Diljit Dosanjh: ਦਿਲਜੀਤ ਦੁਸਾਂਝ ਤੇ ਆਸਟ੍ਰੇਲੀਆਈ ਗਾਇਕਾ SIA ਦਾ ਨਵਾਂ ਗੀਤ 'Hass Hass' ਹੋਇਆ ਰਿਲੀਜ਼, ਦਰਸ਼ਕਾਂ ਨੂੰ ਆ ਰਿਹਾ ਪਸੰਦ

Diljit Dosanjh song 'Hass Hass' : ਦਿਲਜੀਤ ਦੁਸਾਂਝ ਅਜਿਹੇ ਪੰਜਾਬੀ ਗਾਇਕ ਨੇ ਜਿਨ੍ਹਾਂ ਨੇ ਦੇਸ਼ 'ਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਟਚ ਵੀ ਆਪਣੀ ਧਾਂਕ ਜਮਾਈ ਹੋਈ ਹੈ। ਉਨ੍ਹਾਂ ਦੇ ਗੀਤਾਂ ਦੇ ਫੈਨਸ ਦੀਵਾਨੇ ਹਨ। ਹਾਲ ਹੀ 'ਚ ਦਿਲਜੀਤ ਦੋਸਾਂਝ (Diljit Dosanjh) ਨੇ ਆਸਟ੍ਰੇਲੀਆਈ ਗਾਇਕਾ SIA ਦੇ ਨਾਲ ਆਪਣਾ ਨਵਾਂ ਗੀਤ 'Hass Hass' ਐਲਾਨ ਕੀਤਾ ਸੀ ਜੋ ਕਿ ਹੁਣ ਰਿਲੀਜ਼ ਹੋ ਗਿਆ ਹੈ, ਫੈਨਜ਼ ਇਸ ਗੀਤ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। 

ਦਿਲਜੀਤ ਦੋਸਾਂਝ ਨੇ ਆਸਟ੍ਰੇਲੀਆਈ ਗਾਇਕਾ SIA ਨਾਲ ਮਿਲ ਗੀਤ 'Hass Hass' ਦਾ ਪੋਸਟਰ ਰਿਲੀਜ਼ ਕੀਤਾ ਸੀ। ਗੀਤ ਦਾ ਪੋਸਟਰ ਸ਼ੇਅਰ ਕਰਦਿਆਂ ਦਿਲਜੀਤ ਦੁਸਾਂਝ ਨੇ ਇਹ ਜਾਣਕਾਰੀ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ। ਦੂਜੇ ਪਾਸੇ ਆਸਟ੍ਰੇਲੀਆਈ ਗਾਇਕਾ ਸੀਆ ਨੇ ਵੀ ਦਿਲਜੀਤ ਨਾਲ ਆਪਣੇ ਗੀਤ ਨੂੰ ਇੰਸਟਾਗ੍ਰਾਮ 'ਤੇ ਸਟੋਰੀ ਪੋਸਟ ਕੀਤੀ ਹੈ। 

ਦੱਸ ਦੇਈਏ ਕਿ ਦਿਲਜੀਤ ਦਾ ਇਹ ਗੀਤ ਹੁਣ ਰਿਲੀਜ਼ ਹੋ ਚੁੱਕਾ ਹੈ। ਇਸ ਗੀਤ ਬਾਰੇ ਗੱਲ ਕਰੀਏ ਤਾਂ ਗੀਤ ਨੂੰ  ਦਿਲਜੀਤ ਦੋਸਾਂਝ, ਸੀਆ, Greg Kurstin ਨੇ ਆਪਣੀ ਆਵਾਜ਼ ਦਿੱਤੀ ਹੈ। ਇਸ ਗੀਤ ਦਾ ਸੰਗੀਤ ਵੀ ਦਿਲਜੀਤ ਦੋਸਾਂਝ, Greg Kurstin ਤੇ ਇੰਦਰ ਬਾਜਵਾ ਨੇ ਦਿੱਤਾ ਹੈ। ਇਸ ਗੀਤ ਦੇ ਬੋਲ ਵੀ ਦਿਲਜੀਤ, ਇੰਦਰ ਬਾਜਵਾ ਤੇ Sia ਨੇ ਲਿਖੇ ਹਨ। ਇਹ ਗੀਤ ਦਰਸ਼ਕਾਂ ਨੂੰ ਕਾਫੀ ਪਸੰਦ ਆ ਰਿਹਾ ਹੈ। 

ਹੋਰ ਪੜ੍ਹੋ: ਐਮੀ ਵਿਰਕ ਦਾ ਨਵਾਂ ਗੀਤ 'Sardaar Munde' ਹੋਇਆ ਰਿਲੀਜ਼, ਫੈਨਜ਼ ਨੂੰ ਪਸੰਦ ਆ ਰਿਹਾ ਗੀਤ

ਦੱਸਣਯੋਗ ਹੈ ਕਿ ਗਾਇਕ ਇਨ੍ਹੀਂ ਦਿਨੀਂ ਆਪਣੇ ਮਿਊਜ਼ਿਕਲ ਵਰਲਡ ਟੂਰ 'Born To Shine 2' ਕਰ ਰਹੇ ਹਨ। ਵੱਡੀ ਗਿਣਤੀ 'ਚ ਦਿਲਜੀਤ ਦੇ ਫੈਨਜ਼ ਉਨ੍ਹਾਂ ਦੇ ਇਸ ਮਿਊਜ਼ਿਕਲ ਸ਼ੋਅ ਦਾ ਆਨੰਦ ਮਾਨਣ ਲਈ ਪੁੱਜ ਰਹੇ ਹਨ।