ਫਿਲਮ ਬ੍ਰਹਮਾਸਤਰ ਦਾ ਇੱਕ ਹੋਰ ਮੋਸ਼ਨ ਪੋਸਟਰ ਜਾਰੀ, ਸਾਹਮਣੇ ਆਇਆ ਅਮਿਤਾਭ ਬੱਚਨ ਦਾ ਨਵਾਂ ਲੁੱਕ
ਆਲਿਆ ਭੱਟ, ਰਣਬੀਰ ਕਪੂਰ ਤੇ ਅਮਿਤਾਭ ਬੱਚਨ ਸਟਾਰਰ ਪਹਿਲੀ ਫਿਲਮ 'ਬ੍ਰਹਮਾਸਤਰ' ਦੀ ਰਿਲੀਜ਼ ਡੇਟ ਨੇੜੇ ਆ ਰਹੀ ਹੈ। ਹਾਲ ਹੀ 'ਚ ਫਿਲਮ ਨਾਲ ਜੁੜਿਆ ਇੱਕ ਟੀਜ਼ਰ ਰਿਲੀਜ਼ ਹੋਇਆ ਸੀ, ਜਿਸ 'ਚ ਫਿਲਮ ਦੇ ਟ੍ਰੇਲਰ ਦੀ ਤਰੀਕ ਸਾਹਮਣੇ ਆਈ ਸੀ। ਹੁਣ ਫਿਲਮ ਦਾ ਇੱਕ ਹੋਰ ਮੋਸ਼ਨ ਪੋਸਟਰ ਰਿਲੀਜ਼ ਹੋਇਆ ਹੈ, ਜਿਸ ਵਿੱਚ ਅਮਿਤਾਭ ਬੱਚਨ ਦਾ ਲੁੱਕ ਸਾਹਮਣੇ ਆਇਆ ਹੈ। ਫ਼ਿਲਮ ਦਾ ਟ੍ਰੇਲਰ 15 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ।
Image Source: Instagram
ਬਾਲੀਵੁੱਡ ਦੇ ਮਸ਼ਹੂਰ ਫਿਲਮ ਨਿਰਮਾਤਾ ਕਰਨ ਜੌਹਰ ਅਤੇ ਅਮਿਤਾਭ ਬੱਚਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਇਸ ਮੋਸ਼ਨ ਪੋਸਟਰ ਨੂੰ ਸ਼ੇਅਰ ਕੀਤਾ ਹੈ। ਇਸ ਮੋਸ਼ਨ ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਕਰਨ ਜੌਹਰ ਨੇ ਲਿਖਿਆ ਹੈ, "ਗੁਰੂ ਗਿਆਨ ਦੀ ਗੰਗਾ ਹੈ, ਕਾਟੇ ਭਵ ਦੀ ਪਾਸ਼ ਹੈ, ਜਦੋਂ ਗੁਰੂ ਹਥਿਆਰ ਚੁੱਕਦਾ ਹੈ, ਪਾਪ ਦਾ ਨਾਸ਼ ਕਰਦਾ ਹੈ, ਇੱਕ ਰੋਸ਼ਨੀ ਹੈ ਜਿਸ ਵਿੱਚ ਹਰ ਹਨੇਰੇ ਨੂੰ ਹਰਾਉਣ ਲਈ ਰੋਸ਼ਨੀ ਹੁੰਦੀ ਹੈ, ਇੱਥੇ ਗੁਰੂ ਨੂੰ ਪੇਸ਼ ਕਰ ਰਹੇ ਹਾਂ। ..ਗਿਆਨੀ ਗੁਰੂ ਜਿਸ ਕੋਲ ਹੈ...ਬ੍ਰਹਮਾਸਤਰ..ਰੋਸ਼ਨੀ ਕੀ ਤਲਵਾਰ.. ਟ੍ਰੇਲਰ 15 ਜੂਨ ਨੂੰ ਰਿਲੀਜ਼ ਹੋਵੇਗਾ।
ਇਸ ਤੋਂ ਪਹਿਲਾਂ ਆਲਿਆ ਭੱਟ ਵੱਲੋਂ ਸ਼ੇਅਰ ਕੀਤੇ ਗਏ ਟੀਜ਼ਰ 'ਚ ਅਮਿਤਾਭ ਬੱਚਨ, ਨਾਗਾਰਜੁਨ, ਰਣਬੀਰ ਕਪੂਰ ਅਤੇ ਮੌਨੀ ਰਾਏ ਸਮੇਤ ਸਾਰਿਆਂ ਦੇ ਕਿਰਦਾਰ ਸਾਹਮਣੇ ਆਏ ਸਨ। ਇਸ ਵੀਡੀਓ 'ਚ ਸਾਰੇ ਸਿਤਾਰਿਆਂ ਦਾ ਕਰੂਰ ਰੂਪ ਦੇਖਿਆ ਗਿਆ।
Image Source: Instagram
ਆਲਿਆ ਭੱਟ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, 'ਬਸ 100 ਦਿਨਾਂ ਬਾਅਦ ਫਿਲਮ ਦਾ ਪਹਿਲਾ ਭਾਗ ਤੁਹਾਡੇ ਸਾਹਮਣੇ ਹੋਵੇਗਾ.. ਫਿਲਮ ਦਾ ਟ੍ਰੇਲਰ 15 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ।' ਇਸ ਤੋਂ ਪਹਿਲਾਂ ਫਿਲਮ ਦੇ ਪਹਿਲੇ ਭਾਗ ਦਾ ਆਖਰੀ ਸ਼ੈਡਿਊਲ ਕਾਸ਼ੀ (ਵਾਰਾਣਸੀ) ਵਿੱਚ ਪੂਰਾ ਹੋਇਆ ਸੀ। ਫਿਲਮ ਦੇ ਨਿਰਦੇਸ਼ਕ ਅਯਾਨ ਮੁਖਰਜੀ ਅਤੇ ਲੀਡ ਸਟਾਰਕਾਸਟ ਆਲਿਆ ਭੱਟ ਅਤੇ ਰਣਬੀਰ ਸਿੰਘ ਨੇ ਸ਼ੂਟਿੰਗ ਖਤਮ ਕਰਕੇ ਕਾਸ਼ੀ ਮੰਦਰ ਦੇ ਦਰਸ਼ਨ ਕੀਤੇ ਸਨ।ਇਨ੍ਹਾਂ ਸਾਰੇ ਸੈਲੇਬਸ ਨੇ ਇੱਥੋਂ ਦੀਆਂ ਖੂਬਸੂਰਤ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ।
ਇਸ ਤੋਂ ਪਹਿਲਾਂ ਜਦੋਂ ਆਲਿਆ ਅਤੇ ਰਣਬੀਰ ਵਾਰਾਣਸੀ 'ਚ ਫਿਲਮ 'ਬ੍ਰਹਮਾਸਤਰ' ਦੀ ਸ਼ੂਟਿੰਗ ਕਰ ਰਹੇ ਸਨ ਤਾਂ ਉਨ੍ਹਾਂ ਦੇ ਇੱਥੇ ਦੇ ਸੀਨ ਨਾਲ ਜੁੜੇ ਕਈ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਸਨ। ਇਸ ਦੌਰਾਨ ਆਲਿਆ-ਰਣਬੀਰ ਨੂੰ ਕਈ ਥਾਵਾਂ 'ਤੇ ਸ਼ੂਟਿੰਗ ਕਰਦੇ ਦੇਖਿਆ ਗਿਆ। ਫਿਲਮ ਦੀ ਸ਼ੂਟਿੰਗ ਵਾਰਾਣਸੀ ਦੀਆਂ ਗਲੀਆਂ ਅਤੇ ਨਦੀ ਦੇ ਕਿਨਾਰਿਆਂ 'ਤੇ ਕੀਤੀ ਗਈ ਹੈ।
Image Source: Instagram
ਹੋਰ ਪੜ੍ਹੋ : ਸਿੱਧੂ ਮੂਸੇਵਾਲਾ ਦੇ ਦੇਹਾਂਤ ਤੋਂ ਦੁੱਖੀ 20 ਸਾਲਾ ਨੌਜਵਾਨ ਨੇ ਜ਼ਹਿਰੀਲੀ ਚੀਜ਼ ਖਾ ਕੇ ਕੀਤੀ ਖੁਦਕੁਸ਼ੀ
ਇਸ ਫਿਲਮ ਦੇ ਨਿਰਮਾਤਾ ਕਰਨ ਜੌਹਰ ਹਨ। ਫਿਲਮ ਦੀ ਸ਼ੂਟਿੰਗ ਪੂਰੀ ਕਰਨ ਤੋਂ ਬਾਅਦ ਅਯਾਨ, ਰਣਬੀਰ ਅਤੇ ਆਲਿਆ ਨੇ ਲਗਭਗ ਪੰਜ ਸਾਲ ਬਾਅਦ ਕਾਸ਼ੀ ਦੇ ਮੰਦਰ ਦੇ ਦਰਸ਼ਨ ਕੀਤੇ। ਤਿੰਨਾਂ ਨੇ ਦਰਸ਼ਨ ਦੀਆਂ ਤਸਵੀਰਾਂ ਆਪਣੇ-ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਤਿੰਨੋਂ ਸੈਲੇਬਸ ਦੇ ਗਲੇ 'ਚ ਫੁੱਲਾਂ ਦੇ ਹਾਰ ਨਜ਼ਰ ਆ ਰਹੇ ਹਨ।ਤੁਹਾਨੂੰ ਦੱਸ ਦੇਈਏ ਕਿ ਇਹ ਫਿਲਮ ਇਸ ਸਾਲ 9 ਸਤੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।
View this post on Instagram