ਆਪਣੀ ਭਾਬੀ ਚਾਰੂ ਅਸੋਪਾ ਦੀ ਗੋਦ ਭਰਾਈ ਦੀ ਰਸਮ ਅਦਾ ਕਰਦੀ ਨਜ਼ਰ ਆਈ ਅਦਾਕਾਰਾ ਸੁਸ਼ਮਿਤਾ ਸੇਨ, ਦੇਖੋ ਨਵੀਆਂ ਤਸਵੀਰਾਂ
ਏਨੀਂ ਦਿਨੀਂ ਬਾਲੀਵੁੱਡ ਜਗਤ ਨੰਨ੍ਹੇ ਬੱਚਿਆਂ ਦੀਆਂ ਕਿਲਕਾਰੀਆਂ ਨਾਲ ਗੂੰਜ ਰਿਹਾ ਹੈ। ਬਹੁਤ ਜਲਦ ਸੇਨ ਪਰਿਵਾਰ ‘ਚ ਵੀ ਨੰਨ੍ਹਾ ਮਹਿਮਾਨ ਐਂਟਰੀ ਕਰਨ ਵਾਲਾ ਹੈ। ਜਿਸਦੇ ਚੱਲਦੇ ਪਰਿਵਾਰ ਚ ਬੱਚੇ ਦੇ ਆਉਣ ਤੋਂ ਪਹਿਲਾਂ ਦੀਆਂ ਰਸਮਾਂ ਸ਼ੁਰੂ ਹੋ ਗਈਆਂ ਨੇ।
ਜੀ ਹਾਂ ਬਾਲੀਵੁੱਡ ਐਕਟਰ ਸੁਸ਼ਮਿਤਾ ਸੇਨ (Sushmita Sen)ਆਪਣੀ ਭਾਬੀ ਤੇ ਟੀਵੀ ਅਦਾਕਾਰਾ ਚਾਰੂ ਅਸੋਪਾ (Charu Asopa ) ਦੀ ਗੋਦ ਭਰਾਈ (Baby Shower) ਦੀ ਰਸਮ ਅਦਾ ਕਰਦੀ ਹੋਈ ਨਜ਼ਰ ਆਈ । ਉਨ੍ਹਾਂ ਨੇ ਆਪਣੇ ਭਰਾ ਤੇ ਭਾਬੀ ਨੂੰ ਆਪਣੀ ਸ਼ੁਭਕਾਮਨਾਵਾਂ ਦਿੱਤੀਆਂ ।
ਚਾਰੂ ਅਸੋਪਾ ਸੇਨ ਤੇ ਰਾਜੀਵ ਸੇਨ ਆਪੋ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਗੋਦ ਭਰਾਈ ਦੀਆਂ ਰਸਮਾਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਨੇ। ਇਸ ਪ੍ਰੋਗਰਾਮ 'ਚ ਸਿਰਫ ਪਰਿਵਾਰਕ ਮੈਂਬਰ ਹੀ ਸ਼ਾਮਿਲ ਹੋਏ ਸੀ। ਰਾਜੀਵ ਸੇਨ ਦੇ ਮੰਮੀ-ਪਾਪਾ ਤੇ ਭੈਣ ਰੀਤੀ-ਰਿਵਾਜ ਪੂਰੇ ਕਰਦੇ ਨਜ਼ਰ ਆਏ। ਇਸ ਤੋਂ ਇਲਾਵਾ ਚਾਰੂ ਦੇ ਪਰਿਵਾਰ ਵਾਲੇ, ਸੁਸ਼ਮਿਤਾ ਸੇਨ ਦਾ ਬੁਆਏ ਫ੍ਰੈਂਡ ਰੋਹਮਨ ਸ਼ਾਲ ਤੇ ਸੁਸ਼ਮਿਤਾ ਦੀਆਂ ਧੀਆਂ ਵੀ ਦਿਖਾਈ ਦਿੱਤੀਆਂ । ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋ ਰਹੀਆਂ ਨੇ। ਪ੍ਰਸ਼ੰਸਕ ਤੇ ਕਲਾਕਾਰ ਵੀ ਕਮੈਂਟ ਕਰਕੇ ਨਵੇਂ ਬਣਨ ਵਾਲੇ ਮੰਮੀ-ਪਾਪਾ ਨੂੰ ਵਧਾਈਆਂ ਦੇ ਰਹੇ ਨੇ।
ਦੱਸ ਦਈਏ ਸੁਸ਼ਮਿਤਾ ਸੇਨ ਦੇ ਭਰਾ ਰਾਜੀਵ ਸੇਨ ਨੇ ਸਾਲ 2019 ‘ਚ ਆਪਣੀ ਗਰਲ ਫ੍ਰੈਂਡ ਚਾਰੂ ਅਸੋਪਾ ਦੇ ਨਾਲ ਵਿਆਹ ਕਰਵਾ ਲਿਆ ਸੀ । ਦੋਵਾਂ ਦਾ ਵਿਆਹ ਸੋਸ਼ਲ ਮੀਡੀਆ ਉੱਤੇ ਖੂਬ ਛਾਇਆ ਰਿਹਾ ਸੀ। ਚਾਰੂ ਅਸੋਪਾ ਕਈ ਮਸ਼ਹੂਰ ਟੀਵੀ ਸੀਰੀਅਲਾਂ ‘ਚ ਕੰਮ ਕਰ ਚੁੱਕੀ ਹੈ।
View this post on Instagram