ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਰਾਜਕੁਮਾਰ ਦੀ ਪਤਨੀ ਗਾਇਤਰੀ ਪੰਡਿਤ ਦਾ ਹੋਇਆ ਦਿਹਾਂਤ

Gayatri Pandit Death: ਬਾਲੀਵੁੱਡ ਜਗਤ ਤੋਂ ਹਾਲ ਹੀ 'ਚ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆ ਰਹੀ ਹੈ। ਕਈ ਹਿੰਦੀ ਫਿਲਮਾਂ 'ਚ ਆਪਣੀ ਅਦਾਕਾਰੀ ਦੇ ਜੌਹਰ ਦਿਖਾਉਣ ਵਾਲੇ ਮਰਹੂਮ ਅਦਾਕਾਰ ਰਾਜਕੁਮਾਰ ਦੇ ਪਰਿਵਾਰ ਤੋਂ ਦੁਖਦ ਖ਼ਬਰ ਸਾਹਮਣੇ ਆਈ ਹੈ। ਅਦਾਕਾਰ ਦੀ ਪਤਨੀ ਗਾਇਤਰੀ ਦੇਵੀ ਦਾ ਦਿਹਾਂਤ ਹੋ ਗਿਆ ਹੈ। 

ਦਰਅਸਲ ਮਰਹੂਮ ਅਦਾਕਾਰ ਦੀ ਪਤਨੀ ਗਾਇਤਰੀ ਪੰਡਿਤ ਦਾ ਦਿਹਾਂਤ ਹੋ ਗਿਆ ਹੈ। ਖਬਰਾਂ ਦੀ ਮੰਨੀਏ ਤਾਂ ਕਿਹਾ ਜਾ ਰਿਹਾ ਹੈ ਕਿ ਗਾਇਤਰੀ ਦੇਵੀ ਪਿਛਲੇ ਕੁਝ ਸਮੇਂ ਤੋਂ ਬਿਮਾਰ ਸਨ ਅਤੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਸੀ ਜਿਸ ਦੇ ਚੱਲਦੇ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ ਹੈ। ਗਾਇਤਰੀ ਦੇਵੀ ਦੇ ਦਿਹਾਂਤ ਨਾਲ ਪ੍ਰਸ਼ੰਸਕ ਬੇਹੱਦ ਦੁਖੀ ਹਨ ਅਤੇ ਉਨ੍ਹਾਂ ਦਾ ਪਰਿਵਾਰ ਵੀ ਸਦਮੇ 'ਚ ਹੈ।

ਦੱਸ ਦੇਈਏ ਕਿ 1960 ਵਿੱਚ ਰਾਜ ਕੁਮਾਰ ਨੇ ਐਂਗਲੋ-ਇੰਡੀਅਨਜੈਨੀਫਰ ਪੰਡਿਤ ਨਾਲ ਵਿਆਹ ਕੀਤਾ ਸੀ। ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਉਹ ਉਸ ਨੂੰ ਇੱਕ ਫਲਾਈਟ ਵਿੱਚ ਮਿਲਿਆ ਜਿੱਥੇ ਉਹ ਇੱਕ ਏਅਰ ਹੋਸਟਸ ਸੀ। ਇੰਨਾ ਹੀ ਨਹੀਂ, ਇਹ ਵੀ ਕਿਹਾ ਜਾਂਦਾ ਹੈ ਕਿ ਬਾਅਦ ਵਿੱਚ ਉਸ ਨੇ ਹਿੰਦੂ ਰੀਤੀ-ਰਿਵਾਜਾਂ ਮੁਤਾਬਕ ਆਪਣਾ ਨਾਮ ਬਦਲ ਕੇ ਗਾਇਤਰੀ ਦੇਵੀ ਰੱਖ ਲਿਆ।

 ਹੋਰ ਪੜ੍ਹੋ: Gugu Gill: ਪੰਜਾਬੀ ਅਦਾਕਾਰ ਗੁੱਗੂ ਗਿੱਲ ਨੇ ਸੁਣਾਏ ਨੂੰ ਆਪਣੇ ਮਸ਼ਹੂਰ ਡਾਇਲਾਗ, ਵੇਖੋ ਵੀਡੀਓ 

ਦੱਸਣਯੋਗ ਹੈ ਕਿ ਰਾਜ ਕੁਮਾਰ ਅਤੇ ਗਾਇਤਰੀ  ਦੇ ਤਿੰਨ ਬੱਚੇ ਸਨ, ਪੁੱਤਰ ਪੁਰੂ ਰਾਜ ਕੁਮਾਰ ਇੱਕ ਅਭਿਨੇਤਾ ਹਨ, ਪਾਣਿਨੀ ਰਾਜ ਕੁਮਾਰ ਅਤੇ ਧੀ ਵਾਸਤਵਿਕਤਾ ਪੰਡਿਤ, ਜਿਨ੍ਹਾਂ ਨੇ 2006 ਦੀ ਫਿਲਮ ਆਥ: ਦ ਪਾਵਰ )ਆਫ ਸ਼ਨੀ ਨਾਲ ਆਪਣੀ ਸ਼ੁਰੂਆਤ ਕੀਤੀ ਸੀ। ਇਸ ਦੇ ਨਾਲ ਹੀ ਮਾਂ ਦੇ ਜਾਣ ਤੋਂ ਬਾਅਦ ਬੱਚਿਆਂ ਨੂੰ ਵੀ ਵੱਡਾ ਸਦਮਾ ਲੱਗਾ ਹੈ।