ਹਾਸਿਆਂ ਦੇ ਰੰਗਾਂ ਨਾਲ ਭਰਿਆ ‘ਫੁੱਫੜ ਜੀ’ ਦਾ ਟ੍ਰੇਲਰ ਹੋਇਆ ਰਿਲੀਜ਼, ਬਿੰਨੂ ਢਿੱਲੋਂ ਤੇ ਗੁਰਨਾਮ ਭੁੱਲਰ ਦੀ ਫਸੀ ਇੱਕ-ਦੂਜੇ ਦੇ ਨਾਲ ‘ਗਰਾਰੀ’
ਲਓ ਜੀ ਹਾਸਿਆਂ ਦੇ ਸਫ਼ਰ ਤੇ ਜਾਣ ਲਈ ਹੋ ਜਾਓ ਤਿਆਰ। ਕਿਉਂਕਿ ਬਿੰਨੂ ਢਿੱਲੋਂ (Binnu Dhillon) ਅਤੇ ਗੁਰਨਾਮ ਭੁੱਲਰ ( Gurnam Bhullar) ਦੀ ਮੋਸਟ ਅਵੇਟਡ ਫ਼ਿਲਮ ਫੁੱਫੜ ਜੀ (Fuffad Ji) ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਫ਼ਿਲਮ ਦਾ ਟ੍ਰੇਲਰ ਬਹੁਤ ਹੀ ਕਮਾਲ ਦਾ ਹੈ। ਇਹ ਫ਼ਿਲਮ ਕਾਮੇਡੀ ਜ਼ੌਨਰ ਵਾਲੀ ਹੈ।
image source-youtube
ਹੌਬੀ ਧਾਲੀਵਾਲ ਦੇ ਡਾਇਲਾਗ ‘ਜਵਾਕਾਂ ਦੇ ਫੁੱਫੜ ਦੇ ਹੁਕਮ ਤੋਂ ਬਿਨ੍ਹਾਂ ਇੱਕ ਪੱਤਾ ਵੀ ਨਹੀਂ ਹਿੱਲਦਾ’ ਦੇ ਨਾਲ ‘ਫੁੱਫੜ ਜੀ’ ਦੇ ਟ੍ਰੇਲਰ ਦੀ ਸ਼ੁਰੂਆਤ ਹੁੰਦੀ ਹੈ। ਜੀ ਹਾਂ ਬਿੰਨੂ ਜੋ ਕਿ ਫੁੱਫੜ ਦੇ ਕਿਰਦਾਰ ‘ਚ ਨਜ਼ਰ ਆ ਰਹੇ ਨੇ ਤੇ ਗੁਰਨਾਮ ਭੁੱਲਰ ਘਰ ਦੇ ਜਵਾਈ ਦੇ ਕਿਰਦਾਰ ‘ਚ ਨਜ਼ਰ ਆ ਰਹੇ ਨੇ। ਟ੍ਰੇਲਰ ‘ਚ ਦੇਖਣ ਨੂੰ ਮਿਲ ਰਿਹਾ ਹੈ ਕਿਵੇਂ ਜਵਾਈ ਤੇ ਫੁੱਫੜ ਦੀ ਗਰਾਰੀ ਫੱਸ ਜਾਂਦੀ ਹੈ। 2 ਮਿੰਟ 54 ਸੈਕਿੰਡ ਦਾ ਇਹ ਟ੍ਰੇਲਰ ਹੱਸਾ-ਹੱਸਾ ਦਰਸ਼ਕਾਂ ਦੇ ਢਿੱਡੀਂ ਪੀੜਾਂ ਪਾ ਰਿਹਾ ਹੈ। ਟ੍ਰੇਲਰ ਦੇ ਅਖੀਰਲੇ ਭਾਗ ‘ਚ ਜੱਸੀ ਗਿੱਲ ਦੀ ਐਂਟਰੀ ਦੇਖਣ ਨੂੰ ਮਿਲ ਰਹੀ ਹੈ ਜੋ ਕਿ ਫ਼ਿਲਮ ‘ਚ ਨਵੇਂ ਜਵਾਈ ਦੇ ਰੂਪ ‘ਚ ਨਜ਼ਰ ਆਉਣਗੇ। ਟ੍ਰੇਲਰ ‘ਚ ਬਿੰਨੂ ਢਿੱਲੋਂ, ਗੁਰਨਾਮ ਭੁੱਲਰ ਅਤੇ ਜੱਸੀ ਗਿੱਲ ਦੇਸੀ ਸਰਦਾਰੀ ਲੁੱਕ ‘ਚ ਨਜ਼ਰ ਆ ਰਹੇ ਨੇ। ਇਸ ਤੋਂ ਇਲਾਵਾ ਪੁਰਾਣੇ ਪੰਜਾਬ ਦੇ ਪਰਿਵਾਰਕ ਰਿਸ਼ਤੇ ਅਤੇ ਸੱਭਿਆਚਾਰ ਵੀ ਦੇਖਣ ਨੂੰ ਮਿਲ ਰਿਹਾ ਹੈ।
image source-youtube
ਬਿੰਨੂ ਢਿੱਲੋਂ ਅਤੇ ਗੁਰਨਾਮ ਭੁੱਲਰ ਤੋਂ ਇਲਾਵਾ ਜੈਸਮੀਨ ਬਾਜਵਾ, ਸਿੱਧਿਕਾ ਸ਼ਰਮਾ, ਹੌਬੀ ਧਾਲੀਵਾਲ, ਮਹਾਵੀਰ ਭੁੱਲਰ, ਜੱਗੀ ਧੁਰੀ, ਸਤਵੰਦ ਕੌਰ, ਗੁਰਪ੍ਰੀਤ ਭੰਗੂ ਤੋਂ ਇਲਾਵਾ ਕਈ ਹੋਰ ਨਵਾਂ ਚਿਹਰੇ ਵੀ ਇਸ ਫ਼ਿਲਮ ‘ਚ ਨਜ਼ਰ ਆੳੇਣਗੇ। ਫ਼ਿਲਮ ‘ਚ ਜੱਸੀ ਗਿੱਲ ਦੀ ਐਂਟਰੀ ਵੀ ਦੇਖਣ ਨੂੰ ਮਿਲੇਗੀ। ਪ੍ਰਤਿਭਾਸ਼ਾਲੀ ਰਾਜੂ ਵਰਮਾ ਦੁਆਰਾ ਇਹ ਫ਼ਿਲਮ ਲਿਖੀ ਗਈ ਹੈ। ਜੀ ਸਟੂਡੀਓ ਤੇ ਕੇ ਕੁਮਾਰ ਸਟੂਡੀਓਜ਼ ਦੇ ਬੈਨਰ ਥੱਲੇ ਇਹ ਫ਼ਿਲਮ 11 ਨਵੰਬਰ ਨੂੰ ਰਿਲੀਜ਼ ਹੋਵੇਗੀ।