'ਤਾਰੇ ਜ਼ਮੀਨ ਪਰ' ਵਾਲਾ ਇਹ ਬਾਲ ਕਲਾਕਾਰ, ਹੁਣ ਇਸ ਤਰ੍ਹਾਂ ਦਿਖਾਈ ਦਿੰਦਾ ਹੈ, ਦੇਖੋ ਤਸਵੀਰਾਂ   

ਆਮਿਰ ਖ਼ਾਨ ਦੇ ਨਿਰਦੇਸ਼ਨ ਵਿੱਚ ਬਣੀ ਫ਼ਿਲਮ 'ਤਾਰੇ ਜ਼ਮੀਨ ਪਰ' 2007 ਵਿੱਚ ਰਿਲੀਜ਼ ਹੋਈ ਸੀ ਤੇ ਇਸ ਫ਼ਿਲਮ ਨੂੰ ਕੌਮੀ ਅਵਾਰਡ ਵੀ ਮਿਲਿਆ ਸੀ । ਭਾਵੇਂ ਇਸ ਫ਼ਿਲਮ ਵਿੱਚ ਵੱਡਾ ਚਿਹਰਾ ਆਮਿਰ ਖ਼ਾਨ ਸੀ, ਪਰ ਇਸ ਫ਼ਿਲਮ ਦੇ ਬਾਲ ਕਲਾਕਾਰ ਦਰਸ਼ੀਲ ਸਫਾਰੀ ਨੂੰ ਦਰਸ਼ਕ ਅੱਜ ਵੀ ਯਾਦ ਕਰਦੇ ਹਨ । ਇਸ ਫ਼ਿਲਮ ਵਿੱਚ ਦਰਸ਼ੀਲ ਸਫਾਰੀ ਨੇ 9 ਸਾਲ ਦੇ ਉਸ ਬੱਚੇ ਦਾ ਰੋਲ ਨਿਭਾਇਆ ਸੀ ਜਿਹੜਾ ਕਿਸੇ ਦਿਮਾਗੀ ਬਿਮਾਰੀ ਦਾ ਸ਼ਿਕਾਰ ਹੁੰਦਾ ਹੈ । ਇਸ ਬਿਮਾਰੀ ਕਰਕੇ ਬੱਚੇ ਦਾ ਪੂਰਾ ਪਰਿਵਾਰ ਕਈ ਮੁਸੀਬਤਾਂ ਦਾ ਸਾਹਮਣਾ ਕਰਦਾ ਹੈ ।

https://www.youtube.com/watch?v=r--cSSZ-PFk

ਇਸ ਫ਼ਿਲਮ ਵਿੱਚ ਆਮਿਰ ਖ਼ਾਨ ਦੇ ਹੋਣ ਦੇ ਬਾਵਜ਼ੂਦ ਦਰਸ਼ੀਲ ਪੂਰੀ ਫ਼ਿਲਮ ਵਿੱਚ ਛਾਏ ਰਹੇ ਸਨ । ਇਸ ਫ਼ਿਲਮ ਕਰਕੇ ਦਰਸ਼ੀਲ ਬਾਲੀਵੁੱਡ ਦਾ ਜਾਣਿਆ ਪਹਿਚਾਣਿਆ ਚਿਹਰਾ ਬਣ ਗਿਆ ਸੀ । ਦਰਸ਼ੀਲ ਨੂੰ ਉਹਨਾਂ ਦੀ ਅਦਾਕਾਰੀ ਕਰਕੇ ਫ਼ਿਲਮ-ਫੇਅਰ ਅਵਾਰਡ ਨਾਲ ਵੀ ਨਿਵਾਜਿਆ ਗਿਆ ਸੀ ।

darsheel-safari

ਇਸ ਫ਼ਿਲਮ ਤੋਂ ਬਾਅਦ ਦਰਸ਼ੀਲ ਬਾਲੀਵੁੱਡ ਦੀਆਂ ਹੋਰ ਵੀ ਕਈ ਫ਼ਿਲਮਾਂ ਵਿੱਚ ਦਿੱਖਾਈ ਦਿੱਤੇ ਸਨ । ਇਸ ਤੋਂ ਇਲਾਵਾ ਉਹ ਕਈ ਟੀਵੀ ਪ੍ਰੋਗਰਾਮਾਂ ਵਿੱਚ ਵੀ ਨਜ਼ਰ ਆ ਚੁੱਕੇ ਹਨ । ਇਹ ਬਾਲ ਕਲਾਕਾਰ ਅੱਜ ਜਵਾਨ ਹੋ ਗਿਆ ਹੈ ।

darsheel-safari

9 ਮਾਰਚ 1997 ਵਿੱਚ ਮੁੰਬਈ ਵਿੱਚ ਜਨਮ ਲੈਣ ਵਾਲਾ ਇਹ ਕਲਾਕਾਰ ਆਪਣਾ 22ਵਾਂ ਜਨਮ ਦਿਨ ਮਨਾ ਰਿਹਾ ਹੈ । ਦਰਸ਼ੀਲ ਦੇ ਪਿਤਾ ਵੀ ਅਦਾਕਾਰੀ ਨਾਲ ਜੁੜੇ ਹੋਏ ਹਨ ਇਸੇ ਲਈ ਉਹਨਾਂ ਨੂੰ ਤਾਰੇ ਜ਼ਮੀਨ ਪਰ ਫ਼ਿਲਮ ਵਿੱਚ ਬਰੇਕ ਮਿਲਿਆ ਸੀ ।

darsheel-safari

ਦਰਸ਼ੀਲ ਨੇ ਆਪਣੇ ਸਕੂਲ ਦੀ ਪੜਾਈ ਪੂਰੀ ਕਰ ਲਈ ਹੈ ਤੇ ਉਹ ਹੁਣ ਪੂਰੀ ਤਰ੍ਹਾਂ ਅਦਾਕਾਰੀ ਨਾਲ ਜੁੜ ਗਿਆ ਹੈ । ਅਦਾਕਾਰੀ ਵਿੱਚ ਹੋਰ ਮਾਹਿਰ ਬਣਨ ਲਈ ਦਰਸ਼ੀਲ ਥਿਏਟਰ ਵੀ ਕਰ ਰਹੇ ਹਨ ।