ਸਲਮਾਨ ਖਾਨ ਦੇ ਸ਼ੋਅ 'ਚ ਪੁੱਜੇ ਡਾਕਟਰ ਮਸ਼ਹੂਰ ਗੁਲਾਟੀ, ਕਿਹਾ ਕੋਕਰੋਚ ਮਰ ਗਿਆ ਪਰ ਟਾਈਗਰ ਜ਼ਿੰਦਾ ਹੈ

ਕਾਮੇਡੀ ਦੇ ਰਾਜਾ ਡਾਕਟਰ ਮਸ਼ਹੂਰ ਗੁਲਾਟੀ ਇਕ ਵਾਰ ਫੇਰ ਦਰਸ਼ਕਾਂ ਨੂੰ ਹਸਾਉਣ ਲਈ ਤਿਆਰ ਹਨ। ਇਸ ਵਾਰ ਡਾ. ਗੁਲਾਟੀ ਯਾਨੀ ਸੁਨੀਲ ਗਰੋਵਰ ਨੂੰ ਬਾਲੀਵੁੱਡ ਸਿਕੰਦਰ ਸਲਮਾਨ ਖਾਨ ਦਾ ਸਾਥ ਮਿਲ ਰਿਹਾ ਹੈ। ਜੀ ਹਾਂ, ਦੋਵਾਂ ਸਟਾਰਸ ਦੀ ਜੋੜੀ ਸਲਮਾਨ ਦੇ ਗੇਮ ਸ਼ੋਅ 'ਦਸ ਕਾ ਦਮ' 'ਚ ਦੇਖਣ ਨੂੰ ਮਿਲੇਗੀ। ਇਸ ਖਾਸ ਐਪੀਸੋਡ ਲਈ ਸੁਨੀਲ ਤੇ ਸਲਮਾਨ ਖਾਨ ਨੇ ਸ਼ੂਟਿੰਗ ਵੀ ਕਰ ਲਈ ਹੈ। ਇਸ ਦੌਰਾਨ ਦੋਵੇਂ ਸੈੱਟ 'ਤੇ ਖੂਬ ਮਸਤੀ ਕਰਦੇ ਨਜ਼ਰ ਆਉਣਗੇ। ਇਸ ਸ਼ੋਅ 'ਚ ਡਾ. ਗੁਲਾਟੀ ਇਕੱਲੇ ਨਹੀਂ ਹੋਣਗੇ, ਸਗੋਂ ਉਸ ਦਾ ਸਾਥ ਦੇਣ ਲਈ ਬਾਲੀਵੁੱਡ ਦੀ ਪਲੇਬੈਕ ਸਿੰਗਰ ਤੇ ਸੈਲਫੀ ਕੁਈਨ ਨੇਹਾ ਕੱਕੜ ਵੀ ਆ ਰਹੀ ਹੈ। ਨੇਹਾ ਕੱਕੜ ਨੇ ਇਸ ਐਪੀਸੋਡ ਦੀ ਸ਼ੂਟਿੰਗ ਸਮੇਂ ਕਾਫੀ ਮਟਰਗਸ਼ਤੀ (ਮਸਤੀ) ਕੀਤੀ ਤੇ ਗੀਤ ਵੀ ਗਾਏ।

ਦੱਸਣਯੋਗ ਹੈ ਕਿ ਇਸ ਐਪੀਸੋਡ ਦੀ ਸ਼ੂਟਿੰਗ ਦੀਆਂ ਕੁਝ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਇਸ ਦੇ ਨਾਲ ਹੀ ਸ਼ੋਅ ਦਾ ਇਕ ਪ੍ਰੋਮੋ ਵੀ ਟੀ. ਵੀ. 'ਤੇ ਆਨ-ਏਅਰ ਹੋ ਗਿਆ ਹੈ। ਬੱਸ ਜਲਦੀ ਹੀ ਇਹ ਐਪੀਸੋਡ ਵੀ ਟੈਲੀਕਾਸਟ ਕੀਤਾ ਜਾਵੇਗਾ।

ਸੈੱਟ 'ਤੇ ਸਲਮਾਨ-ਨੇਹਾ ਤੇ ਸੁਨੀਲ Sunil Grover ਦੀ ਤਿੱਕੜੀ ਨੇ ਖੂਬ ਮਨੋਰੰਜਨ ਕੀਤਾ ਤੇ ਲੋਕਾਂ ਨੂੰ ਪੂਰਾ ਹਸਾਇਆ ਹੈ। 'ਕਾਮੇਡੀ ਵਿਦ ਕਪਿਲ ਸ਼ਰਮਾ' ਸੀਰੀਅਲ 'ਚ ਫੇਮਸ ਕਿਰਦਾਰ ਨਿਭਾਉਣ ਵਾਲੇ ਸੁਨੀਲ ਗਰੋਵਰ ਦੀ ਫੈਨ ਫੋਲੋਇੰਗ ਕਾਫੀ ਜ਼ਿਆਦਾ ਹੈ।

ਲੋਕ ਸੁਨੀਲ ਦੀ ਕਾਮੇਡੀ ਦੇ ਦੀਵਾਨੇ ਹਨ ਤੇ ਹਰ ਵਾਰ ਉਸ ਦੀ ਕਾਮੇਡੀ ਦੇਖਣ ਲਈ ਉਤਸ਼ਾਹਿਤ ਵੀ ਰਹਿੰਦੇ ਹਨ। ਸੁਨੀਲ ਇਸ ਤੋਂ ਪਹਿਲਾਂ ਵੀ ਸਲਮਾਨ ਨਾਲ ਕਪਿਲ ਸ਼ੋਅ 'ਚ ਮਸਤੀ ਕਰ ਚੁੱਕੇ ਹਨ। ਸਲਮਾਨ ਖੁਦ ਸੁਨੀਲ ਦੀ ਕਾਮੇਡੀ ਦੇ ਵੱਡੇ ਫੈਨ ਹਨ। ਜਲਦੀ ਹੀ ਦੋਨੋਂ ਵੱਡੇ ਪਰਦੇ 'ਤੇ ਵੀ 'ਭਾਰਤ' ਫਿਲਮ 'ਚ ਨਜ਼ਰ ਆਉਣਗੇ।

https://twitter.com/DineshSundesha7/status/1009312716513730560