Deepika Kakkar: ਬੇਟੇ ਦੇ ਜਨਮ ਤੋਂ ਬਾਅਦ ਦੀਪਿਕਾ ਕੱਕੜ ਨੇ ਫੈਨਜ਼ ਨਾਲ ਸਾਂਝਾ ਕੀਤਾ ਆਪਣਾ ਫਿੱਟਨੈਸ ਰੂਟੀਨ, ਵੇਖੋ ਵੀਡੀਓ

Dipika Kakar Fitness routine: ਟੀਵੀ ਅਦਾਕਾਰਾ ਦੀਪਿਕਾ ਕੱਕੜ (Dipika Kakar) ਆਪਣੇ ਬੇਟੇ ਦੇ ਜਨਮ ਤੋਂ ਬਾਅਦ ਬੇਹੱਦ ਖੁਸ਼ ਹੈ। ਦੀਪਿਕਾ ਅਤੇ ਸ਼ੋਏਬ ਆਪਣੇ ਬੇਟੇ ਨਾਲ ਹਰ ਪਲ ਬਿਤਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਯਾਦਗਾਰ ਬਣਾ ਰਹੇ ਹਨ। 

ਦੀਪਿਕਾ ਹਾਲ ਹੀ 'ਚ ਹਸਪਤਾਲ ਤੋਂ ਛੁੱਟੀ ਮਿਲਣ ਤੋਂ ਬਾਅਦ ਘਰ ਆਈ ਹੈ। ਉਹ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਆਪਣੀ ਨਿੱਜੀ ਜ਼ਿੰਦਗੀ ਨਾਲ ਜੁੜੀਆਂ ਜਾਣਕਾਰੀਆਂ ਆਪਣੇ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕਰਦੀ ਰਹਿੰਦੀ ਹੈ। ਦੀਪਿਕਾ ਨੇ ਆਪਣੇ ਬੇਟੇ ਦਾ ਨਾਂ ਰੁਹਾਨ ਰੱਖਿਆ ਹੈ ਅਤੇ ਇਸ ਵਾਰ ਉਨ੍ਹਾਂ ਨੇ ਆਪਣੇ ਵੀਲੌਗ 'ਚ ਬੇਟੇ ਬਾਰੇ ਗੱਲ ਕੀਤੀ ਹੈ। ਬੇਟੇ ਦੇ ਜਨਮ ਤੋਂ ਬਾਅਦ ਦੀਪਿਕਾ ਆਪਣਾ ਖਾਸ ਖਿਆਲ ਰੱਖ ਰਹੀ ਹੈ ਅਤੇ ਆਪਣਾ ਭਾਰ ਘਟਾਉਣਾ ਸ਼ੁਰੂ ਕਰ ਦਿੱਤਾ ਹੈ।

ਦੀਪਿਕਾ ਨੇ ਆਪਣੇ ਲੇਟੈਸਟ ਵੀਲੌਗ 'ਚ ਆਪਣੀ ਫਿਟਨੈੱਸ ਰੁਟੀਨ ਬਾਰੇ ਦੱਸਿਆ ਹੈ। ਇਨ੍ਹੀਂ ਦਿਨੀਂ ਦੀਪਿਕਾ ਆਪਣੇ ਬੇਟੇ ਨਾਲ ਆਪਣੀ ਭਾਬੀ ਸਬਾ ਇਬਰਾਹਿਮ ਦੇ ਘਰ ਰਹਿ ਰਹੀ ਹੈ ਕਿਉਂਕਿ ਉਨ੍ਹਾਂ ਦੇ ਘਰ ਪੇਂਟ ਦਾ ਕੰਮ ਚੱਲ ਰਿਹਾ ਹੈ। ਰੁਹਾਨ ਨੂੰ ਪੇਂਟ ਕਾਰਨ ਸਮੱਸਿਆ ਹੋ ਸਕਦੀ ਹੈ, ਇਸ ਲਈ ਉਹ ਸਬਾ ਦੇ ਘਰ ਰਹਿ ਰਹੀ ਹੈ।

ਇਹ ਦੀਪਿਕਾ ਦੀ ਫਿਟਨੈੱਸ ਰੁਟੀਨ ਹੈ

ਡਿਲੀਵਰੀ ਤੋਂ ਬਾਅਦ ਦੀਪਿਕਾ ਦਾ ਭਾਰ ਕਾਫੀ ਵੱਧ ਗਿਆ ਹੈ। ਹੁਣ ਉਸ ਨੇ ਆਪਣਾ ਧਿਆਨ ਰੱਖਣ ਦੇ ਨਾਲ-ਨਾਲ ਭਾਰ ਵੀ ਘਟਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਦੀਪਿਕਾ ਨੇ ਆਪਣੇ ਵੀਲੌਗ 'ਚ ਦੱਸਿਆ ਕਿ ਉਸ ਨੇ ਡਿਲੀਵਰੀ ਤੋਂ 7-8 ਦਿਨਾਂ ਬਾਅਦ ਮੈਟਰਨਿਟੀ ਬੈਲੀ ਬੈਲਟ ਪਹਿਨਣੀ ਸ਼ੁਰੂ ਕਰ ਦਿੱਤੀ ਸੀ। ਇਹ ਪੇਟੀ ਪੇਟ ਨੂੰ ਜ਼ਿਆਦਾ ਵਧਣ ਨਹੀਂ ਦਿੰਦੀ।

ਹੋਰ ਪੜ੍ਹੋ: Bigg Boss OTT 2: ਬੀਸੀ ਆਂਟੀ ਵਜੋਂ ਮਸ਼ਹੂਰ ਯੁਟਿਊਬਰ ਸਨੇਹਲ ਦਿਕਸ਼ੀਤ ਕਿੰਝ ਬਣੀ ਸੋਸ਼ਲ ਮੀਡੀਆ ਸਟਾਰ, ਜਾਣੋ ਇਸ Bigg Boss OTT ਦੀ ਕੰਟੈਸਟੈਂਟ ਬਾਰੇ

ਦੀਪਿਕਾ ਫਿੱਟ ਰਹਿਣ ਲਈ ਰੋਜ਼ਾਨਾ ਅੱਧਾ ਘੰਟਾ ਸੈਰ ਕਰਦੀ ਹੈ। ਇਸ ਦੇ ਨਾਲ ਹੀ ਉਹ ਸੈਲਰੀ ਦਾ ਪਾਣੀ ਪੀਂਦੀ ਹੈ। ਕੁਝ ਸਮੇਂ ਬਾਅਦ ਦੀਪਿਕਾ ਟ੍ਰੈਡਮਿਲ 'ਤੇ ਵਾਕ ਕਰਨਾ ਸ਼ੁਰੂ ਕਰੇਗੀ। ਇਸ ਦੇ ਨਾਲ ਹੀ ਦੀਪਿਕਾ ਹੈਲਦੀ ਡਾਈਟ ਲੈ ਰਹੀ ਹੈ। ਜੋ ਬੱਚੇ ਦੇ ਨਾਲ-ਨਾਲ ਉਨ੍ਹਾਂ ਦੀ ਸਿਹਤ ਲਈ ਵੀ ਚੰਗਾ ਹੁੰਦਾ ਹੈ।

ਦੱਸ ਦੇਈਏ ਕਿ ਦੀਪਿਕਾ ਕੱਕੜ ਨੇ 21 ਜੂਨ ਨੂੰ ਬੇਟੇ ਨੂੰ ਜਨਮ ਦਿੱਤਾ ਸੀ। ਦੀਪਿਕਾ ਦੀ ਡਿਲੀਵਰੀ ਸੀ-ਸੈਕਸ਼ਨ ਸੀ। ਜਨਮ ਤੋਂ ਬਾਅਦ ਦੀਪਿਕਾ ਅਤੇ ਸ਼ੋਏਬ ਦੇ ਬੇਟੇ ਨੂੰ NICU ਵਿੱਚ ਰੱਖਿਆ ਗਿਆ ਸੀ। ਹੁਣ ਬੱਚੇ ਅਤੇ ਮਾਂ ਦੋਵਾਂ ਦੀ ਸਿਹਤ ਠੀਕ ਹੈ ਅਤੇ ਦੋਵੇਂ ਘਰ ਵਾਪਸ ਆ ਗਏ ਹਨ।