AP Dhillon,Banita Sandhu: ਬਨੀਤਾ ਸੰਧੂ ਨੇ ਏਪੀ ਢਿੱਲੋਂ ਨਾਲ ਰੋਮਾਂਟਿਕ ਤਸਵੀਰਾਂ ਕੀਤੀਆਂ ਸਾਂਝੀਆਂ, ਫੈਨਜ਼ ਨੇ ਇੰਝ ਦਿੱਤਾ ਰਿਐਕਸ਼ਨ

AP Dhillon and Banita Sandhu: ਪੰਜਾਬੀ ਗਾਇਕ ਏਪੀ ਢਿੱਲੋਂ ਇਨ੍ਹੀਂ ਦਿਨੀਂ ਆਪਣੀ ਡਾਕੂਮੈਂਟਰੀ ਫ਼ਿਲਮ First You Kind ਨੂੰ ਲੈ ਕੇ ਸੁਰਖੀਆਂ 'ਚ ਹਨ, ਇਸੇ ਵਿਚਾਲੇ ਸੋਸ਼ਲ ਮੀਡੀਆ 'ਤੇ ਪੰਜਾਬੀ ਗਾਇਕ ਏਪੀ ਢਿੱਲੋਂ ਅਦਾਕਾਰਾ ਬਨੀਤਾ ਸੰਧੂ ਨੂੰ ਡੇਟ ਕਰਨ ਦੀਆਂ ਕਈ ਅਫਵਾਹਾਂ ਸਾਹਮਣੇ ਆਈਆਂ ਹਨ। ਕੀ ਇਹ ਸੱਚ ਹੈ ਇਸ ਬਾਰੇ ਬਨੀਤਾ ਸੰਧੂ ਨੇ ਪੋਸਟ ਕਰ ਵੱਡਾ ਖੁਲਾਸਾ ਕੀਤਾ ਹੈ।

 ਡੇਟਿੰਗ ਦੀਆਂ ਅਫਵਾਹਾਂ ਦੇ ਵਿਚਕਾਰ, ਬਨਿਤਾ ਨੇ ਸ਼ਨੀਵਾਰ ਨੂੰ ਏਪੀ ਨਾਲ ਰੋਮਾਂਟਿਕ ਤਸਵੀਰਾਂ ਸਾਂਝੀਆਂ ਕੀਤੀ। ਜਿਸ ਤੋਂ ਅੰਦਾਜਾ ਲਗਾਇਆਜਾ ਰਿਹਾ ਹੈ ਕਿ ਦੋਹਾਂ ਨੇ ਆਪਣੇ ਰਿਸ਼ਤੇ ਦੀ ਪੁਸ਼ਟੀ ਕਰ ਦਿੱਤੀ ਹੈ। 

ਇੰਸਟਾਗ੍ਰਾਮ ’ਤੇ ਸਾਂਝੀਆਂ ਕੀਤੀਆਂ ਤਸਵੀਰਾਂ ’ਚ ਦੋਵੇਂ ਹੀ ਬੇਹੱਦ ਖੂਬਸੂਰਤ ਲੱਗ ਰਹੇ ਹਨ। ਤਸਵੀਰਾਂ ਸਾਂਝੀ ਕਰ ਬਨੀਤਾ ਸੰਧੂ ਨੇ ਕੈਪਸ਼ਨ ’ਚ ਲਿਖਿਆ ਕਿ ਵਿਦ ਮੀ। ਇਸ ਨਾਲ ਇੱਕ ਦਿਲ ਦਾ ਇਮੋਜੀ ਵੀ ਲਾਇਆ ਹੋਇਆ ਹੈ। ਤਸਵੀਰਾਂ 'ਚ ਬਨਿਤਾ ਨੂੰ ਲਾਲ ਬਾਡੀ-ਕੋਨ ਡਰੈੱਸ ਪਹਿਨੀ ਦੇਖਿਆ ਜਾ ਸਕਦਾ ਹੈ ਜਦਕਿ ਏਪੀ ਪ੍ਰਿੰਟਿਡ ਕੋਟ ਪੈਂਟ 'ਚ ਖੂਬਸੂਰਤ ਲੱਗ ਰਹੀ ਸੀ।

ਆਖਿਰ ਕੌਣ ਹੈ ਬਨੀਤਾ ਸੰਧੂ

ਹੁਣ ਤੁਹਾਨੂੰ ਦੱਸਦੇ ਹਾਂ ਕਿ ਆਖਿਰ ਕੌਣ ਹੈ ਬਨੀਤਾ ਸੰਧੂ ਜਿਸ ’ਤੇ ਗਾਇਕ ਆਪਣਾ ਦਿਲ ਹਾਰ ਚੁੱਕੇ ਹਨ। ਬਨੀਤਾ ਸੰਧੂ ਜਿਸ ਦੀ ਅਸਲ ਜ਼ਿੰਦਗੀ 'ਚ ਏ.ਪੀ. ਢਿੱਲੋਂ ਨਾਲ ਜੋੜੀ ਬਣੀ ਹੈ। ਦੋਵੇਂ ਇਕੱਠੇ ਕਾਫੀ ਕਿਊਟ ਲੱਗ ਰਹੇ ਹਨ। ਬਨਿਤਾ ਵੀ ਅਕਤੂਬਰ ਵਿਚ ਖਿੜਨ ਵਾਲੇ ਸ਼ਿਉਲੀ ਦੇ ਫੁੱਲ ਵਰਗੀ ਹੈ, ਜਿਸ ਦੀ ਸੁੰਦਰਤਾ 'ਤੇ ਗਾਇਕ ਨੂੰ ਪਿਆਰ ਹੋ ਗਿਆ ਹੈ।

ਇਸ ਫਿਲਮ ਨਾਲ ਕੀਤਾ ਸੀ ਬਾਲੀਵੁੱਡ ’ਚ ਡੈਬਿਊ

ਸਾਲ 2018 ਵਿੱਚ, ਬਨੀਤਾ ਸੰਧੂ ਨੇ ਸ਼ੂਜੀਤ ਸਰਕਾਰ ਦੀ ਫਿਲਮ 'ਅਕਤੂਬਰ' ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਇਸ ਫਿਲਮ 'ਚ ਉਹ ਵਰੁਣ ਧਵਨ ਦੇ ਨਾਲ ਨਜ਼ਰ ਆਈ ਸੀ। ਕਹਾਣੀ ਮੁਤਾਬਕ ਫਿਲਮ ਅਕਤੂਬਰ ਨੂੰ ਕਾਫੀ ਪਿਆਰ ਮਿਲਿਆ, ਇਸ ਲਈ ਕੁਲੈਕਸ਼ਨ ਵੀ ਔਸਤ ਸੀ, ਜਿਸ ਨੇ ਦੁਨੀਆ ਭਰ 'ਚ 67.50 ਕਰੋੜ ਰੁਪਏ ਕਮਾਏ।

View this post on Instagram

A post shared by Banita Sandhu (@banitasandhu)

ਹੋਰ ਪੜ੍ਹੋ: Alia Bhatt : ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਵੀ ਹੈ ਦਿਲਜੀਤ ਦੋਸਾਂਝ ਦੀ ਫੈਨ , ਅਦਾਕਾਰਾ ਨੇ ਦੱਸਿਆ ਉਸ ਦਾ ਪਸੰਦੀਦਾ ਗੀਤ

ਯੂ.ਕੇ. ਵਿੱਚ ਹੋਇਆ ਸੀ ਬਨੀਤਾ ਦਾ ਜਨਮ 

ਬਨੀਤਾ ਸੰਧੂ ਦਾ ਜਨਮ ਭਾਰਤ ਵਿੱਚ ਨਹੀਂ ਸਗੋਂ ਯੂ.ਕੇ. ਵਿੱਚ ਹੋਇਆ ਸੀ। ਉੱਥੇ ਹੀ ਉਹ ਵੱਡੀ ਹੋਈ। ਫਿਰ ਉਹ 18 ਸਾਲ ਦੀ ਉਮਰ ਵਿੱਚ ਲੰਡਨ ਆ ਗਈ ਅਤੇ ਅੰਗਰੇਜ਼ੀ ਸਾਹਿਤ ਵਿੱਚ ਆਪਣੀ ਪੜ੍ਹਾਈ ਪੂਰੀ ਕੀਤੀ। ਦਿਲਚਸਪ ਗੱਲ ਇਹ ਹੈ ਕਿ ਉਸਨੇ 11 ਸਾਲ ਦੀ ਉਮਰ ਵਿੱਚ ਹੀ ਐਕਟਿੰਗ ਸਿੱਖਣੀ ਸ਼ੁਰੂ ਕਰ ਦਿੱਤੀ ਸੀ। ਕੁਝ ਇਸ਼ਤਿਹਾਰਾਂ ਅਤੇ ਗੀਤਾਂ 'ਚ ਕੰਮ ਕਰਨ ਤੋਂ ਬਾਅਦ ਉਸ ਨੂੰ 'ਅਕਤੂਬਰ' ਆਈ।