ਅਭੈ ਦਿਓਲ ਦਾ ਅੱਜ ਹੈ ਜਨਮ ਦਿਨ, ਅਭੈ ਦੇ ਪਿਤਾ ਅਜੀਤ ਦਿਓਲ ਵੀ ਰਹੇ ਬਾਲੀਵੁੱਡ ਦੇ ਸ਼ਾਨਦਾਰ ਅਦਾਕਾਰ
ਅਭੈ ਦਿਓਲ (Abhay Deol) ਦਾ ਅੱਜ ਜਨਮ ਦਿਨ (Birthday) ਹੈ । ਅੱਜ ਉਨ੍ਹਾਂ ਦੇ ਜਨਮ ਦਿਨ ‘ਤੇ ਉਨ੍ਹਾਂ ਦੀ ਜ਼ਿੰਦਗੀ ਦੇ ਨਾਲ ਜੁੜੀਆਂ ਕੁਝ ਖ਼ਾਸ ਗੱਲਾਂ ਅਸੀਂ ਤੁਹਾਨੂੰ ਦੱਸਾਂਗੇ ।ਅਭੈ ਦਿਓਲ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰਾਂ ਚੋਂ ਇੱਕ ਹਨ । ਪਰ ਵਧੀਆ ਅਦਾਕਾਰੀ ਦੇ ਬਾਵਜੂਦ ਬਾਲੀਵੁੱਡ ‘ਚ ਉਨ੍ਹਾਂ ਨੂੰ ਏਨੀਂ ਵੱਡੀ ਪਛਾਣ ਨਹੀਂ ਮਿਲ ਸਕੀ ਜਿੰਨੀ ਕਿ ਉਨ੍ਹਾਂ ਦੇ ਚਚੇਰੇ ਭਰਾਵਾਂ ਸੰਨੀ ਦਿਓਲ ਅਤੇ ਬੌਬੀ ਦਿਓਲ ਨੂੰ ਮਿਲੀ ਸੀ ।ਅਭੈ ਦਿਓਲ ਉਨ੍ਹਾਂ ਸਿਤਾਰਿਆਂ ਚੋਂ ਹਨ ਜਿਨ੍ਹਾਂ ਨੇ ਆਪਣੀ ਅਦਾਕਾਰੀ ਦੇ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ ਹੈ। ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਫ਼ਿਲਮ ‘ਸੋਚਾ ਨਾ ਥਾ’ ਦੇ ਨਾਲ ਕੀਤੀ ਸੀ।
ਹੋਰ ਪੜ੍ਹੋ : ਫ਼ਿਲਮ ‘ਸੰਗਰਾਂਦ’ ਦੀ ਸਟਾਰ ਕਾਸਟ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਪੁੱਜੀ, ਫ਼ਿਲਮ ਦੀ ਕਾਮਯਾਬੀ ਲਈ ਕੀਤੀ ਅਰਦਾਸ
ਅਭੈ ਦਿਓਲ ਦੇ ਪਿਤਾ ਵੀ ਹਨ ਵਧੀਆ ਅਦਾਕਾਰ
ਅਭੈ ਦਿਓਲ ਬਾਲੀਵੁੱਡ ਦੇ ਸ਼ਾਨਦਾਰ ਅਦਾਕਾਰਾਂ ਚੋਂ ਇੱਕ ਹਨ । ਪਰ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਉਨ੍ਹਾਂ ਦੇ ਪਿਤਾ ਅਜੀਤ ਸਿੰਘ ਵੀ ਪ੍ਰਸਿੱਧ ਕਲਾਕਾਰਾਂ ਚੋਂ ਇੱਕ ਹਨ । ਉਨ੍ਹਾਂ ਨੇ ਕਈ ਫ਼ਿਲਮਾਂ ‘ਚ ਕੰਮ ਕੀਤਾ ਸੀ । ਅਭੈ ਦਿਓਲ ਨੇ ਫ਼ਿਲਮ ਓਏ ਲੱਕੀ, ਲੱਕੀ ਓਏ, ਦੇਵ ਡੀ, ਜ਼ਿੰਦਗੀ ਨਾ ਮਿਲੇਗੀ ਦੁਬਾਰਾ ਸਣੇ ਕਈ ਫ਼ਿਲਮਾਂ ‘ਚ ਕੰਮ ਕੀਤਾ ਹੈ।
ਧਰਮਿੰਦਰ ਦੇ ਛੋਟੇ ਭਰਾ ਦੇ ਪੁੱਤਰ ਹਨ ਅਭੈ ਦਿਓਲ
ਅਭੈ ਦਿਓਲ ਧਰਮਿੰਦਰ ਦੇ ਛੋਟੇ ਭਰਾ ਅਜੀਤ ਦਿਓਲ ਦੇ ਪੁੱਤਰ ਹਨ ।ਅਜੀਤ ਸਿੰਘ ਵੀ ਆਪਣੇ ਭਰਾ ਧਰਮਿੰਦਰ ਵਾਂਗ ਫ਼ਿਲਮਾਂ ‘ਚ ਸਰਗਰਮ ਸਨ । ਉਨ੍ਹਾਂ ਨੇ ਸੋਲਜ਼ਰ ਏਜ਼ ਠਾਕੁਰ ਦਲੇਰ ਸਿੰਘ ਨਾਂਅ ਦੀ ਫ਼ਿਲਮ ‘ਚ ਕੰਮ ਕੀਤਾ ਸੀ ।ਇਸ ਤੋਂ ਇਲਾਵਾ 1971 ‘ਚ ਵੀ ਉਨ੍ਹਾਂ ਦੀ ਇੱਕ ਫ਼ਿਲਮ ਆਉਣੀ ਸੀ ‘ਜਹਾਂ ਜਾਗੋ ਵਹਾਂ ਸਵੇਰਾ’ ਪਰ ਇਹ ਫ਼ਿਲਮ ਬਣਦੇ ਬਣਦੇ ਰਹਿ ਗਈ ਸੀ । ਇਹੀ ਕਾਰਨ ਸੀ ਕਿ ਉਹ ਆਪਣੇ ਭਰਾ ਵਾਂਗ ਫ਼ਿਲਮ ਇੰਡਸਟਰੀ ‘ਚ ਕਾਮਯਾਬ ਨਹੀਂ ਹੋ ਸਕੇ ਸਨ ।
ਫ਼ਿਲਮ ਮੇਕਰ ਨੇ ਜੜਿਆ ਸੀ ਥੱਪੜ
ਅਭੈ ਦਿਓਲ ਨੇ ਆਪਣੇ ਇੱਕ ਇੰਟਰਵਿਊ ਦੌਰਾਨ ਦੱਸਿਆ ਸੀ ਕਿ ਇੱਕ ਫ਼ਿਲਮ ਮੇਕਰ ਨੇ ਉਨ੍ਹਾਂ ਨੂੰ ਥੱਪੜ ਜੜ ਦਿੱਤਾ ਸੀ ।ਜੋ ਕਿ ਉਨ੍ਹਾਂ ਦੇ ਖਿਲਾਫ ਦੁਸ਼ਣਬਾਜ਼ੀ ਕਰ ਰਿਹਾ ਸੀ ਅਤੇ ਕਈ ਅਫਵਾਹਾਂ ਫੈਲਾ ਰਿਹਾ ਸੀ।