ਸ਼ਹਿਨਾਜ਼ ਗਿੱਲ ਨੇ ਆਪਣੇ ਗੀਤ ਦੇ ਨਾਲ ਕੀਤਾ ਸਭ ਨੂੰ ਭਾਵੁਕ, ਗਾਇਆ 'ਆਂਖੇ ਮੇਰੀ ਹਰ ਜਗਾ ਢੂੰਢੇ ਤੁਝੇ ਹਰ ਦਫਾ’
Shehnaaz Gill sings 'kaise hua': ਸ਼ਹਿਨਾਜ਼ ਗਿੱਲ 'ਬਿੱਗ ਬੌਸ 13' ਤੋਂ ਹਰ ਘਰ ਦਾ ਮਸ਼ਹੂਰ ਚਿਹਰਾ ਬਣ ਗਈ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਲਵ ਸਟੋਰੀ ਵੀ ਹਰ ਘਰ ਵਿੱਚ ਹਿੱਟ ਹੋ ਗਈ। ਸਿਧਾਰਥ ਲਈ ਉਸ ਦਾ ਪਿਆਰ ਕਿਸੇ ਤੋਂ ਲੁਕਿਆ ਨਹੀਂ ਹੈ।
ਭਾਵੇਂ ਸਿਧਾਰਥ ਇਸ ਦੁਨੀਆ 'ਚ ਨਹੀਂ ਹਨ ਪਰ ਅੱਜ ਵੀ ਸ਼ਹਿਨਾਜ਼ ਦਾ ਦਿਲ ਉਸ ਲਈ ਧੜਕਦਾ ਹੈ। ਸ਼ਾਇਦ ਇਹੀ ਕਾਰਨ ਹੈ ਕਿ ਜਦੋਂ ਵੀ ਫੈਨਜ਼ ਸ਼ਹਿਨਾਜ਼ ਨੂੰ ਦੇਖਦੇ ਨੇ ਤਾਂ ਉਨ੍ਹਾਂ ਨੂੰ ਵੀ ਸਿਧਾਰਥ ਬਹੁਤ ਯਾਦ ਆਉਂਦਾ ਹੈ। ਹਾਲ ਹੀ 'ਚ ਸ਼ਹਿਨਾਜ਼ ਨੇ ਆਪਣੀ ਆਵਾਜ਼ 'ਚ ਇੱਕ ਗੀਤ ਗਾਇਆ ਹੈ, ਜਿਸ ਨੂੰ ਸੁਣ ਕੇ ਪ੍ਰਸ਼ੰਸਕ ਕਾਫੀ ਭਾਵੁਕ ਹੋ ਗਏ ਸਨ।
image source instagram
ਸ਼ਹਿਨਾਜ਼ ਗਿੱਲ ਨੇ ਸੋਸ਼ਲ ਮੀਡੀਆ 'ਤੇ ਦੋ ਵੀਡੀਓਜ਼ ਅਪਲੋਡ ਕੀਤੀਆਂ ਹਨ, ਜਿਨ੍ਹਾਂ 'ਚ ਇਕ ਵੀਡੀਓ 'ਚ ਉਹ 'kaise hua' ਪੂਰੇ ਭਾਵ ਨਾਲ ਗਾ ਰਹੀ ਹੈ। ਕੈਪਸ਼ਨ 'ਚ ਉਨ੍ਹਾਂ ਨੇ ਅਸਲੀ ਗੀਤ ਦੇ ਗਾਇਕ ਵਿਸ਼ਾਲ ਮਿਸ਼ਰਾ ਦਾ ਵੀ ਧੰਨਵਾਦ ਕੀਤਾ ਹੈ। ਇਸ ਗੀਤ ਨੂੰ ਗਾਉਂਦੇ ਹੋਏ ਸ਼ਹਿਨਾਜ਼ ਯਾਦਾਂ ‘ਚ ਗੁਆਚੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਕਮੈਂਟਸ 'ਚ ਪ੍ਰਸ਼ੰਸਕ ਉਸ ਨੂੰ ਮਜ਼ਬੂਤ ਰਹਿਣ ਲਈ ਕਹਿਣ ਲੱਗੇ।
image source instagram
ਇਸ ਤੋਂ ਇਲਾਵਾ ਸ਼ਹਿਨਾਜ਼ ਨੇ ਇੱਕ ਹੋਰ ਵੀਡੀਓ ਅਪਲੋਡ ਕੀਤੀ ਹੈ ਜਿਸ ਵਿੱਚ ਉਹੀ ਗੀਤ ਬੈਕਗ੍ਰਾਉਂਡ ਵਿੱਚ ਚੱਲ ਰਿਹਾ ਹੈ। ਵੀਡੀਓ 'ਚ ਉਹ ਆਪਣੇ ਭਰਾ ਨਾਲ ਝਰਨੇ 'ਚ ਮਸਤੀ ਕਰਦੀ ਨਜ਼ਰ ਆ ਰਹੀ ਹੈ। ਉਹ ਕੁਦਰਤ ਦੇ ਵਿਚਕਾਰ ਨੱਚਦੀ ਅਤੇ ਛਾਲ ਮਾਰਦੀ ਬਹੁਤ ਖੁਸ਼ ਦਿਖਾਈ ਦਿੰਦੀ ਹੈ। ਵਗਦੀ ਹਵਾ ਨਾਲ ਉਸਦੇ ਵਾਲ ਉੱਡ ਰਹੇ ਹਨ। ਇਸ ਦੇ ਨਾਲ ਹੀ ਉਹ ਪਾਣੀ ਦੇ ਹੇਠਾਂ ਮਸਤੀ ਕਰਦੀ ਨਜ਼ਰ ਆ ਰਹੀ ਹੈ।
image source instagram
ਪਰ ਜਦੋਂ ਇਹ ਵੀਡੀਓ ਤੁਸੀਂ ਦੇਖੋਗੇ ਤਾਂ ਤੁਹਾਨੂੰ ਮਹਿਸੂਸ ਹੋਵੇਗਾ ਸ਼ਹਿਨਾਜ਼ ਕਿੰਨੇ ਦਿਲੋਂ ਸਿਧਾਰਥ ਨੂੰ ਯਾਦ ਕਰ ਰਹੀ ਹੈ, ਉਹ ਕੁਦਰਤ ਚ ਸਿਧਾਰਥ ਨੂੰ ਲੱਭਣ ਦੀ ਕੋਸ਼ਿਸ਼ ਕਰਦੀ ਹੋਈ ਨਜ਼ਰ ਆ ਰਹੀ ਹੈ। ਕੈਪਸ਼ਨ 'ਚ ਸ਼ਹਿਨਾਜ਼ ਨੇ ਲਿਖਿਆ ਕਿ 'ਕੁਦਰਤ ਨੂੰ ਨੇੜਿਓਂ ਦੇਖੋ, ਤੁਹਾਨੂੰ ਜ਼ਿੰਦਗੀ ਦੀ ਸਮਝ ਆ ਜਾਵੇਗੀ।' ਇਸ ਪੋਸਟ ਉੱਤੇ ਛੇ ਲੱਖ ਤੋਂ ਵੱਧ ਲਾਈਕਸ ਤੇ ਕਮੈਂਟ ਆ ਚੁੱਕੇ ਹਨ।
View this post on Instagram