ਕਿਲੀ ਪੌਲ ਨੇ ਪੰਜਾਬੀ ਗੀਤ ‘ਵੰਗ ਦਾ ਨਾਪ’ ‘ਤੇ ਬਣਾਇਆ ਵੀਡੀਓ, ਐਮੀ ਵਿਰਕ ਨੇ ਦਿੱਤੀ ਅਜਿਹੀ ਪ੍ਰਤੀਕਿਰਿਆ
Kili Paul new video viral: ਤਨਜ਼ਾਨੀਆ ਦੇ ਸੋਸ਼ਲ ਮੀਡੀਆ ਸੁਪਰਸਟਾਰ ਕਿਲੀ ਪਾਲ ਜੋ ਕਿ ਆਪਣੀ ਵੀਡੀਓਜ਼ ਨੂੰ ਲੈ ਕੇ ਇੰਟਰਨੈੱਟ ਉੱਤੇ ਛਾਏ ਰਹਿੰਦੇ ਹਨ। ਇੰਨ੍ਹੀ ਦਿਨੀਂ ਕਿਲੀ ਪੌਲ ਨੂੰ ਪੰਜਾਬੀ ਗੀਤਾਂ ਦਾ ਖ਼ੁਮਾਰ ਚੜ੍ਹਿਆ ਹੋਇਆ ਹੈ। ਜਿਸ ਕਰਕੇ ਕਦੇ ਉਹ ਪੰਜਾਬੀ ਗੀਤਾਂ ਉੱਤੇ ਵੀਡੀਓਜ਼ ਬਨਾਉਂਦੇ ਨੇ ਤੇ ਕਦੇ ਪੰਜਾਬੀ ਗੀਤ ਗੁਣਗੁਣਾਉਂਦੇ ਹੋਏ ਨਜ਼ਰ ਆਉਂਦੇ ਹਨ। ਕਿਲੀ ਪੌਲ ਜੋ ਕਿ ਐਮੀ ਵਿਰਕ ਦੇ ਫੈਨ ਹੋਏ ਪਏ ਹਨ।
image source: instagram
ਕਿਲੀ ਪੌਲ ਨੇ ਇੱਕ ਵਾਰ ਫਿਰ ਤੋਂ ਐਮੀ ਵਿਰਕ ਦੇ ਸੁਪਰ ਹਿੱਟ ਗੀਤ ਵੰਗ ਦਾ ਨਾਪ ਉੱਤੇ ਵੀਡੀਓ ਬਣਾਇਆ ਹੈ। ਇਸ ਵੀਡੀਓ ਵਿੱਚ ਉਹ ਆਪਣੀ ਭੈਣ ਨੀਮਾ ਪੌਲ ਦੇ ਨਾਲ ਵੰਗ ਦਾ ਨਾਪ ਗੀਤ ਉੱਤੇ ਡਾਂਸ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਇਹ ਵੀਡੀਓ ਪ੍ਰਸ਼ੰਸਕਾਂ ਨੂੰ ਵੀ ਖੂਬ ਪਸੰਦ ਆ ਰਿਹਾ ਹੈ। ਜਿਸ ਕਰਕੇ ਖੁਦ ਐਮੀ ਵਿਰਕ ਨੇ ਇਸ ਵੀਡੀਓ ਉੱਤੇ ਲਾਈਕ ਦੀ ਪ੍ਰਤੀਕਿਰਿਆ ਦਿੰਦੇ ਹੋਏ ਕਿਲੀ ਦੀ ਤਾਰੀਫ ਕੀਤੀ ਹੈ।
image source: instagram
ਇਸ ਤੋਂ ਪਹਿਲਾਂ ਕਿਲੀ ਪੌਲ ਨੇ ਆਪਣੀ ਭੈਣ ਦੇ ਨਾਲ ਐਮੀ ਵਿਰਕ ਦੇ ਚਰਚਿਤ ਗੀਤ ‘ਚੰਨ ਸਿਤਾਰੇ’ ‘ਤੇ ਰੀਲ ਬਣਾਈ ਸੀ। ਜਿਸ ਦੀ ਤਾਰੀਫ ਕਰਦੇ ਹੋਏ ਐਮੀ ਵਿਰਕ ਨੇ ਇਸ ਰੀਲ ਨੂੰ ਸ਼ੇਅਰ ਵੀ ਕੀਤਾ ਸੀ।
image source: instagram
ਕਿਲੀ ਪੌਲ ਕਈ ਬਾਲੀਵੁੱਡ ਗੀਤਾਂ ਉੱਤੇ ਵੀ ਵੀਡੀਓ ਬਣਾ ਚੁੱਕਿਆ ਹੈ। ਪਿੱਛੇ ਜਿਹੇ ਕਿਲੀ ਭਾਰਤ ਦਰਸ਼ਨ ਕਰਨ ਆਇਆ ਸੀ, ਜਿੱਥੇ ਭਾਰਤੀ ਕਲਾਕਾਰਾਂ ਨੇ ਦਿਲ ਖੋਲ ਕੇ ਕਿਲੀ ਦਾ ਸਵਾਗਤ ਕੀਤਾ ਸੀ। ਉਹ ਕਈ ਰਿਆਲਟੀ ਸ਼ੋਅਜ਼ ਵਿੱਚ ਆਪਣੀ ਡਾਂਸ ਪ੍ਰਫਾਰਮੈਂਸ ਦਿੰਦਾ ਹੋਇਆ ਨਜ਼ਰ ਆਇਆ ਸੀ। ਇਸ ਤੋਂ ਇਲਾਵਾ ਉਹ ਸਲਮਾਨ ਖ਼ਾਨ ਦੇ ਰਿਆਲਟੀ ਸ਼ੋਅ ਬਿੱਗ ਬੌਸ ਵਿੱਚ ਵੀ ਨਜ਼ਰ ਆਇਆ ਸੀ। ਕਿਲੀ ਪੌਲ ਦੁਬਾਰਾ ਤੋਂ ਭਾਰਤ ਆਉਣ ਲਈ ਕਾਫੀ ਉਤਸੁਕ ਹੈ।
View this post on Instagram