‘ਬਾਬੇ ਦਾ ਢਾਬਾ’ ਹਿੱਟ ਕਰਨ ਤੋਂ ਬਾਅਦ ਰਵੀਨਾ ਟੰਡਨ ਨੇ ਸ਼ੇਅਰ ਕੀਤੀ ‘ਬੇਬੇ ਪਕੌੜਿਆਂ ਵਾਲੀ’ ਦੀ ਵੀਡੀਓ

ਕੁਝ ਦਿਨ ਪਹਿਲਾਂ ‘ਬਾਬੇ ਦਾ ਢਾਬਾ’ ਦੇ ਵੀਡੀਓ ਨੇ ਸ਼ੇਅਰ ਹੁੰਦੇ ਹੀ ਢਾਬੇ ਦੇ ਮਾਲਕ ਦੀ ਕਿਸਮਤ ਬਦਲ ਦਿੱਤੀ ਸੀ । ਇਸ ਵੀਡੀਓ ਨੂੰ ਦੇਖਦੇ ਹੀ ਲੋਕ ਢਾਬੇ ਤੇ ਬਜ਼ੁਰਗ ਮਾਲਕ ਦੀ ਮਦਦ ਕਰਨ ਲਈ ਪਹੁੰਚ ਗਏ ਸਨ । ਹੁਣ ਇਸ ਵੀਡੀਓ ਤੋਂ ਬਾਅਦ ਅਸਾਮ ਦੀ ਇੱਕ ਔਰਤ ਦੀ ਵੀਡੀਓ ਖੂਬ ਵਾਇਰਲ ਹੋ ਰਹੀ ਹੈ, ਜਿਹੜੀ ਕਿ ਪਿਛਲੇ 30 ਸਾਲਾਂ ਤੋਂ ਪਕੌੜੇ ਵੇਚਦੀ ਆ ਰਹੀ ਹੈ ।

 

ਹੋਰ ਪੜ੍ਹੋ :

ਬਾਲੀਵੁੱਡ ਅਦਾਕਾਰ ਅਰਜੁਨ ਕਪੂਰ ਕੋਰੋਨਾ ਨੂੰ ਮਾਤ ਦੇਣ ਤੋਂ ਬਾਅਦ ਸ਼ੂਟਿੰਗ ‘ਤੇ ਪਰਤੇ, ਤਸਵੀਰਾਂ ਕੀਤੀਆਂ ਸਾਂਝੀਆਂ

ਜਤਿੰਦਰ ਤੇ ਹੇਮਾ ਮਾਲਿਨੀ ਦਾ ਹੋਣ ਜਾ ਰਿਹਾ ਸੀ ਵਿਆਹ, ਪਰ ਇੱਕ ਫੋਨ ਕਾਲ ਨੇ ਵਿਗਾੜ ਦਿੱਤੀ ਕਹਾਣੀ

ਸਾਰਾ ਗੁਰਪਾਲ ਨੂੰ ਬਿੱਗ ਬੌਸ ’ਚੋਂ ਦਿਖਾਇਆ ਗਿਆ ਬਾਹਰ ਦਾ ਰਸਤਾ, ਸੋਸ਼ਲ ਮੀਡੀਆ ’ਤੇ ਲੋਕ ਕਹਿਣ ਲੱਗੇ ਹੋ ਰਿਹਾ ਹੈ ਪੱਖਪਾਤ

ਇਸ ਦਾ ਵੀਡੀਓ ਇੱਕ ਸ਼ਖਸ ਨੇ ਸ਼ੇਅਰ ਕੀਤਾ ਹੈ । ਇਸ ਵੀਡੀਓ ਨੂੰ ਰਵੀਨਾ ਟੰਡਨ ਨੇ ਵੀ ਸ਼ੇਅਰ ਕਰਦੇ ਹੋਏ ਇਸ ਔਰਤ ਦੀ ਮਦਦ ਕਰਨ ਦੀ ਅਪੀਲ ਕੀਤੀ ਹੈ । ਰਵੀਨਾ ਵੱਲੋਂ ਸ਼ੇਅਰ ਕੀਤਾ ਇਹ ਵੀਡੀਓ ਖੂਬ ਵਾਇਰਲ ਹੋ ਰਿਹਾ ਹੈ । ਲੋਕ ਇਸ ਵੀਡੀਓ ਤੇ ਜਮ ਕੇ ਕਮੈਂਟ ਕਰ ਰਹੇ ਹਨ । ਵੀਡੀਓ ਵਿੱਚ ਔਰਤ ਪਕੌੜੇ ਤਲਦੀ ਹੋਈ ਨਜ਼ਰ ਆ ਰਹੀ ਹੈ ।

ਪਿੱਛੇ ਇੱਕ ਸ਼ਖਸ ਕਹਿ ਰਿਹਾ ਹੈ ਕਿ ਇਹ ਔਰਤ 30 ਸਾਲਾਂ ਤੋਂ ਪਕੌੜੇ ਬਣਾ ਰਹੀ ਤੇ ਅਸਾਮ ਦੇ ਡੁਬਰੀ ਵਿੱਚ ਸੰਤੋਸ਼ੀ ਮਾਤਾ ਦੇ ਮੰਦਰ ਕੋਲ ਇਸ ਦੀ ਦੁਕਾਨ ਹੈ । ਵੀਡੀਓ ਵਾਲਾ ਸ਼ਖਸ ਕਹਿ ਰਿਹਾ ਹੈ ਕਿ ਮੈਂ ਚਾਹੁੰਦਾ ਹਾਂ ਕਿ ਲੋਕ ਇਸ ਵੀਡੀਓ ਨੂੰ ਵੱਧ ਤੋਂ ਵੱਧ ਸ਼ੇਅਰ ਕਰਨ ਤਾਂ ਜੋ ਇਸ ਦੀ ਮਦਦ ਹੋ ਸਕੇ । ਰਵੀਨਾ ਟੰਡਨ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ ਕਿਰਪਾ ਕਰਕੇ ਇਸ ਤੇ ਵੀ ਆਪਣਾ ਪਿਆਰ ਦਿਖਾਓ ।

https://twitter.com/TandonRaveena/status/1315647014789500928