ਇਸ ਤਰ੍ਹਾਂ ਕਰੋ ਆਪਣੇ ਦਿਨ ਦੀ ਸ਼ੁਰੂਆਤ, ਐਨਰਜੀ ਨਾਲ ਸਾਰਾ ਦਿਨ ਰਹੋਗੇ ਭਰਪੂਰ
ਕਈ ਵਾਰ ਲੋਕ ਥੋੜਾ ਜਿਹਾ ਕੰਮ ਕਰਨ ਦੇ ਨਾਲ ਹੀ ਥੱਕ ਜਾਂਦੇ ਹਨ । ਕਿਉਂਕਿ ਲੋਕਾਂ 'ਚ ਸਟੈਮਿਨਾ ਘੱਟ ਹੁੰਦਾ ਹੈ ਅਤੇ ਥੋੜਾ ਜਿਹਾ ਕੰਮ ਕਰਨ 'ਤੇ ਹੀ ਲੋਕ ਥੱਕ ਜਾਂਦੇ ਹਨ । ਪਰ ਜੇ ਤੁਸੀਂ ਆਪਣੇ ਦਿਨ ਦੀ ਸ਼ੁਰੂਆਤ ਵਧੀਆ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਆਪਣਾ ਐਨਰਜੀ ਲੈਵਲ ਵਧਾਉਣਾ ਪਵੇਗਾ । ਇਸ ਦੇ ਨਾਲ ਹੀ ਕੁਝ ਆਦਤਾਂ ਤੁਹਾਨੂੰ ਆਪਣੀ ਜ਼ਿੰਦਗੀ 'ਚ ਅਪਨਾਉਣੀਆਂ ਪੈਣਗੀਆਂ । ਜਿਸ ਨਾਲ ਤੁਸੀਂ ਆਪਣੇ ਦਿਨ ਦੀ ਵਧੀਆ ਸ਼ੁਰੂਆਤ ਕਰ ਸਕਦੇ ਹੋ । ਜੇ ਤੁਸੀਂ ਥੋੜਾ ਜਿਹਾ ਚੱਲਣ ਤੋਂ ਬਾਅਦ ਥੱਕ ਜਾਂਦੇ ਹੋ ਤਾਂ ਤੁਹਾਨੂੰ ਸਵੇਰ ਦੀ ਸੈਰ(Morning Walk) ਜ਼ਰੂਰ ਕਰਨੀ ਚਾਹੀਦੀ ਹੈ ।
image From google
ਹੋਰ ਪੜ੍ਹੋ :ਰਣਬੀਰ ਕਪੂਰ ਦੀ ਫ਼ਿਲਮ ‘ਸ਼ਮਸ਼ੇਰਾ’ ਦਾ ਟੀਜ਼ਰ ਜਾਰੀ
ਇਸ ਦੇ ਨਾਲ ਹੀ ਤੁਸੀਂ ਦਸ ਮਿੰਟ ਤੱਕ ਪੌੜੀਆਂ 'ਤੇ ਚੜਨ ਅਤੇ ਉਤਰਨ ਦੀ ਪ੍ਰੈਕਟਿਸ ਕਰਨੀ ਚਾਹੀਦੀ ਹੈ । ਇਸ ਨਾਲ ਜਿੱਥੇ ਤੁਹਾਡਾ ਸਟੈਮਿਨਾ ਮਜ਼ਬੂਤ ਹੋਵੇਗਾ । ਉੱਥੇ ਹੀ ਤੁਹਾਨੂੰ ਰੋਜ਼ਾਨਾ ਜਦੋਂ ਪੈਦਲ ਚੱਲਣ ਦੀ ਆਦਤ ਪਵੇਗੀ ਤਾਂ ਤੁਹਾਨੂੰ ਕਦੇ ਵੀ ਥਕਾਨ ਮਹਿਸੂਸ ਨਹੀਂ ਹੋਵੇਗੀ ।ਜੇਕਰ ਤੁਸੀਂ ਹਫਤੇ 'ਚ 5 ਦਿਨ ਵੀ ਸਵੇਰ ਦੀ ਸੈਰ ਕਰਦੇ ਹੋ ਤਾਂ ਤੁਸੀਂ ਕਈ ਤਰ੍ਹਾਂ ਦੀਆਂ ਮਾਨਸਿਕ ਬੀਮਾਰੀਆਂ ਤੋਂ ਬਚ ਸਕਦੇ ਹੋ।
image From google
ਇਹ ਇਸ ਲਈ ਹੈ ਕਿਉਂਕਿ ਸਵੇਰ ਦੀ ਸੈਰ ਕਰਨ ਨਾਲ ਤੁਹਾਡੇ ਸਰੀਰ ਵਿੱਚ ਐਸਟ੍ਰੋਜਨ ਅਤੇ ਡੋਪਾਮਾਈਨ ਵਰਗੇ ਖੁਸ਼ੀ ਦੇ ਹਾਰਮੋਨਸ ਦਾ ਪੱਧਰ ਵਧਦਾ ਹੈ। ਅਜਿਹੇ ਲੋਕਾਂ ਦੀ ਨੀਂਦ ਰਾਤ ਨੂੰ ਵਾਰ-ਵਾਰ ਨਹੀਂ ਟੁੱਟਦੀ।ਸਵੇਰ ਦੀ ਸੈਰ ਕਰਨ ਵਾਲੇ ਲੋਕਾਂ ਦੀਆਂ ਹੱਡੀਆਂ ਅਤੇ ਮਾਸਪੇਸ਼ੀਆਂ ਮਜ਼ਬੂਤ ਹੁੰਦੀਆਂ ਹਨ। ਸੈਰ ਦੇ ਨਾਲ ਨਾਲ ਤੁਹਾਨੂੰ ਆਪਣੇ ਸਰੀਰ ਨੂੰ ਵਧੀਆ ਡਾਈਟ ਵੀ ਦੇਣੀ ਚਾਹੀਦੀ ਹੈ । ਕਿਉਂਕਿ ਜਦੋਂ ਤੱਕ ਤੁਹਾਡੀ ਡਾਈਟ ਵਧੀਆ ਨਹੀਂ ਹੁੰਦੀ ਤੁਸੀਂ ਕਸਰਤ ਜਾਂ ਫਿਰ ਸੈਰ ਦਾ ਫਾਇਦਾ ਨਹੀਂ ਉਠਾ ਸਕਦੇ ।ਇਸ ਦੇ ਨਾਲ ਹੀ ਪਾਣੀ ਦੀ ਵਰਤੋਂ ਵੱਧ ਤੋਂ ਵੱਧ ਕਰੋ ।