ਬੁਰਜ਼ ਖਲੀਫਾ ਕੋਲ ਮਸਤੀ ਕਰ ਰਹੀ ਰਾਖੀ ਸਾਵੰਤ ਨੂੰ BF ਆਦਿਲ ਨੇ ਦਿੱਤਾ ਅਜਿਹਾ ਤੋਹਫਾ, ਦੇਖ ਕੇ ਰਾਖੀ ਦੀ ਨਿਕਲੀ ਚੀਕ
Rakhi Sawant Got Expensive Necklace From Boyfriend Adil : ਕੰਟ੍ਰੋਵਰਸੀ ਕੁਈਨ ਰਾਖੀ ਸਾਵੰਤ ਇਨ੍ਹੀਂ ਦਿਨੀਂ ਬਿਜ਼ਨੈੱਸਮੈਨ ਆਦਿਲ ਦੁਰਾਨੀ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਛਾਈ ਹੋਈ ਹੈ। ਰਾਖੀ ਅਤੇ ਆਦਿਲ ਦੇ ਇੱਕ ਤੋਂ ਵੱਧ ਇੱਕ ਫਨੀ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਰੋਜ਼ਾਨਾ ਸਾਹਮਣੇ ਆਉਂਦੇ ਰਹਿੰਦੇ ਹਨ, ਜੋ ਕਾਫੀ ਵਾਇਰਲ ਹੋ ਜਾਂਦੇ ਹਨ। ਇਸ ਦੇ ਨਾਲ ਹੀ ਰਾਖੀ ਅਤੇ ਆਦਿਲ ਦੀ ਜੋੜੀ ਨੂੰ ਵੀ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਹੁਣ ਇੱਕ ਵਾਰ ਫਿਰ ਰਾਖੀ ਅਤੇ ਆਦਿਲ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਇਆ ਹੈ ਜੋ ਬਹੁਤ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਹੋਰ ਪੜ੍ਹੋ :‘ਛੋਟੀ ਸਰਦਾਰਨੀ’ ਫੇਮ ਮਾਨਸੀ ਸ਼ਰਮਾ ਨੇ ਕਰਵਾਇਆ ਹੇਅਰ ਟਰਾਂਸਪਲਾਂਟ, ਦਰਸ਼ਕਾਂ ਦੇ ਨਾਲ ਸਾਂਝਾ ਕੀਤਾ ਆਪਣਾ ਅਨੁਭਵ
ਹਾਲ ਹੀ 'ਚ ਆਦਿਲ ਅਤੇ ਰਾਖੀ ਦੁਬਈ 'ਚ ਸੈਰ ਕਰਨ ਗਏ ਸਨ। ਇੱਥੋਂ ਦੋਵਾਂ ਦਾ ਇਹ ਵੀਡੀਓ ਸਾਹਮਣੇ ਆਇਆ ਹੈ। ਦਰਅਸਲ ਰਾਖੀ ਨੂੰ ਦੁਬਈ ਲੈ ਕੇ ਆਦਿਲ ਨੇ ਰਾਖੀ ਨੂੰ ਬਹੁਤ ਹੀ ਕੀਮਤੀ ਤੋਹਫਾ ਦਿੱਤਾ ਹੈ। ਆਦਿਲ ਨੇ ਦੁਬਈ ਵਿੱਚ ਆਪਣੀ ਪ੍ਰੇਮਿਕਾ ਰਾਖੀ ਨੂੰ ਇੱਕ ਬਹੁਤ ਮਹਿੰਗਾ ਹਾਰ ਗਿਫਟ ਕੀਤਾ ਹੈ। ਇਸ ਦਾ ਵੀਡੀਓ ਇੰਟਰਨੈੱਟ 'ਤੇ ਖੂਬ ਵਾਇਰਲ ਹੋ ਰਿਹਾ ਹੈ ਅਤੇ ਨਾਲ ਹੀ ਰਾਖੀ ਦਾ ਰਿਐਕਸ਼ਨ ਵੀ ਪ੍ਰਸ਼ੰਸਕਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ। ਇਸ ਵੀਡੀਓ ਨੂੰ ਨਾਮੀ ਫੋਟੋਗ੍ਰਾਫ ਵਿਰੈਲ ਭਿਯਾਨੀ ਨੇ ਆਪਣੇ ਇੰਸਟਾਗ੍ਰਾਮ ਪੇਜ਼ ਉੱਤੇ ਵੀ ਸਾਂਝਾ ਕੀਤਾ ਹੈ।
ਇਸ ਵੀਡੀਓ 'ਚ ਰਾਖੀ ਸਾਵੰਤ ਦੁਬਈ 'ਚ ਬੁਰਜ ਖਲੀਫਾ ਦੇ ਹੇਠਾਂ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਡਾਂਸ ਦੌਰਾਨ ਆਦਿਲ ਆਉਂਦਾ ਹੈ, ਰਾਖੀ ਆਦਿਲ ਨੂੰ ਬੁਰਜ ਖਲੀਫਾ ਲੈ ਕੇ ਦੇਣ ਦੀ ਗੱਲ ਕਰਦੀ ਹੈ। ਹਾਲਾਂਕਿ, ਆਦਿਲ ਪਹਿਲਾਂ ਹੀ ਉਸਦੇ ਲਈ ਇੱਕ ਪਿਆਰਾ ਜਿਹਾ ਤੋਹਫਾ ਲੈ ਕੇ ਉੱਥੇ ਖੜ੍ਹਾ ਹੁੰਦਾ ਹੈ। ਜਦੋਂ ਆਦਿਲ ਨੇ ਡੱਬਾ ਖੋਲ੍ਹਿਆ ਤਾਂ ਉਸ 'ਚ ਇੱਕ ਹੀਰਿਆਂ ਦਾ ਹਾਰ ਸੀ ਜਿਸ ‘ਚ ਇੱਕ ਵੱਡਾ ਹੀਰੇ ਜੜਿਆ ਹੋਇਆ ਹੈ। ਜਿਸ ਨੂੰ ਦੇਖ ਕੇ ਰਾਖੀ ਵੀ ਹੈਰਾਨ ਰਹਿ ਜਾਂਦੀ ਹੈ। ਫਿਰ ਆਦਿਲ ਉਸ ਦਾ ਹਾਰ ਪਹਿਨਦਾ ਹੈ। ਰਾਖੀ ਨੂੰ ਆਪਣਾ ਇਹ ਤੋਹਫਾ ਬਹੁਤ ਪਸੰਦ ਹੈ।
ਇਸ ਦੌਰਾਨ ਰਾਖੀ ਸਾਵੰਤ ਚਮਕਦਾਰ ਰੰਗ ਦੀ ਡਰੈੱਸ 'ਚ ਕਾਫੀ ਖੂਬਸੂਰਤ ਲੱਗ ਰਹੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਦਾ ਲਵ ਆਦਿਲ ਲਾਲ ਸੂਟ-ਪੈਂਟ 'ਚ ਨਜ਼ਰ ਆ ਰਿਹਾ ਹੈ। ਰਾਖੀ ਨੂੰ ਇੰਨਾ ਖੂਬਸੂਰਤ ਤੋਹਫਾ ਦੇਣ ਲਈ ਜਿੱਥੇ ਕਈ ਪ੍ਰਸ਼ੰਸਕ ਆਦਿਲ 'ਤੇ ਪਿਆਰ ਦੀ ਵਰਖਾ ਕਰ ਰਹੇ ਹਨ, ਉਥੇ ਹੀ ਅਦਾਕਾਰਾ ਇਸ ਲਈ ਟ੍ਰੋਲ ਵੀ ਹੋ ਰਹੀ ਹੈ। ਇੱਕ ਯੂਜ਼ਰ ਨੇ ਕਿਹਾ, "ਦੋਵੇਂ ਇੱਕ ਦੂਜੇ ਨੂੰ ਲੁੱਟ ਰਹੇ ਹਨ। ਇੱਕ ਹੋਰ ਨੇ ਟਿੱਪਣੀ ਵਿੱਚ ਲਿਖਿਆ, "ਉਹ ਲੜਕੇ ਨੂੰ ਲੁੱਟ ਰਹੀ ਹੈ।" ਦੱਸ ਦਈਏ ਰਾਖੀ ਸਾਵੰਤ ਹਮੇਸ਼ਾ ਹੀ ਆਪਣੀ ਵੀਡੀਓਜ਼ ਨੂੰ ਲੈ ਕੇ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ।
View this post on Instagram