ਗੁਰਲੇਜ ਅਖਤਰ ਨੂੰ ਮਿਲਿਆ 'ਗੁਰਮੀਤ ਬਾਵਾ ਅਵਾਰਡ', ਕਿਹਾ ‘ਕੁਲਵਿੰਦਰ ਕੈਲੀ ਤੋਂ ਬਿਨ੍ਹਾਂ ਸੰਭਵ ਨਹੀਂ ਸੀ ਇਹ ਮੁਕਾਮ ਮਿਲਣਾ’
ਗਾਇਕਾ ਗੁਰਲੇਜ ਅਖਤਰ (Gurlej Akhtar) ਨੂੰ ਗੁਰਮੀਤ ਬਾਵਾ ਅਵਾਰਡ ਦੇ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਪੀਈਐੱਫਏ ਦੇ ਵੱਲੋਂ ਪੰਜਾਬੀ ਐਂਟਰਟੇਨਮੈਂਟ ਫੈਸਟੀਵਲ ਐਂਡ ਅਵਾਰਡਸ ਦੇ ਵੱਲੋਂ ਸਨਮਾਨਿਤ ਕੀਤਾ ਗਿਆ ਹੈ। ਜਿਸ ਦਾ ਇੱਕ ਵੀਡੀਓ ਗਾਇਕਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ। ਇਸ ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਅਮਰ ਨੂਰੀ ਦੇ ਵੱਲੋਂ ਗੁਰਲੇਜ ਅਖਤਰ ਨੂੰ ਗੁਰਮੀਤ ਬਾਵਾ ਪੁਰਸਕਾਰ ਦੇ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਗਾਇਕਾ ਨੇ ਸਭ ਦਾ ਸ਼ੁਕਰੀਆ ਅਦਾ ਕੀਤਾ ਹੈ।
ਹੋਰ ਪੜ੍ਹੋ : ਸ਼ਹਿਨਾਜ਼ ਗਿੱਲ ਅਤੇ ਉਸ ਦੇ ਪਿਤਾ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ
ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਗਾਇਕਾ ਨੇ ਲਿਖਿਆ ‘ਕੱਲ੍ਹ ਰਾਤ ਮੈਨੂੰ ਗੁਰਮੀਤ ਬਾਵਾ ਪੁਰਸਕਾਰ ਮਿਲਿਆ । ਮੈਂ ਬਹੁਤ ਖੁਸ਼ ਹਾਂ ।ਪਰਿਵਾਰ ਦੇ ਸਹਿਯੋਗ ਅਤੇ ਫੈਨਸ ਦੇ ਅਸ਼ੀਰਵਾਦ ਅਤੇ ਢੇਰ ਸਾਰੇ ਪਿਆਰ ਨੇ ਮੈਨੂੰ ਇਹ ਪੁਰਸਕਾਰ ਦਿਵਾਇਆ।ਮੈਂ ਪ੍ਰਮਾਤਮਾ ਦੀ ਸ਼ੁਕਰਗੁਜ਼ਾਰ ਹਾਂ ਕਿ ਉਨ੍ਹਾਂ ਨੇ ਮੇਰਾ ਸਪੋਟ ਕੀਤਾ। ਮੇਰੇ ਪਤੀ ਕੁਲਵਿੰਦਰ ਕੈਲੀ, ਮੇਰੀ ਮਾਂ ਜਿਨ੍ਹਾਂ ਦੇ ਬਿਨ੍ਹਾਂ ਇਹ ਸੰਭਵ ਨਹੀਂ ਸੀ’।
ਕੁਲਵਿੰਦਰ ਕੈਲੀ ਤੇ ਗੁਰਲੇਜ ਹਿੱਟ ਜੋੜੀ
ਕੁਲਵਿੰਦਰ ਕੈਲੀ ਅਤੇ ਗੁਰਲੇਜ ਅਖਤਰ ਪੰਜਾਬ ਦੀਆਂ ਹਿੱਟ ਜੋੜੀਆਂ ਚੋਂ ਇੱਕ ਹੈ। ਦੋਵਾਂ ਨੇ ਇੱਕਠਿਆਂ ਕਈ ਹਿੱਟ ਗੀਤ ਗਾਏ ਹਨ । ਜਿਸ ‘ਚ ਠੁੱਕਬਾਜ਼, ਹੀਰੀਏ,ਸਾਥ, ਸਰੀ ਟੂ ਬਠਿੰਡਾ, ਐਟੀਟਿਊਡ, ਡਿਗਰੀ ਸਣੇ ਕਈ ਹਿੱਟ ਗੀਤ ਗਾਏ ਹਨ ।
View this post on Instagram
ਗੁਰਲੇਜ ਅਖਤਰ ਦੀ ਨਿੱਜੀ ਜ਼ਿੰਦਗੀ
ਗੁਰਲੇਜ ਅਖਤਰ ਅਤੇ ਕੁਲਵਿੰਦਰ ਕੈਲੀ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਦੋਵਾਂ ਦੇ ਘਰ ਦੋ ਬੱਚੇ ਹਨ । ਇੱਕ ਸਾਲ ਪਹਿਲਾਂ ਹੀ ਗੁਰਲੇਜ ਅਖਤਰ ਦੇ ਘਰ ਧੀ ਦਾ ਜਨਮ ਹੋਇਆ ਸੀ । ਜਿਸ ਦਾ ਹਾਲ ਹੀ ‘ਚ ਉਨ੍ਹਾਂ ਨੇ ਜਨਮ ਦਿਨ ਮਨਾਇਆ ਸੀ । ਧੀ ਹਰਗੁਨਵੀਰ ਕੌਰ ਦੇ ਜਨਮ ਦਿਨ ‘ਤੇ ਪਰਿਵਾਰ ਦੇ ਵੱਲੋਂ ਇੱਕ ਪਾਰਟੀ ਵੀ ਰੱਖੀ ਗਈ ਸੀ ।ਜਿਸ ‘ਚ ਪੰਜਾਬੀ ਇੰਡਸਟਰੀ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ ਸੀ । ਇਸ ਤੋਂ ਇਲਾਵਾ ਸੁਰਜੀਤ ਭੁੱਲਰ, ਸੁਦੇਸ਼ ਕੁਮਾਰੀ ਸਣੇ ਕਈ ਗਾਇਕਾਂ ਨੇ ਆਪਣੇ ਗੀਤਾਂ ਦੇ ਨਾਲ ਸਮਾਂ ਬੰਨਿਆ ਸੀ ।