ਅਦਾਕਾਰ ਮਾਨਵ ਵਿਜ ਨੇ ਵਿਆਹ ਦੀ ਵਰ੍ਹੇਗੰਢ ‘ਤੇ ਸਾਂਝਾ ਕੀਤਾ ਇਹ ਵੀਡੀਓ, ਪ੍ਰਸ਼ੰਸਕ ਦੇ ਰਹੇ ਵੈਡਿੰਗ ਐਨੀਵਰਸਿਰੀ ਦੀਆਂ ਵਧਾਈਆਂ

ਅਦਾਕਾਰ ਮਾਨਵ ਵਿਜ ਨੇ ਆਪਣੀ ਵੈਡਿੰਗ ਐਨੀਵਰਸਿਰੀ ਮਨਾਈ । ਇਸ ਮੌਕੇ ਉਨ੍ਹਾਂ ਨੇ ਆਪਣਾ ਇੱਕ ਪੁਰਾਣਾ ਵੀਡੀਓ ਸਾਂਝਾ ਕੀਤਾ ਹੈ ਜੋ ਕਿ ਪਿਛਲੇ ਸਾਲ ਵਿਆਹ ਦੀ ਵਰੇ੍ਹਗੰਢ ‘ਤੇ ਉਨ੍ਹਾਂ ਨੇ ਬਣਾਇਆ ਸੀ । ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ ਕਿ ‘ਮੇਰੀ ਵੈਡਿੰਗ ਐਨੀਵਰਸਿਰੀ ਦੇ ਅਖੀਰ ‘ਚ ਤੁਹਾਡੇ ਨਾਲ ਇਹ ਪੁਰਾਣਾ ਵੀਡੀਓ ਸਾਂਝਾ ਕਰ ਰਿਹਾ ਹੈ ਜਦੋਂ ਲਾਕਡਾਊਨ ਨਹੀਂ ਹੁੰਦਾ ਸੀ।ਇਸ ਭੂੰਡੀ ਨਾਲ ਮੈਂ ਏਨੇ ਸਾਲ ਕੱਟੇ ਆ ਮੈਂ ਘੱਟੋ ਘੱਟ ਲੱਕੜ ਦਾ ਆਸਕਰ ਹੀ ਦੇ ਦਿਓ ਮੈਨੂੰ, ਤੁਹਾਡਾ ਸਭ ਦਾ ਧੰਨਵਾਦ ਏਨੀਆਂ ਦੁਆਵਾਂ ਅਤੇ ਸ਼ੁਭਕਾਮਨਾਵਾਂ ਲਈ’।

https://www.instagram.com/p/CCRIjtLnxK5/

ਦੱਸ ਦਈਏ ਕਿ ਮਾਨਵ ਵਿਜ ਨੇ ਅਦਾਕਾਰਾ ਮਿਹਰ ਵਿਜ ਦੇ ਨਾਲ ਸਾਲ 2005 ‘ਚ ਵਿਆਹ ਕਰਵਾਇਆ ਸੀ । ਮਾਨਵ ਵਿਜ ਆਪਣੀ ਪਤਨੀ ਦੇ ਮਿਹਰ ਨੇ ਮਸਤੀ ਭਰੇ ਵੀਡੀਓਜ਼ ਅਕਸਰ ਸਾਂਝੇ ਕਰਦੇ ਰਹਿੰਦੇ ਹਨ ।

https://www.instagram.com/p/CCPofCjHTvR/

ਉਨ੍ਹਾਂ ਨੇ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ 2002 ‘ਚ ਸ਼ਹੀਦ ਭਗਤ ਸਿੰਘ ‘ਤੇ ਬਣੀ ਫ਼ਿਲਮ ਸ਼ਹੀਦ-ਏ-ਆਜ਼ਮ ਤੋਂ ਕੀਤੀ ਸੀ ।

https://www.instagram.com/p/CA9TfWsH8mF/

ਇਸ ਫ਼ਿਲਮ ‘ਚ ਉਨ੍ਹਾਂ ਨੇ ਸੁਖਦੇਵ ਦਾ ਕਿਰਦਾਰ ਨਿਭਾਇਆ ਸੀ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਨਾਮ ਸ਼ਬਾਨਾ, ਫਿਲੌਰੀ, ਇੰਦੂ ਸਰਕਾਰ, ਅੰਧਾਧੁੰਨ, ਉੜਤਾ ਪੰਜਾਬ, ਰੇਸ 3, ਭਾਰਤ ਸਣੇ ਕਈ ਫ਼ਿਲਮਾਂ ‘ਚ ਕੰਮ ਕੀਤਾ ਅਤੇ ਉਨ੍ਹਾਂ ਦੀ ਅਦਾਕਾਰੀ ਨੂੰ ਪਸੰਦ ਕੀਤਾ ਗਿਆ ਹੈ ।