ਯੋਗਰਾਜ ਸਿੰਘ ਤੇ ਰੌਸ਼ਨ ਪ੍ਰਿੰਸ ਲੋੜਵੰਦਾਂ ਦੀ ਮਦਦ ਕਰਨ ਪੁੱਜੇ ਅਨਮੋਲ ਕਵਾਤਰਾ ਦੀ ਐਨਜੀਓ ਏਕ ਜ਼ਰੀਆ
Yograj Singh and Roshan Prince helps needy people: ਪੰਜਾਬੀ ਫਿਲਮ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਯੋਗਰਾਜ ਸਿੰਘ ਤੇ ਰੌਸ਼ਨ ਪ੍ਰਿੰਸ ਜਲਦ ਹੀ ਆਪਣੀ ਨਵੀਂ ਫਿਲਮ 'ਬੂ ਮੈਂ ਡਰਗੀ' ਰਾਹੀਂ ਦਰਸ਼ਕਾਂ ਦੇ ਰੁਬਰੂ ਹੋਣ ਜਾ ਰਹੇ ਹਨ। ਹਾਲ ਹੀ ਵਿੱਚ ਇਹ ਦੋਵੇਂ ਮਸ਼ਹੂਰ ਅਦਾਕਾਰ ਆਪਣੀ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਲੋੜਵੰਦ ਲੋਕਾਂ ਦੀ ਮਦਦ ਕਰਨ ਲਈ ਅਨਮੋਲ ਕਵਾਤਰਾ (Anmol Kawatra) ਦੀ ਐਨਜੀਓ ਏਕ ਜ਼ਰੀਆ ਪੁੱਜੇ।
View this post on Instagram
ਲੋੜਵੰਦ ਲੋਕਾਂ ਦੀ ਮਦਦ ਕਰਨ ਪੁੱਜੇ ਯੋਗਰਾਜ ਸਿੰਘ ਤੇ ਰੌਸ਼ਨ ਪ੍ਰਿੰਸ
ਯੋਗਰਾਜ ਸਿੰਘ (Yograj Singh) ਅਤੇ ਰੌਸ਼ਨ ਪ੍ਰਿੰਸ (Roshan Prince) ਨੇ ਉਨ੍ਹਾਂ ਦੀ ਫਿਲਮ 'ਬੂ ਮੈਂ ਡਰਗੀ' ਦੀ ਸਟਾਰਕਾਸਟ ਨਾਲ ਮਿਲ ਕੇ ਖਾਸ ਪਹਿਲ ਕੀਤੀ। ਇਸ ਫਿਲਮ ਦੀ ਸਟਾਰ ਕਾਸਟ ਏਕ ਜ਼ਰੀਆ ਐਨਜੀਓ (Ek Zaria) ਪਹੁੰਚੀ, ਜਿਥੇ ਉਨ੍ਹਾਂ ਨੇ ਜ਼ਰੂਰਤਮੰਦ ਲੋਕਾਂ ਦੀ ਸੇਵਾ ਕੀਤੀ।
ਇਸ ਦੌਰਾਨ ਦੋਹਾਂ ਅਦਾਕਾਰਾਂ ਅਤੇ ਉਨ੍ਹਾਂ ਦੀ ਟੀਮ ਨੇ ਨਾ ਸਿਰਫ ਪੈਸਿਆਂ ਨਾਲ ਮਰੀਜਾਂ ਦੀ ਸੇਵਾ ਕੀਤੀ, ਸਗੋਂ ਉਨ੍ਹਾਂ ਨਾਲ ਕਾਫੀ ਸਮਾਂ ਵੀ ਬਿਤਾਇਆ। ਇਸ ਤਰ੍ਹਾਂ ਦੀ ਸੇਵਾ ਨਾਲ, ਉਹ ਸਮਾਜ ਵਿੱਚ ਆਪਣੀ ਜ਼ਿੰਮੇਵਾਰੀ ਨਿਭਾਉਂਦੇ ਹੋਏ ਨਜ਼ਰ ਆਏ। ਇਸ ਮੌਕੇ ਟੀਮ ਨੇ ਅਨਮੋਲ ਕਵਾਤਰਾ ਤੇ ਸਮਾਜ ਸੇਵਾ ਵਿੱਚ ਜੁੱਟੇ ਉਨ੍ਹਾਂ ਦੇ ਟੀਮ ਮੈਂਬਰਸ ਨਾਲ ਵੀ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਮਨੋਰੰਜਨ ਉਦਯੋਗ ਦੇ ਲੋਕ ਵੀ ਸਮਾਂ ਸਮਾਜ ਸੇਵਾ ਵਿੱਚ ਆਪਣਾ ਯੋਗਦਾਨ ਪਾ ਸਕਦੇ ਹਨ ਤੇ ਲੋੜਵੰਦ ਲੋਕਾਂ ਦੀ ਮਦਦ ਕਰ ਸਕਦੇ ਹਨ।
ਇਸ ਦੌਰਾਨ ਪੰਜਾਬ ਦੇ ਦਿੱਗਜ਼ ਅਦਾਕਾਰ ਯੋਗਰਾਜ ਸਿੰਘ ਮਰੀਜ਼ਾਂ ਨੂੰ ਚੰਗੀ ਜ਼ਿੰਦਗੀ ਜਿਉਣ ਤੇ ਜਲਦ ਹੀ ਸਿਹਤਯਾਬ ਹੋਣ ਲਈ ਹੌਂਸਲਾ ਦਿੰਦੇ ਹੋਏ ਨਜ਼ਰ ਆਏ। ਉਨ੍ਹਾਂ ਕਿਹਾ ਕਿ ਪਰਮਾਤਮਾ ਜਲਦ ਉਨ੍ਹਾਂ ਨੂੰ ਠੀਕ ਕਰੇਗਾ ਉਹ ਫਿਕਰ ਨਾਂ ਕਰਨ ਬੱਸ ਆਪਣੇ ਗੁਰੂ ਉੱਤੇ ਵਿਸ਼ਵਾਸ ਰੱਖਣ ਔਖਾ ਸਮਾਂ ਜਲਦ ਹੀ ਲੰਘ ਜਾਵੇਗਾ।
ਹੋਰ ਪੜ੍ਹੋ: ਸੁਹਾਨੀ ਭਟਨਾਗਰ ਦੇ ਮਾਤਾ-ਪਿਤਾ ਨੂੰ ਮਿਲਣ ਪਹੁੰਚੇ ਆਮਿਰ ਖਾਨ, ਪਰਿਵਾਰ ਨਾਲ ਦੁਖ ਕੀਤਾ ਸਾਂਝਾ
ਇਸ ਐਨਜੀਓ ਦੌਰੇ ਨਾਲ, ਰੌਸ਼ਨ ਪ੍ਰਿੰਸ ਅਤੇ ਉਨ੍ਹਾਂ ਦੀ ਫਿਲਮ ਦੀ ਟੀਮ ਨੇ ਸਮਾਜ ਦੇ ਉਹ ਪੱਖ ਨੂੰ ਵੀ ਉਜਾਗਰ ਕੀਤਾ ਹੈ ਜੋ ਅਕਸਰ ਅਣਦੇਖਾ ਰਹਿ ਜਾਂਦਾ ਹੈ। ਉਨ੍ਹਾਂ ਦਾ ਇਹ ਕਦਮ ਨਾ ਸਿਰਫ ਲੋਕਾਂ ਲਈ ਮਦਦ ਦਾ ਜਰੀਆ ਹੈ, ਬਲਕਿ ਇਸ ਨਾਲ ਉਹ ਹੋਰਨਾਂ ਨੂੰ ਵੀ ਪ੍ਰੇਰਿਤ ਕਰਦੇ ਹਨ ਕਿ ਸਮਾਜ ਸੇਵਾ ਵਿੱਚ ਆਪਣਾ ਹਿੱਸਾ ਪਾਉਣ ਦੀ ਲੋੜ ਹੈ। ਉਨ੍ਹਾਂ ਦੀ ਇਸ ਸਕਾਰਾਤਮਕ ਪਹਿਲ ਨਾਲ, ਉਹ ਇੱਕ ਉਦਾਹਰਣ ਪੇਸ਼ ਕਰ ਰਹੇ ਹਨ ਕਿ ਕਿਵੇਂ ਸੈਲੀਬ੍ਰਿਟੀਜ਼ ਆਪਣੇ ਪ੍ਰਭਾਵ ਨੂੰ ਸਮਾਜਿਕ ਭਲਾਈ ਲਈ ਵਰਤ ਸਕਦੇ ਹਨ। ਇਹ ਨਾ ਸਿਰਫ ਉਨ੍ਹਾਂ ਦੇ ਫੈਨਜ਼ ਲਈ, ਬਲਕਿ ਸਮਾਜ ਦੇ ਹਰ ਵਰਗ ਲਈ ਇੱਕ ਪ੍ਰੇਰਣਾ ਦਾ ਸਰੋਤ ਹੈ।