ਰਾਮਲਲਾ ਦੀ ਮੂਰਤੀ ਦੇਖ ਕੇ ਭਾਵੁਕ ਹੋਈ ਕੰਗਨਾ ਰਣੌਤ, ਕਿਹਾ- ਮੇਰਾ ਸੁਫਨਾ ਹੋਇਆ ਸੱਚ

Kangana Ranaut talk about RamLala satute: ਅਯੁੱਧਿਆ ਵਿੱਚ ਰਾਮ ਮੰਦਰ (Ram Temple Ayodhya) ਦਾ ਉਦਘਾਟਨ 22 ਜਨਵਰੀ ਨੂੰ ਹੋਣ ਜਾ ਰਿਹਾ ਹੈ। ਇਸ ਸਬੰਧੀ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਕੀਤੀਆਂ ਜਾ ਰਹੀਆਂ ਹਨ। ਸ਼ਰਧਾਂਜਲੀ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਕਈ ਵੱਡੀਆਂ ਹਸਤੀਆਂ ਨੂੰ ਸੱਦਾ ਦਿੱਤਾ ਗਿਆ ਹੈ। ਰਾਮਲਲਾ ਦੀ ਮੂਰਤੀ (RamLala satute) ਅਯੁੱਧਿਆ ਵਿੱਚ ਸਥਾਪਿਤ ਕੀਤੀ ਜਾਣੀ ਹੈ, ਜਿਸ ਦੀ ਪਹਿਲੀ ਝਲਕ ਸਾਹਮਣੇ ਆਈ ਹੈ।

ਉਨ੍ਹਾਂ ਦੀ ਇਹ ਤਸਵੀਰ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਦਰਅਸਲ, ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ (Kangana Ranaut) ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਰਾਮਲਲਾ ਦੀ ਮੂਰਤੀ ਦੀ ਪਹਿਲੀ ਝਲਕ ਸਾਂਝੀ ਕੀਤੀ ਹੈ। ਉਸ ਨੇ ਇੰਸਟਾਗ੍ਰਾਮ ਸਟੋਰੀ 'ਤੇ ਮੂਰਤੀ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। 

ਕੰਗਨਾ ਰਣੌਤ ਦਾ ਸੁਫਨਾ ਹੋਇਆ ਸੱਚ 

ਕੰਗਨਾ ਰਣੌਤ ਵੱਲੋਂ ਸ਼ੇਅਰ ਕੀਤੀਆਂ ਗਈਆਂ ਤਸਵੀਰਾਂ 'ਚ ਮੂਰਤੀ ਸਾਫ ਦਿਖਾਈ ਦੇ ਸਕਦੀ ਹੈ। ਉਸ ਨੇ ਤਸਵੀਰ ਦੇ ਕੈਪਸ਼ਨ ਵਿੱਚ ਮੂਰਤੀ ਦੇ ਨਿਰਮਾਤਾ ਨੂੰ ਵੀ ਟੈਗ ਕੀਤਾ ਅਤੇ ਉਸ ਦੀ ਜਮ ਕੇ ਤਾਰੀਫ਼ ਕੀਤੀ ਹੈ। ਰਾਮਲਲਾ ਦੀ ਮੂਰਤੀ ਅਰੁਣ ਯੋਗੀਰਾਜ ਨੇ ਤਿਆਰ ਕੀਤੀ ਹੈ, ਜਿਸ ਨੂੰ ਕੰਗਨਾ ਨੇ ਬੇਹੱਦ ਖੂਬਸੂਰਤ ਦੱਸਿਆ ਹੈ। 

ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਕੰਗਨਾ ਨੇ ਲਿਖਿਆ ਕਿ ਉਸ ਨੇ ਜਿਸ ਤਰ੍ਹਾਂ ਭਗਵਾਨ ਰਾਮ ਦੀ ਮੂਰਤੀ ਬਾਰੇ ਜਿਹੋ ਜਿਹੀ ਕਲਪਨਾ ਕੀਤੀ ਸੀ, ਮੂਰਤੀਕਾਰ ਨੇ ਹੁਬਹੂ ਉਹੋ ਜਿਹੀ ਮੂਰਤੀ ਤਿਆਰ ਕੀਤੀ ਹੈ।ਉਨ੍ਹਾਂ ਲਿਖਿਆ- 'ਮੈਂ ਹਮੇਸ਼ਾ ਸੋਚਦਾ ਸੀ ਕਿ ਭਗਵਾਨ ਰਾਮ ਇਕ ਨੌਜਵਾਨ ਲੜਕੇ ਵਾਂਗ ਦਿਖਾਈ ਦੇਣਗੇ ਅਤੇ ਇਸ ਮੂਰਤੀ ਰਾਹੀਂ ਮੇਰੀ ਕਲਪਨਾ ਬਿਆਨ ਕੀਤੀ ਗਈ ਹੈ। ਅਰੁਣ ਯੋਗੀਰਾਜ, ਤੁਸੀਂ ਧੰਨ ਹੋ।”

ਕੰਗਨਾ ਨੇ ਮੂਰਤੀਕਾਰ ਦੀ ਜਮ ਕੇ ਕੀਤੀ ਤਾਰੀਫ

ਕੰਗਨਾ ਨੇ ਭਗਵਾਨ ਰਾਮ ਦੀ ਮੂਰਤੀ ਦੀ ਇੱਕ ਹੋਰ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਦੇ ਕੈਪਸ਼ਨ 'ਚ ਉਸ ਨੇ ਮੂਰਤੀਕਾਰ ਅਰੁਣ ਯੋਗੀਰਾਜ ਦੀ ਤਾਰੀਫ ਕੀਤੀ ਹੈ। ਉਨ੍ਹਾਂ ਲਿਖਿਆ- 'ਇਹ ਕਿੰਨੀ ਖੂਬਸੂਰਤ ਅਤੇ ਮਨਮੋਹਕ ਮੂਰਤੀ ਹੈ। ਅਰੁਣ ਯੋਗੀਰਾਜ ਜੀ 'ਤੇ ਕਿੰਨਾ ਦਬਾਅ ਹੋਵੇਗਾ? ਭਗਵਾਨ ਨੂੰ ਪੱਥਰ ਵਿੱਚ ਕੈਦ ਕਰਨਾ ਰਾਮ ਦੀ ਕਿਰਪਾ ਹੈ। ਅਰੁਣ ਯੋਗੀਰਾਜ ਜੀ ਸ਼੍ਰੀ ਰਾਮ ਨੇ ਆਪ ਦਰਸ਼ਨ ਦਿੱਤੇ ਹਨ। ਤੁਸੀਂ ਧੰਨ ਹੋ।” ਰਿਪੋਰਟਾਂ ਮੁਤਾਬਕ ਰਾਮਲਲਾ ਦੀ ਮੂਰਤੀ ਨੂੰ 5 ਸਾਲ ਦੇ ਲੜਕੇ ਦੇ ਰੂਪ 'ਚ ਡਿਜ਼ਾਈਨ ਕੀਤਾ ਗਿਆ ਹੈ, ਜਿਸ ਦਾ ਭਾਰ 150 ਤੋਂ 200 ਕਿਲੋਗ੍ਰਾਮ ਤੱਕ ਹੋ ਸਕਦਾ ਹੈ।

View this post on Instagram

A post shared by Kangana Ranaut (@kanganaranaut)

ਹੋਰ ਪੜ੍ਹੋ: ਜਾਣੋ ਠੰਡ ਦੇ ਮੌਸਮ 'ਚ ਖਜੂਰ ਖਾਣ ਦੇ ਫਾਇਦੇ, ਪੌਸ਼ਟਿਕ ਤੱਤਾਂ ਨਾਲ ਹੈ ਭਰਪੂਰ

ਦੱਸ ਦੇਈਏ ਕਿ ਕੰਗਨਾ ਨੂੰ  ਅਯੁਧਿਆ ਵਿਖੇ ਹੋਣ ਵਾਲੇ ਪ੍ਰਾਣ ਪ੍ਰਤੀਸ਼ਠਾ  ਸਮਾਰੋਹ ਲਈ ਸੱਦਾ ਦਿੱਤਾ ਗਿਆ ਹੈ। ਇਸ ਸਮਾਰੋਹ ਲਈ ਬਾਲੀਵੁੱਡ ਦੇ ਕਈ ਹੋਰ ਕਲਾਕਾਰਾਂ ਨੂੰ ਵੀ ਸੱਦਾ ਮਿਲਿਆ ਹੈ। ਇਨ੍ਹਾਂ 'ਚ ਰਜਨੀਕਾਂਤ, ਅਕਸ਼ੈ ਕੁਮਾਰ, ਆਯੁਸ਼ਮਾਨ ਖੁਰਾਨਾ, ਰਾਮ ਚਰਨ, ਰਣਬੀਰ ਕਪੂਰ-ਆਲੀਆ ਭੱਟ, ਰਣਵੀਰ ਸਿੰਘ-ਦੀਪਿਕਾ ਪਾਦੁਕੋਣ ਸਮੇਤ ਕਈ ਸਿਤਾਰਿਆਂ ਦੇ ਨਾਂ ਸ਼ਾਮਲ ਹਨ। 22 ਜਨਵਰੀ ਨੂੰ ਪ੍ਰਾਣ-ਪ੍ਰਤੀਸ਼ਠਾ ਸਮਾਗਮ ਹੈ, ਜਿਸ ਤੋਂ ਬਾਅਦ 23 ਜਨਵਰੀ ਤੋਂ ਹਰ ਕੋਈ ਰਾਮਲਲਾ ਦੇ ਦਰਸ਼ਨ ਕਰ ਸਕਣਗੇ।