ਗਾਇਕ ਮਨਪ੍ਰੀਤ ਮੰਨਾ ਦਾ ਨਵਾਂ ਗੀਤ ‘ਅਸਾਈਨਮੈਂਟਾਂ’ ਰਿਲੀਜ਼ ਹੋ ਚੁੱਕਿਆ ਹੈ। ਗੀਤ ਦੇ ਬੋਲ ਦੀਪ ਅਰੀਚਾ ਨੇ ਲਿਖੇ ਨੇ ਅਤੇ ਮਿਊਜ਼ਿਕ ਦੇਸੀ ਰੂਟਜ਼ ਵਲੋਂ ਦਿੱਤਾ ਗਿਆ ਹੈ ।ਡਾਇਰੈਕਸ਼ਨ ਜਗੱਗੀ ਸੰਧੂ ਅਤੇ ਰਣਬੀਰ ਘੁੰਮਣ ਨੇ ਕੀਤੀ ਹੈ । ਇਸ ਗੀਤ ਨੂੰ ਸਰੋਤਿਆਂ ਦਾ ਵੀ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ ।
ਗੀਤ ‘ਚ ਇੱਕ ਕੁੜੀ ਅਤੇ ਮੁੰਡੇ ਦੀ ਮੁਹੱਬਤ ਨੂੰ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ । ਕੁੜੀ ਮੁੰਡੇ ਨੂੰ ਏਨਾਂ ਕੁ ਚਾਹੁੰਦੀ ਹੈ ਕਿ ਖੁਦ ਉਸ ਦੀਆਂ ਅਸਾਈਨਮੈਂਟਸ ਨੂੰ ਪੂਰਾ ਕਰਦੀ ਹੈ ਜਦੋਂਕਿ ਮੁੰਡਾ ਵਿਦੇਸ਼ ‘ਚ ਵਰਕ ਪਰਮਿਟ ‘ਤੇ ਹੋਣ ਕਾਰਨ ਆਪਣੇ ਕੰਮ ‘ਚ ਰੁੱਝਿਆ ਰਹਿੰਦਾ ਹੈ ।
ਹੋਰ ਪੜ੍ਹੋ : ਖੁੰਬਾਂ ਵਿੱਚ ਹੁੰਦੇ ਹਨ ਕਈ ਪੌਸ਼ਟਿਕ ਤੱਤ, ਰੋਜਾਨਾਂ ਖਾਣ ਨਾਲ ਕਈ ਬਿਮਾਰੀਆਂ ਹੁੰਦੀਆਂ ਹਨ ਦੂਰ
ਪਰ ਆਖਿਰਕਾਰ ਕੁੜੀ ਦੀ ਮਦਦ ਨਾਲ ਉਹ ਕੰਮ ਵੀ ਕਰਦਾ ਹੈ ਅਤੇ ਆਪਣੀ ਪੜ੍ਹਾਈ ਵੀ ਪੂਰਾ ਕਰਦਾ ਹੈ ।
ਇਸ ਗੀਤ ‘ਚ ਕੁੜੀ ਮੁੰਡੇ ਦੀ ਦੋਸਤੀ, ਪਿਆਰ ਅਤੇ ਉਸ ਦੇ ਇੱਕ ਦੂਜੇ ਦੇ ਦਿਲ ‘ਚ ਵਿਸ਼ਵਾਸ ਨੂੰ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ । ਗੀਤ ‘ਚ ਫੀਮੇਲ ਮਾਡਲ ਦੇ ਤੌਰ ‘ਤੇ ਯਾਸਮੀਨ ਸਿੱਧੂ ਨਜ਼ਰ ਆ ਰਹੇ ਹਨ ।