ਪੂਨਮ ਪਾਂਡੇ (Poonam Pandey) ਦੀ ਬੇਵਕਤੀ ਮੌਤ (Death) ਨੇ ਹਰ ਕਿਸੇ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਉਨ੍ਹਾਂ ਦੀ ਮੌਤ ਨੂੰ ਲੈ ਕੇ ਹਰ ਕੋਈ ਹੈਰਾਨ ਹੈ ਅਤੇ ਕਿਸੇ ਨੂੰ ਵੀ ਇਸ ਗੱਲ ਦੀ ਸਮਝ ਨਹੀਂ ਆ ਰਹੀ ਕਿ ਹੱਸਦੀ ਖੇਡਦੀ ਪੂਨਮ ਪਾਂਡੇ ਮਹਿਜ਼ 32 ਸਾਲਾਂ ਦੀ ਛੋਟੀ ਜਿਹੀ ਜ਼ਿੰਦਗੀ ਹੰਡਾ ਕੇ ਹਮੇਸ਼ਾ ਦੇ ਲਈ ਇਸ ਦੁਨੀਆ ਤੋਂ ਰੁਖਸਤ ਹੋ ਜਾਵੇਗੀ। ਅਦਾਕਾਰਾ ਦੇ ਫੈਨਸ ਨੂੰ ਜਿੱਥੇ ਧੱਕਾ ਲੱਗਿਆ ਹੈ ਉੱਥੇ ਹੀ ਬਾਲੀਵੁੱਡ ਜਗਤ ਵੀ ਹੈਰਾਨ ਹੈ।
ਹੋਰ ਪੜ੍ਹੋ : ਵਰਲਡ ਕੱਪ ‘ਚ ਕੱਪੜੇ ਉਤਾਰਨ ਤੋਂ ਲੈ ਕੇ ਰਾਜ ਕੁੰਦਰਾ ਦੇ ਨਾਲ ਲੜਾਈ ਤੱਕ, ਜਾਣੋ ਅਦਾਕਾਰਾ ਦੇ ਨਾਲ ਜੁੜੇ ਵਿਵਾਦਾਂ ਬਾਰੇ
ਆਖਰੀ ਵੀਡੀਓ ਵਾਇਰਲ
ਪੂਨਮ ਪਾਂਡੇ ਸੋਸ਼ਲ ਮੀਡੀਆ ‘ਤੇ ਸਰਗਰਮ ਰਹਿੰਦੀ ਸੀ ਅਤੇ ਅਕਸਰ ਆਪਣੀ ਹਰ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕਰਦੀ ਰਹਿੰਦੀ ਸੀ । ਬੀਤੇ ਦਿਨੀਂ ਉਸ ਨੇ ਇੱਕ ਸਮੁੰਦਰੀ ਜਹਾਜ਼ ‘ਚ ਸਫ਼ਰ ਦੇ ਦੌਰਾਨ ਦੀ ਇੱਕ ਵੀਡੀਓ (Last Video) ਸਾਂਝੀ ਕੀਤੀ ਹੈ। ਜਿਸ ‘ਚ ਅਦਾਕਾਰਾ ਕਾਫੀ ਖੁਸ਼ ਨਜ਼ਰ ਆ ਰਹੀ ਹੈ ਅਤੇ ਸੋਸ਼ਲ ਮੀਡੀਆ ‘ਤੇ ਉਹ ਐਕਟਿਵ ਸੀ । ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਅਦਾਕਾਰਾ ਦੇ ਚਿਹਰੇ ‘ਤੇ ਮੁਸਕਰਾਹਟ ਸੀ । ਉਹ ਕਿਸੇ ਵੀ ਤਰ੍ਹਾਂ ਦੀ ਬੀਮਾਰੀ ਤੋਂ ਪੀੜਤ ਨਹੀਂ ਸੀ ਲੱਗ ਰਹੀ ।
ਪੂਨਮ ਦੀ ਟੀਮ ਨੇ ਮੌਤ ਦੀ ਖ਼ਬਰ ਕੀਤੀ ਸਾਂਝੀ
ਅਦਾਕਾਰਾ ਪੂਨਮ ਪਾਂਡੇ ਦੀ ਟੀਮ ਨੇ ਅਦਾਕਾਰਾ ਦੀ ਮੌਤ ਦੀ ਖਬਰ ਸਾਂਝੀ ਕੀਤੀ ਹੈ ਕਿ ਉਸ ਦੀ ਮੌਤ ਸਰਵਾਈਕਲ ਕੈਂਸਰ ਦੇ ਕਾਰਨ ਹੋਈ ਹੈ। ਜਿਸ ਤੋਂ ਬਾਅਦ ਇੱਕ ਵਾਰ ਤਾਂ ਕਿਸੇ ਨੂੰ ਯਕੀਨ ਹੀ ਨਹੀਂ ਸੀ ਹੋਇਆ ਕਿ ਸੱਚਮੁੱਚ ਅਦਾਕਾਰਾ ਇਸ ਫ਼ਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਈ ਹੈ। ਫਿਰ ਜਦੋਂ ਉਸ ਦੇ ਆਫੀਸ਼ੀਅਲ ਇੰਸਟਾਗ੍ਰਾਮ ਨੂੰ ਘੋਖਿਆ ਗਿਆ ਤਾਂ ਇਸ ਖ਼ਬਰ ਦੀ ਪੁਸ਼ਟੀ ਹੋਈ ਅਤੇ ਸਭ ਮੀਡੀਆ ਹਾਊਸ ਵੱਲੋਂ ਇਸ ਖ਼ਬਰ ਨੂੰ ਨਸ਼ਰ ਕੀਤਾ ਗਿਆ ।
View this post on Instagram
ਯੂਪੀ ਦੇ ਕਾਨਪੁਰ ਨਾਲ ਸੀ ਸਬੰਧ
ਅਦਾਕਾਰਾ ਪੂਨਮ ਪਾਂਡੇ ਕਾਨਪੁਰ ਦੀ ਰਹਿਣ ਵਾਲੀ ਸੀ ਅਤੇ ਉਸ ਦਾ ਬਚਪਨ ਕਾਫੀ ਤੰਗੀਆਂ ਤੁਰਸ਼ੀਆਂ ‘ਚ ਬੀਤਿਆ ਸੀ ।ਲਾਕ ਅੱਪ ‘ਚ ਹਿੱਸਾ ਲੈਣ ਦੇ ਦੌਰਾਨ ਅਦਾਕਾਰਾ ਨੇ ਖੁਲਾਸਾ ਕੀਤਾ ਸੀ ਕਿ ਉਸ ਨੇ ਅਜਿਹੇ ਵੀ ਦਿਨ ਵੇਖੇ ਹਨ ਜਦੋਂ ਘਰ ‘ਚ ਪੈਸੇ ਨਹੀਂ ਸਨ ਹੁੰਦੇ ਅਤੇ ਖਾਣ ਦੇ ਨਾਮ ‘ਤੇ ਚੌਲ ਅਤੇ ਨਮਕ ਹੀ ਹੁੰਦਾ ਸੀ ਅਤੇ ਇਸੇ ਨਾਲ ਉਹ ਅਤੇ ਉਨ੍ਹਾਂ ਦਾ ਪਰਿਵਾਰ ਆਪਣਾ ਪੇਟ ਭਰਦਾ ਸੀ।