨੂੰ ਬੁੱਧਵਾਰ ਸਵੇਰੇ ਕਰੀਬ 9 ਵਜੇ ਨਿਤਿਨ ਦੇਸਾਈ ਦੀ ਮੌਤ ਦੀ ਸੂਚਨਾ ਮਿਲੀ ਸੀ। ਇਸ ਤੋਂ ਬਾਅਦ, ਇੱਕ ਪੁਲਿਸ ਟੀਮ, ਕਾਲੀਨਾ, ਮੁੰਬਈ ਤੋਂ ਫੋਰੈਂਸਿਕ ਮਾਹਰ, ਇੱਕ ਕੁੱਤਿਆਂ ਦੀ ਟੀਮ ਅਤੇ ਫਿੰਗਰਪ੍ਰਿੰਟ ਮਾਹਿਰਾਂ ਨੂੰ ਸਟੂਡੀਓ ਵਿੱਚ ਬੁਲਾਇਆ ਗਿਆ। ਪੁਲਸ ਅਤੇ ਮਾਹਿਰਾਂ ਦੀਆਂ ਟੀਮਾਂ ਕਰੀਬ 9 ਘੰਟੇ ਸਟੂਡੀਓ 'ਚ ਮੌਜੂਦ ਸਨ ਅਤੇ ਮਾਮਲੇ ਦੀ ਜਾਂਚ ਕਰ ਰਹੀਆਂ ਸਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਨਿਤਿਨ ਦੇਸਾਈ ਦੇ ਪਰਿਵਾਰਕ ਮੈਂਬਰਾਂ, ਡਰਾਈਵਰ ਅਤੇ ਕੇਅਰਟੇਕਰ ਦੇ ਵੀ ਬਿਆਨ ਦਰਜ ਕੀਤੇ।

ਹੋਰ ਪੜ੍ਹੋ: Happy Birthday Sunil Grover: ਡਾ. ਮਸ਼ਹੂਰ ਗੁਲਾਟੀ ਤੋਂ ਲੈ ਕੇ ਗੁੱਥੀ ਤੱਕ ਸੁਨੀਲ ਗਰੋਵਰ ਨੇ ਆਪਣੇ ਇਨ੍ਹਾਂ ਕਿਰਦਾਰਾਂ ਨਾਲ ਜਿੱਤਿਆ ਫੈਨਜ਼ ਦਾ ਦਿਲ

ਇਸ ਤੋਂ ਇਲਾਵਾ ਪੁਲਸ ਨੇ ਕਰਮਚਾਰੀ ਮਯੂਰ ਡੋਂਗਰੇ ਤੋਂ ਵੀ ਪੁੱਛਗਿੱਛ ਕੀਤੀ ਜੋ ਉਸ ਸਮੇਂ ਸਟੂਡੀਓ 'ਚ ਨਿਤਿਨ ਨਾਲ ਮੌਜੂਦ ਸੀ। ਉਸ ਨੇ ਪੁਲਸ ਨੂੰ ਦੱਸਿਆ ਕਿ ਨਿਤਿਨ ਨੇ ਸੈੱਟ 'ਤੇ 6 ਨੰਬਰ 'ਤੇ ਰੱਸੀ ਦੀ ਮਦਦ ਨਾਲ ਤੀਰ-ਕਮਾਨ ਬਣਾਇਆ ਸੀ। ਅਗਲੇ ਦਿਨ ਉਸ ਦੀ ਲਾਸ਼ ਉਸੇ ਤੀਰ-ਕਮਾਨ 'ਤੇ ਮਿਲੀ।

- PTC PUNJABI