ਬਿੰਨੂ ਢਿੱਲੋਂ ਬਣੇ ਨੇ 'ਨੌਕਰ ਵਹੁਟੀ ਦੇ' ,ਕਿਵੇਂ ਵੇਖੋ ਤਸਵੀਰਾਂ 

ਬਿੰਨੂ ਢਿੱਲੋਂ ਜਲਦ ਲੈ ਕੇ ਆ ਰਹੇ ਨੇ ਆਪਣੀ ਨਵੀਂ ਫਿਲਮ 'ਨੌਕਰ ਵਹੁਟੀ ਦਾ'। ਇਸ ਫਿਲਮ 'ਚ ਉਹ ਮੁਖ ਕਿਰਦਾਰ ਦੇ ਤੌਰ ਤੇ ਨਜ਼ਰ ਆਉਣਗੇ । ਜਦਕਿ ਉਨ੍ਹਾਂ ਦੇ ਨਾਲ ਨਜ਼ਰ ਆਉਣਗੇ ਕਵਿਤਾ ਕੌਸ਼ਿਕ ਅਤੇ ਰਣਜੀਤ ਬਾਵਾ । ਇਸ ਤੋਂ ਇਲਾਵਾ ਅਦਾਕਾਰ ਅਤੇ ਆਪਣੀ ਕਾਮੇਡੀ ਰਾਹੀਂ ਲੋਕਾਂ ਦੇ ਢਿੱਡੀਂ ਪੀੜਾਂ ਪਾਉਣ ਵਾਲੇ ਜਸਵਿੰਦਰ ਭੱਲਾ ਅਤੇ ਉਪਾਸਨਾ ਸਿੰਘ ਦੀ ਜੋੜੀ ਵੀ ਨਜ਼ਰ ਆਏਗੀ । ਬਿੰਨੂ ਢਿੱਲੋਂ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਸ ਫਿਲਮ ਦਾ ਫ੍ਰਸਟ ਲੁਕ ਜਾਰੀ ਕਰਦਿਆਂ ਹੋਇਆਂ ਲਿਖਿਆ ਕਿ ਵਾਹਿਗੁਰੂ ਮਿਹਰ ਕਰਨ ।

ਹੋਰ ਵੇਖੋ : ਜਦੋਂ ਐਕਟਰ ਤੋਂ ਬਿੰਨੂ ਢਿੱਲੋਂ ਬਣ ਗਏ ਐਂਕਰ ਅਤੇ ਕੀਤਾ ਟਿਕਟੈਕ

https://www.instagram.com/p/BqSlNEEAqt0/

ਇਹ ਫਿਲਮ ਅਗਲੇ ਸਾਲ ਯਾਨੀ 2019'ਚ ਤੇਈ ਅਗਸਤ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ । ਇਸ ਫਿਲਮ ਨੂੰ ਸਮੀਪ ਕੰਗ ਅਤੇ ਸੰਜੀਵ ਕੁਮਾਰ ,ਰੋਹਿਤ ਕੁਮਾਰ ਪ੍ਰੋਡਿਊਸ ਕਰ ਰਹੇ ਨੇ । ਫਿਲਮ ਦੀ ਕਹਾਣੀ ਵੈਭਵ ਸ਼੍ਰੈਆ ਨੇ ਲਿਖੀ ਹੈ ।

ਹੋਰ ਵੇਖੋ :  ਬਿੰਨੂ ਢਿੱਲੋਂ ਨੇ ਪੁਰਾਣੀਆਂ ਯਾਦਾਂ ਕੀਤੀਆਂ ਤਾਜ਼ਾ ,ਪੰਜਾਬੀ ਯੂਨੀਵਰਸਿਟੀ ‘ਚ ਪੁੱਜੇ ਬਿੰਨੂ

ਇਸ ਫਿਲਮ ਦੀ ਕਹਾਣੀ ਕਿਸ ਤਰ੍ਹਾਂ ਦੀ ਹੈ ਇਸ ਬਾਰੇ ਤਾਂ ਖੁਲਾਸਾ ਬਿੰਨੂ ਢਿੱਲੋਂ ਨੇ ਨਹੀਂ ਕੀਤਾ ਪਰ ਜੇ ਫਿਲਮ ਦੇ ਟਾਈਟਲ ਦੀ ਗੱਲ ਕੀਤੀ ਜਾਵੇ ਤਾਂ ਫਿਲਮ ਦੇ ਟਾਈਟਲ ਨੂੰ ਵੇਖ ਕੇ ਤਾਂ ਇੰਝ ਹੀ ਲੱਗਦਾ ਹੈ ਕਿ ਇਹ ਫਿਲਮ ਰੋਮਾਂਟਿਕ ਕਾਮੇਡੀ ਹੋ ਸਕਦੀ ਹੈ ।

ਹੁਣ ਇਹ ਨੌਕਰ ਵਹੁਟੀ ਦੇ ਇਸ਼ਾਰਿਆਂ 'ਤੇ ਚੱਲਣ ਵਾਲਾ ਹੈ ਪਰ ਇਹ ਵਹੁਟੀ ਦਾ ਇਹ ਨੌਕਰ ਜਾਣ ਬੁੱਝ ਕੇ ਆਪਣੀ ਵਹੁਟੀ ਦਾ ਨੌਕਰ ਬਣਿਆ  ਹੋਇਆ ਹੈ ਜਾਂ ਉਸ ਦੇ ਪਿਆਰ 'ਚ ਏਨਾ ਗ੍ਰਿਫਤਾਰ ਹੈ ਕਿ ਉਸ ਦੀ ਹਰ ਗੱਲ ਮੰਨਦਾ ਹੈ । ਇਹ ਤਾਂ ਫਿਲਮ ਦੇ ਆਉਣ ਤੋਂ ਬਾਅਦ ਹੀ ਪਤਾ ਲੱਗੇਗਾ ਪਰ ਫਿਲਹਾਲ ਤੁਸੀਂ ਵੇਖੋ ਇਸ ਫਿਲਮ ਦੀ ਫ੍ਰਸਟ ਲੁਕ । ਜੋ ਕਿ ਫਿਲਮ 'ਚ ਮੁਖ ਕਿਰਦਾਰ ਨਿਭਾ ਰਹੇ ਬਿੰਨੂ ਢਿੱਲੋਂ ਨੇ ਸਾਂਝੀ ਕੀਤੀ ਹੈ ।